|
محتارة هل أعمل حفل زفاف أم لا
السلام عليكم ورحمة الله وبركاته أنا فتاة مخطوبة (مملكة) وخطيبي (زوجي) قاعد يحوش للعرس وبصراحة هو مب متشجع يعمل عرس ايقولي مافي داعي ومصاريف عالفاضي بس بيسويه عشاني وانا محتارة ماني عارفة..أهلي ايقولولي سوي اللي تبيه.. ..علما اني سويت خطبتي بفندق بس مب كبيرة لأ عادية بس الحمد لله كانت حلوة بصراحة ماني عارفة اخذ قرار..صديقاتي يقولولي لاااازم عرس بتتحسفين بعدين وبيسترخصك..وانا حابه اوقف معاه خصوصا انه هالفترة عنده التزامات ثانية بس خايفة... ما ادري شرايكم؟ وجزاكم الله خير |
هذا شي يرجع لك حبيبتي ...
اذا مسألة العرس مو مهمة عندك و تكتفي بحفل الخطوبة خلااص لا تسمعي كلام الناس اما اذا كانت مسالة العرس جدا مهمة ..و كان حلم منذ الطفولة زي ماهو حلم اكثر البنات .. فا ممكن ما تتنازلي عنه . بس تساعدي زوجك باشياء ثانية مثلا ما تصري على عرس فخم ... و انما يكفي يكون بقاعة عادية و الاهم تلبسي الفستان الابيض.. او تساعديه ببعض المصاريف فالموضوع انتي اللي تحكمي عليه .. لانه اذا الموضوع مو فارق معاكي فا عادي .. لكن لو هم حلم طفولة بالسنبة لك .. فا فعلا بعدين بتندمي انك ما صبرتي او ما دورتي حل ثاني تساعدي فيه زوجك غير الغاء العرس .. فا اجلسي مع نفسك و شوفي ايش احساسك الصادق تجاه اقامة حفلة ؟؟ |
الامر عائد اليكي زي ما قالت العضوه نورا
مو شرط تسوون عرس كبير وفخم قاعه صغيره وتعزموا الاهل المقربين وبعض الاصدقاء ويكون العشى قليل بدل ما يدفع مبالغ كبيره توصل لي ستين او سبعين الف تجفعوا 30 او 20 |
شكرا أختي noora وأخوي .. abo khaleel بصراحة أنا عادي بس خايفة بكرة أندم..علما باني سوف أتزوج وأسافر لبلد اخر أعيش فيه لأن زوجي مو بنفس بلدي.. ومو عارفة هل زوجي بيقدرلي هالشي وبيحترمني أكثر وبكبر في نظره ولا بيكون عادي وبيقولي بكره انه هو خيرني وما جبرني على هالشي؟؟ أريد تجاربكم .. شرايكم يا رجال؟ هل بتكبر زوجتك بنظرك لو ما سوت عرس لغرض أن توفر عليك المصاريف؟؟ والا بتحس بالنقص وبيضايقك موقفها؟ |
عزيزتي
العرس بصير مره بعمرك انا ما بايد انك ماتعمليه رح يضله في نفسك وتقولي ليتني لو عملت حفله صغيره في مجال انك تعمليه بقاعة صغيره وتعزمي اقل عدد ممكن مش لازم تعملي بوفيه مثلا وفري باشياء ممكن جدا انها تفرق بالسعر لاتكلفي على خطيبك زيادة انا ايام ماتزوجت وضحلي زوجي هالشي من قبل واحنا كتير وفرنا عليه لكن العرس كان روعة ولو انه بسيط الله يوفقكم ويسخرلك زوجك ويسخرك اله ويرزقكم من حيث لاتحتسبوا تحياتي |
بقولك شي
حفلة الزواج كلها 5 ساعات فقط يعني ممكن انتي ماتتنازلين عن حفلة الزواج ولكن فيه اشياء كثيره بعد زواجك ممكن تنحرمين منها اني اجعلي كلام الناس اخر شي في حياتك لان رضا الناس غاية لا تدرك والله مهما سويتي حفله و مدري ايه .. الا انه راح تلقين نقد و انتقاد افضل شي انك تسوين القرارات مع زواجك وانتي مقتنعه تمام الاقتناع الله يوفقكـ .. ترين كل الناس اللي تقول لك سوي حفله وما ادري ايه ماراح تعيش حياتك الزوجيه اللي راح تعيشيها مع زوجك اهم شي كلام الناس اخر شي في حياتك تفكرين فيه |
السلام عليكم حبيبتي سوي حفلة عرس الصراحة احنا ما نقول عن وحدة التوجت الا لما تسوي عرس لانو العرس بمثابت الاعلان والتشهير انكو تزوجتو وبعدين شلون هو بتزوج ومو موفر مصريف العري بس اقولك سوي لو حفلة على الضيق ويارب يهدي زوجك الك ويهديك انتي الى
|
انا اعتقد ان احسن شى انك تسوين حفلة فى بيتكم وتعزمين عليها صديقتاتك وتلبسين فستان الزفاف
بس على فكرة تاكدى ان خطيبك مش بخيل عشان عادة البخلاء هو الى مايحبون هالمصاريف |
وعليكم السلام ورحمة الله وبركاته اولا واخيرا الراي رايك بعد الله . ثانيا لايكلف الله نفسآ الا وسعها . ثالثا أهم شيء تكونين انتي وخطيبك متوافقين فلايهم العرس كثر مايهم التفاهم والتوافق بينكما . رابعا ادعي الله ان يتمم الخيره لكما اذا كان في الحفل خيره ان الله يكتبه واذا كان الحفل منه مضره ان الله مايكتبه . وتبين الصراحة الناس اللي بيجون للعرس بيستانسون واذا طلعوا من الزواج قطعوا جلد اللي مختار القاعه فهم لاينظرون الى المحاسن كثر ماينظرون الى المساوء << عايش التجربه في زواجات خواتي ولك القرار . ^^^^^^^^^^^^^^^^^^ هذا كله من وجهة نظري الشخصية وآسف ع الاطاله |
سوي شي بسيط لو في استراحه تكون زي القاعه والله يوووفقك من جد دي ليله العمر حاتندمي البساطه احلى شي في قاعات حتى فندقيه بي 9 و10 الالاف وفي استراحات بي اقل
|
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©