|
ندمانة بشدة على زواجي
السلام عليكم ورحمه الله وبركاته
انا لي الان شهرين ونص متزوجه اشعر انها سنتين لا اشعر انني متزوجه زوجي مرات طيب وكريم معي ومرات عكس ذلك اكره الجلوس في بيتي كل نهايه اسبوع وانا عند اهلي انام عندهم يومين وارجع لبيتي احس الدنيا سوداء في وجهي صرت عصبيه وكثيره البكاء وخاصه اذا رفض يوديني اهلي اتمنى يمنعني من كل شئ الا اهلي بصريح العباره انا غير مرتاحه نفسيا مع زوجي حاولت بس وربي ماني قادره نفسيتي كل مالها تتدهور اكثر احاول اصبر واصبر واصبر ,,,,,,,,,, بدايه فضفضه يمكن ردكم على يريحني ,,,,,,,, وعذروني على صراحتي |
أنت لا زلت في اول المشوار والبدايات تكون صعبة بعض الشيء لأن فيها خلاف المعتاد.. ففراقك وبعدك عن أهلك وعن البيئة التي تربيتي فيها هو الذي أتعب نفسيتك.. لكن مع مرور الليالي والأيام سيزول كل هذا.
والآن يا أختي عليك بالقرآن وسائر الأذكار فإن الله سيذهب عنك الهم والغم {ألا بذكر الله تطمئن القلوب}.. |
ندمانة على شو انا مثلك حبيبتي انا صار لي شهر متزوجة اغلب الاوقات بنقديها شجار وخصومة لانو لسه ماتعودنا على بعض
اصبري حببيبتي . |
الله يهديك اختي ترى دوبك في بداية الزواج لسه الحياه قدامك وبعدين مامداك تاقلمتي مع زوجك يااختي حاولي تفهمي زوجك يمكن لما يعصب يكون طفشان من الدوام او انك احيانا تختاري اوقات غير مناسبه للكلام معاه يااختي من كلامك زوجك يحبك وكلنا في بداية زواجنا واجهتنا مشاكل بس صبرنا وفرجها ربي الله يسعدك ويريح بالك اختي
|
وضعك طبيعي أختي هكذا الحياة بداية الزواج لا تخافي أول سنة ضروري تحدث مشاكل وعدم تأقلم ومع الوقت بتسعدي إن شاء الله لا تكدري حياتك من الآن
|
حبذا لو حددتي الأمور التي تضايقك ... ليسهل على الأعضاء نقاشها معك وحلها أمرا أمرا
أما ان نقول الوضع طبيعي او غير طبيعي فلا يمكن ونحن لا نعلم أين يكمن ضيقك من حياتك مع زوجك .. فرج الله همك |
شدة شوقك الى اهلك طبيعي وحزنك على رفض ذهابك لهم طبيعي ولكن مع مرور الأيام سوف يغير كل شي
ولكن عليك بالصبر وعدم فتح باب المناقشات بكثرة وممكن أذا رفض ذهابك شغل وقت فراغك بالقراءة او عمل شئ في بيتك أو دخول دورة او دآر للقرآن وفقك الله ويسر امرك |
شوفي اول سنه مافيها تعود ولا تأقلم بس مع الوقت راح ترتاحو لبعض ترا يمكن هوه نفس الوضع بس انتي لازم تغيري
وضعك مو كل خميس وجمعه تروحي لاهلك .. الزمي بيتك حبيه ابدعي فيه حاولي تتقربي من زوجك بالسوالف اقضو هالليالي سهرانين مع بعض احكوو بكل شئ ذكرياتكم خلي زوجك شغلك الشاغل الحين عامليه بلطف وحنيه عشان تكسبيه لانه بعد الزوجه عن الزوج في بداية حياتهم الزوجيه بتقلل صلتها فيه وتكون زي عدمها ان جات كان بها واذا راحت مع السلامه مايسئل ولايشتاق لها لازم تصيري حياته كلها لاغبتي عنه يتعب ويدورك ولايرتاح الا لما ترجعي ... عوديه انك تخدميه وتقدمي له كل شئ خليه بجد لما تروحي لاهلك زياره يفقدك من غير شر وقتها انتي كمان راح ترجعي له بسرعه ويكون هوه اهلك وناسك وعالمك كله انتي بأول حياتك فأسسي لك حياه وعالم وكون كاامل بأذن الله انا بأول زواجي كل فتره والثانيه بلبس عبايتي وبتركه بس بركه اللي اهلي بمدينه ثانيه ولما اروح لهم اقول ماني راجعه واطلع من بيت اهلي ابكي اودع فيهم واهلي يهدوو فيني بس بديت اتوجه له اهتم فيه ولأمره تقربت منه وبالمقابل اكيد هوه راح يقدم لك ويتقرب لك ويحن عليك مو معقول بيوقف جامد راح تشوفي شغلات ماكنتي شايفتها فيه بكره بس يعرف اللي تحبيه بيحرص يوفره لك ويحرص على راحتك وعلى سعادتك لساتكم بأول الطريق وكل واحد فيكم مايعرف صفات الثاني ولا عيوبه ولا ايش يحب ولا ايش يكره بكره راح تشتركوو في شغلات كثيره تحبو تمارسوها مع بعض خططو لسفره صغيره من خلالها راح تقربوو من بعض ومافيه لا امي ولا امك مالك غيره الله يهدي سركم وييسر اموركم ويزرع المحبه لبعض في قلوبكم ادعي الله انوو يحببك فيه ويسخرك له وانه يحبك ويسخره لك وانو يصلح حالكم ويجمع بينكم في خيرر دايم كرري هالدعاء واستمري بصلاتك بكل وقت والله الحياه الزوجيه للي يفهمها حلووه ووممتعه للي يعرف يتصرف ويمشي اموره طولت عليك الله يسعدك ويوفقك بحياتك وينعم عليكم بالصحه والعافيه |
علئ امل اللقاء
ماشاء الله ابدعت حبيبتي بيني وبينك فكري الان !!! بنظرك ليش ماارتحتي معه ؟ هل به صفات ماتعجبك ..يعني تعامل شيء ؟ هل انتيفاقده شيء بحياتك ؟ لاتقؤلين كذا !!! مافي اي سبب يعني وبعدين ارقي نفسك واستمري وباذن الله يشرح صدرك له هذا زوجك حرام عليك ...وهو علئ قؤلك طيب وحنون هل تهاوشتوا علئ شيء ؤاخذتي موقف يمكن كتبتي هلموضوع وانتي معصبه منه ولا نفسيتك تعبانه !. |
الله يكوون في عوونكـ اختي .. وهدي بدايه الزوااج كداا لانكـ كنتي عند اهلكـ ودحين بعدتي عنهم .. وانتي تقوولي انكـ >>> كل نهايه اسبوع وانا عند اهلي انام عندهم يومين وارجع لبيتي احس الدنيا سوداء في وجهي صرت عصبيه وكثيره البكاء وخاصه اذا رفض يوديني اهلي اتمنى يمنعني من كل شئ الا اهلي بصريح العباره انا غير مرتاحه نفسيا مع زوجي يااقلبي اكشفي ع نفسكـ يمكن تكووني حاامل >> وعشاان كداا انتي عصبيه وكتيرة البكاااء <<< والله اعلم .. واتمنى لكـ حيااهـ سعيده وموفقه .. |
| الساعة الآن 12:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©