ماذا يقصد طليقي بهذا التصرف
 

السلام عليكم ورحمة الله وبركاته:

حابه اعرض مشكلتي وارجو ان فيدوني:

أنا مطلقه من 4ايام زوجي ارسل لي رساله يقول فيها (يافلانه انتي طالق وراح اروح المحكمه وارسل ورقة طلاقك)على اساس اليوم الثاني من الطلاق بس تفاجئ بأن الوالد اول ما قرأ الرساله سافر للمدينه الي هو ساكن فيها لاحضار اغراضي من الشقة بس طليقي اخذ بعض الاغراض وقفل عليها الغرفة الوالد طلب في بقية الاغراض فرفض اعطاه وبعد الحاح من ابوه دخل الشقة وقفل الباب عليه ورفض الرد على اي احد بس يقول ماعندي شي من الاغراض حصل بعدها مشاكل حتى يعطي الوالد الاغراض وأخيرا هرب من الشقه وسافر الوالد بعد وقت من سفره ارسل طليقي رساله للوالد يقول الحمد الله اخذت الاغراض والله يعوض عليا بالخير وحسبي الله ونعم الوكيل .والى الحين ما أرسل الورقه على العلم ان ابويه كل يوم يرسل له رساله بانه يثبت الطلاق في المحكمه وأرسالها.

تصرف طليقي على ما يدل؟

اهله اتصلو على امي ويطلبو فيا بس أمي ترفض.وخواته يتصلو عليا الصباح وما ارد ومو عارفة شو يبغو مني؟


الإشراف :

تم تعديل العنوان ليتناسب مع المضمون .

اعذريني هذا تصرف طفل مو رجال

وانا خايف انه ما يرسل ورقة الطلاق .. و تكوني معلقه .. بس اتوقع ممكن بالمحاكم تنحل
بس قبل المحاكم حالو تحلوها وديا .. شوي شوي لين ما تاخذو ورقة الطلاق
.. يعني يز ما يقولون .. مسحو على قصته .. و توددو لين ما يرسل الورقه

والله يهون عليكي و يبدلك باللي احسن منه .. انا ما ادري اذا هو انسان زين او لا .. بس اذا كان زين .. حالو تصلحو الامور اول

واذا كان مو زين .. قال تعالى " عسى ان تكرهوا شيئا وهو خير لكم " .. يعني يمكن يكون الطلاق احسن لكم

هذا كل اللي اعرفه .. و ان شاء الله الاخوات و الاخون يفيدوكي
والله يسهل عليكي و ييسر امرك و يبدلك باللي احسن منه يارب

الله يجبرك فى مصيبتك ويعوضك بخير منها ان شاء الله

الله يعوض عليك وكل شي مكتوب من رب العالمين

بس كان رديتي على خواته تعرفي وش يبون؟

اذا كان فعلا ذهب الى المحكمة وطلق فان القاضي لايعطيه اصل صك الطلاق انما صورة فقط لمراجعة الدوائر الحكومية لحذف اسمك من بطاقة العائلة واصل صك الطلاق يسلم لكي او لولي امرك واذا كنتي بمنطقة اخرى يرسل اصل الصك لاقرب محكمة لعنوانك والان عليكي التاكد من انه طلق فعلا بالمحكمة وهذا الكلام اعلاه مر علي عندما طلقت زوجتي.

والله ياحبيبتي الاموار خارجه عن ارادتي صار الموضوع في يد اهلي .وثانيا هو مارد علينا هل هو مثبت الطلاق ولا لا؟