|
ماتعليقكم على هذه المواقف التي حصلت لي
السلااااام عليكم أسعد الله صباحكم ومسائكم بالخير .. بصراحة ماني عارفة من فين أبدأ عندي أكثر من نقطة اولها : طليقي هذا الشهر بيتزوج في نفس منطقتي والحي والشارع اللي أسكن فيه لان العروس ساكنة بهذي المدينة وكل تجهيزات الزواج من حولي لأنه قريبي .. لكن احلا مافي الموضوع ان كل قرايبي حتى من بعيييييد رفضوا الحضور في زواج طليقي بسبب طلاقه لي .. و قبل أسبوع أرسلوا طليقي واهله كرت الدعوة حق زواجه لوالدي مأدري وش قصدهم نحضر الحفل او معاير او يعطونا خبر بفرح ولدهم الله اعلم ؟؟! حسبي الله عليه وعلى أهله جميعاُ ....... وثانيا : رحت مع امي عند واحدة تعالج علاج شعبي لاني تعبت قبل فترة من ظهري اول ماشافتني قالت مخطوبة قالت امي لا قالت لي توافقين على ولدي اعزب قلت ايش؟!َ (لانها فأجأتني ) قالت ابغى اخطبك لولدي بعدين انا حسيت انها جادة وخجلت وقلت لها بأخرج لحقتني عند الباب وقالت انا جادة بأخذ عنوانكم من امك ونجيكم البيت وخطبة رسمي بس أنتي وافقي وماشاء الله الصلاة على النبي وجلستي تعوذني وانا حسيت انها صعبت علي اني أقولها اني مطلقة وخايفة انها اذا عرفت تغيير رأييها فقلت لها كلمي امي وخرجت وفي نفس الوقت فأجأتني .. ورجعت لأمي قالت انا حبيتها وارتحت لها وماشاء الله ادب وجمال وأخلاق ماراح اقابل احسن منها لولدي قالت امي ترى هي مطلقة عادي !!!!!!!!!!!! قالت لا حرام انا أبغاها لولدي بس ولدي أعزب كيف أخطب له مطلقة وتكون اول زوجة في حياته لكن بأخطبها لولدي الثاني متزوج وعنده حرمتيين .. اول ماقالت لي أمي قلت لا ماني موافقة ... ( يعني المطلقة مايناسبها الا المتزوج او الشايب والأعزب كثييير عليها ماهو كفاية تجريح لاحول ولا قوة الا بالله ) ثالثا : برضو حضرت زواج لواحدة من زميلاتي وشافتني واحدة وارسلت واحدة من زميلاتي تعرفها علي انها تبغى تخطبني لأخوها وانها سألت عني وقالت لها زميلتي عني ماعدا اني مطلقة ولما قالت لي زميلتي قلت لازم تقولين اني مطلقة لها واول ماعرفت اخت العريس قالت لا أخوي صغير عمره 27 وصعبة يأخذ مطلقة بس اعتذري لنا منها وقولي لها ماتستااااهل الطلاق لكن طليقها ماعرف يحافظ على جوهرة مثلها ... قالت لي زميلتي قلت حصل خير ... لكن أسأل الله العظيم ان يعوضني ويفرج همي وهم كل مسلم ومسلمة بما هو خير لنا .. والله زاد كرهي لطليقي بعد هذي المواقف هو واهله بس الحمدلله على كل حال واحاول اصبر نفسي بإن الفرج قريب بإذن الله .. اتمنى تعليقكم على الثلاث نقاط ودعائكم لي من خالص قلوبكم وجزاكم الله خيراً .. الإشراف : تم تعديل العنوان ليتناسب مع المضمون .. |
اختي الكريمه هدي نفسك فكل انسان في هذه الحياه لن ياخذ الا ماكتب الله له اعملوا فكل ميسر لما خلق له ومتى ماجاء نصيبك لايستطيع احد ان يوقفه لامن بعيد ولا من قريب واكثري من الدعاء والاستغفار والصدقه وقيام الليل وكم مضى على طلاقك وهل انتي بالفعل مستعده لتجربة الزواج مره اخرى ومن يدري من الممكن ان يكون طليقك لايرتاح مع زوجته ويعود اليكي واوصيكي بالصبر ان الله مع الصابرين0
|
الله يعوض عليك بأحسن منه..
