|
محتاره مع اهلي افيدوني
بسم الله الرحمن الرحيم
السلام عليكم ,,وصباح الورد على كل الاعضاء باحلى منتدى .... ماني عارفه كيف ابداء كلامي بس ابي رايكم ...............انا على وجهه ولاده وبروح لاهلي وللاسف شغالات اهلي رايحه الاسبوع هذا وانا شغالتي الى الان ماجات ,,,,,انا ساكنه بعيده عن اهلي 1000كيلو و البارح كلمت ابوي وسولفت معاه زي كل يوم تفاجأت انه يقولي في حال ماجاتك الشغاله وحنا شغالتنا رايحه اولدي وروحي شقه مفروشه وبجيب امك لك كل يوم (انا اقسم با الله انصدمت) لي 3شهور ماشفتهم ...................والمصيبه ان اختي تقولي شدعوا ليش زعلانه عادي انا ماتحملت وكلمت خالتي وقلت لها وقالت لي (ماعليك منه روحي واقعدي عندهم ) قلت لها لو اعرف امي راضيه بموت من القهر ,,بعد ساعه كلمت امي وقالت عادي كلامه مافيه شي بس وربي مت الصياح ان امي تقولي كذا المشكله ان لي اكثر من شهر وانا اقولها انا بقعد الاربعين كامل عندكم ( انا ثلاث مرات جبت ولاعمري كملت الاربعين عندهم )كان بيتي بنفس المنطقه لكن الان الوضع تغير ماعندي بيت ولامكان غير بيت اهلي ... انا اسفه طولت عليكم ابي رايكم با الله لاتبخلون علي فيها ............................ |
طيب شكل ابوك من النوع اللي مايحب الصجه وانت معك ثلاثه ماشاء الله...ويمكن بعد اخوانك كبار لا صجه ولا حوسه وانت
عيالك بدون شغاله وبيت اهلك بدون شغاله ماادري....اتوقع هذا السبب... |
اقتباس:
بس وربي وربي قويه .......(الله يسامحهم ).... شكرا حبيبتي على مرورك.... |
حبيبتي لا تكوني حساسة بزياااادة
ابوك معاه حق .. ماشاء الله 3 اطفال و زيارات و استقبالات و مافي شغالات فا تعب على امك و ازعاج لاهل البيت ... فا من هذه الناحية ابوك شاف حل يريحيك و يريحهم خذي الموضوع عاادي .. |
مرحبا noora
الله يبرد قلبك يااارب بس انا راح تجيني الشغاله قبل ولادتي باسبوع بهذا الحال اروح عندهم اولا وبعد بيت اهلي بتكون عندهم مؤقته ؟؟؟؟؟؟؟؟؟؟؟؟؟؟؟ ابي رايك الله يعافيك ...؟ |
شوفي حبيبتي
أنا لو منك ما أروح مو لزعل لا بس لأنك ما شاء الله منتي بكرية ومحتاجة لعناية وماعندك خبرة والحمدلله بتجيك شغالة . أحسها ماهي حلوة أشيل أطفالي وأروح لأهلي خاصة لو كانوا أشقياء واجلس عندهم فترة نفاس وكل بيت له ظروفه وكبار السن ما يستحملون إزعاج الأطفال فلا تلومين أبوك واكيد أهلك بيجونك واكيد زوجك يحتاج لك فما له داعي تخلينه وتروحين.. الله يقومك بالسلامة:15: |
رأيي من رأيي ام عبدالله
بقولك عن شي ... بنات عمي ماشاء الله وحدة معاها 3 و الثانية 2 و لما يجوون بيت اهاليهم يحسوا بتضاايق عمي من الاطفال و يشتكون لي ابونا ماعاد يحبنا ماعاد يستحملنا لما رحت و شفت الحال مع الاطفال لعب و شقاوة و ازعاج و ناس جاية تسلم عليهم لوصولهم من السفر (( يعني زي حال النفاس )) رحمت حال عمي .. مسكين رجال كبير ايش يخليه يتحمل كل هذا الازعاج و يصارخ على الاطفال و الامهات يزعلوا .. فا ياحبيبتي الحمدلله معاك مين يساعدك و امك ممكن تجي لك فا ليش تدوشي اهلك معاك .. ولو مصممة تروحي .. لا تشتكي بعدين و تتحسسي من اي تصرف او كلام من اهلك لانه تعليقاتهم مش لانهم ما يحبوك فا مافي اهل يكرهوا عيالهم و انتي ادرى بهذا الشي لكن برضو معذورين ... مالهم خلق للازعاج و دوشة الراس ... |
الله يجزاكم خير يااارب
على ردودكم بس امي مستحيل تجيني اذا ولدت بعيده عن ديرت اهلي بس تدرون احتمال اخذ شقه والله يعيني مع اني بموت من الشوق لهم وبا النسبه لعيالي الحمدالله والله ما امدح بهم بس والله عااااااااااااااقلين (الله يحفظهم) بس شكلي بسمع كلامكم وبعديام عبدالله انا بروح عنداهلي مش عشاني نفاس بس لا وربي عيالي الي قبل كنت اروح بس 15او10ايام واروح بيتي بس لاني بعيده بديره غير 1000كيلو عن اهلي ..... (الله يعين ياااارب ادعولي محتاجه لدعواتكم ) |
أنا لو مكانك اتنفس في بيتي ....
صراحة راحة ما بعدها راحة ....وأقصد الراحة النفسية خصوصا ومعك 3 اطفال الله يخليهم لك ... صدقيني احسن لك تنفسي عند زوجك ... وخلي عيالك مستقرين في بيتهم بكرامتهم أحسن الله يقدم لك اللي فيه الخير |
اسمعي ياعمري الاخوات كفوا ووفوا لاجت خدامتك دقي عليهم وساليهم اجي اولا والسااااالفة بسيطة بس الشيطاااان مكبرها براسك
|
| الساعة الآن 11:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©