|
هل اعود لوالد ابني ؟ احتاج نصيحتكم
بسم الله الرحمن الرحيم
السلام عليكم ورحمة الرالله وبركااته صباحكم مسائكم خير هذي أول مشااركااتي عندكم بصراحه انا جدآآ عجبني المنتدى وحبيت أعرض لكم قصتي وأبي منكم تعطوني رايكم لاهنتم وإذا ماعليكم أمر انا تطلقت وعمري 20 سنه وعندي ولد عمره سنه وكرست حياتي لتربية ولدي من تعليم ورفضت جميع من طلبني لزوآآآج وكان السبب ولدي لاني ما ابي رجال غريب يدخل في حياتنا ويحرمه مني ومن حناني له لان اهو كل دنيتي وماا ابي يحس بنقصان أتجاهي وبعد مرور الايام والسنين تخرج ولدي من الثانوي وكثرت روحاته وجياته لبوه وانا حسيت بفرااغ كبير وطلبت لزواج من أحد أقرابي كنت رافضه رفضآآباتآآ لان الزواج مو متكااافء بسبب فرق العمر بيني وبينه لاني انا أكبر منه 5 سنوات واهو رجل متزوج ولديه ابناء وبينه وبين زوجته مشاكل وتزوجته بعد الالحاح من أهلي واستمرت مدة زواجنآآ 5شهور بس بصراحه كانت حيااتناا زينه وسعيده بس انا من داخل ماني مرتاحه موله بس كذا من ربي مو مناحية يعني وكان سبب الطلاق انا اتوقع بس مو متأكده لان الطلاق جاء بعد مشاكل كبيره بين اخته واخوي لان اخوي ماخذ اخته من زمااان مافكر يطلقني لين اخوي تزوج على اخته وبعد ماتزوج على اخته تغير من نااحيتي حيل وقام يتعذر يقولي انا تعبان ومريض ما اقدر اكمل معاك وان ما اشوف تعبه اللي يقوله والله أعلم .. وبعدد شهر دزلي مسج بالجوال انا كنت بالبيت واهو بالعمل ويقول فيها(خوذي أغراضك وانتي طالق ثم طالق ثم طالق ) المــــــــــــــــــــــــــــهــــــــــــــــــ ــــــــــــــم.... ودخل ولدي الجامعه وولدي ساكن عندي وكان في أمنيه لولدي كان يتمناااه واهو صغيرودايم يلح علي ويقول يمه تكفين ارجعي لبوي وابوه كان يكلم اولدي ويقوله انا يالولدي برجع لمك بس كلمه وشوف رايه واهو مشكلته انه مطلق وعنده 3 أطفال واكبرهم عمره 14 واصغرهم 8 سنوات وانا خايف بصراحه ارجعله والساالفه صارت بعد طلاقي الثاني بسنه وبعد مااطلق اهوو مرته واللحين انا متردده مادري شرد يعني ابي رايكم وشوركم بالموضوووع ولا تنسوني بالدعاء ارجو منكم الردود تكفون الإشراف : تم تعديل العنوان ليتناسب مع المضمون . |
ارجعي لزوجك ابو ولدك يمكن فيها خير انا لو مكانك ارجعله وانوي الخير وقبل كل شئ صلي صلاة استخارة وشوفي
وان شاء الله نسمع اخبار سعيدة يارب |
ارجعي لزوجك يالغلااااا
هدي فرصه تجمعي الشمل بعد طووول هالسنين!! اول كنتو صغاار بالعمر بس الأن كل منكم وااعيين وفااهمين كل شي وراح تصبرو على بعض بأدن الله الله يوفقك ويجمع شملكم! |
ارجعيــــــــله بعد ماتستخيرين...
الله يوفقك. |
حبيبتي ايش كان سبب الطلاق من البداية ؟ قصدي طلاقك من ابو ابنك
|
الرجوع له نحسب أنها خير بإذن الله لكن بعد ما تستخيري أتم أمور عودتك له فإن تمت أو لا قدر الله لم تتم فهذه نتيجة استخارتك والله يكتب لك الخير عزوبي بس رجل |
استخيري الله سبحانه
وطلبك للرجوع قد تكون فرصة لكي تستقرين في حياتك اعانك الله ورزقك الاستقرار والطمانينة في حياتك |
عليك بالاستخاره .. و قبل ما ترجعين له لازم تتفاهمون مع بعض على كل الخلافات اللي كانت سبب لمشكله طلاقكم ..
|
استخري الله ثم ارجعي لابو عيالك ان شاء الله يكون خير لك وخاصه انه مبين انه بينكم حب كبير
وهذه من الاسباب الي جعلته يطلب انه يرجعكي والله يوفقك |
ارجعيله طبعا من وجهة نظري
وانت ادرى فيه وكونه عنده اطفال هالشي مايعيق رجعتك الله يوفقك يارب |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©