اصبري..ماتعرفي الأيام اش تخبي,, |
الله يختارلك ماهوأحسن وماهو أفضل ..لعله خير
وثقي ياغاليه ..ماضاقت حتى فرجت للأسف الكتيرمن الناس يحسب إنو المطلقه هي سبب الطلاق في كل الحالات وإنها لو فيها خير كان مارماها الطير نظريه خاطئه جداً..ومايدروا إنو كل شئ مكتوب من الله والله يعوضك خير يااارب |
حسبي الله ونعم الوكيل في من كان السبب :(
واللي قاهرني نظرتهم للمطلقه وكأنها ناقصه شي!!! حبيبتي وكلي أمرك لله وأن شاء الله الخير جايك :) بس انتي احسني ظنك بالله وأن شاء الله العوض جايك ولاتخلين ناس عقولهم فارغه تأثر عليك أو تخليك تفقدين ثقتك بنفسك أو بربك :( فالله سبحانه وتعالى قادر على أن يبدل حالك ألى أحسن حال لكن كوني قريبه منه وأجعلي همك كله رضاه والقرب منه الله يعوضك ويفرج همك ويشرح صدرك وييسر أمرك |
اختي انا زيك مرتين حصل لي نفس اللي صارلك انا مطلقه قبل الدخول لكنهم ما يبون بكيفهم مو ناقصين وجع راس مع هالعقلية ...
يا بنت الحلال ربك اذا اراد شيئا يقول كن فيكون...رضا ربي ولا رضا الناس...ترا الزوج مو بايدهم والطلاق نصيب وقدر اذا ما رضينا به يعني ايمانا ناقص ما آمنا بالقضاء خيره وشره تفاءلي اختي الكريمة طليقك يبغي يتزوج خليه يتزوج بالعافية عليه لكن ثقي ان حقك ما راح يضيع عند رب العباد فقط تفاءلي وعيشي حياتك طول وعرض وارمي كلمة مطلقة عرض الحائط انتي فلانه بنت فلان مانك مطلقة ولا ناقصك شيء اذا شفتي الماضي ماراح تقدرين تكملين طريقك للمستقبل وتكتشفين نفسك امضي للامام لان الماضي مضى ومستحيل انه يرجع مستحيييييييييييييييييييييييييييييييل انسي طليقك لانه من ذاك الماضي ...ليه وجع القلب والدماغ على شي انتهى بحكمة من الله سبحانه قوي علاقتك مع رب العالمين فما راح تحتاجين لاحد صدقيني وبعدين افرحي ترا وانا اختج عندناااااااااااااا خبرة في هالمجال خلي يجيني النصيب راااااح اطلع عينه ههههههههههههههه تفاءلي واضحكي وش ورانا شايلين هم الدنيا والدنيا لها رب حكيم ورحيم بيده تصريف الامور. وفقك ربي |
عوضك الله بخير منه
بالنسبة ارسال الدعوة اجعلي نيتك صالحة وممكن أنكم جيران لذالك اجعلي هذا الآمر منسيا وبالنسبة لخطبتك من التي تعالجك شعبي هذا هو المجتمع وهي تريد زوجة بكر لولدها الشاب الذي لم يتزوج مع ان هناك حالات يتزوج الواحد مطلقة مع أنها قليلة وتأكدي أن الله سيرزقك وهو الرزاق الكريم |
أسعدني والله مروركم وانا استفيد منكم ومن تعليقاتكم وخبراتكم ثانيا : انا مطلقة من 8 سنوات و اعوذ بالله ان اعود الى طليقي ... ثالثا : هم ليسوا جيراننا ولا يسكنون اساسا في نفس مدينتنا وكرت الدعوة ليس من عفوية ... وأخيرا كل مأحسست اني مستعدة للمرور بتجربة أخرى أنصدم بشخصيات تجعلني اعود وأراجع نفسي لأن هذا الزمن مخيف لانها غابت فيه كثيير من مكارم الأخلاق واصبحت نادرة والكل يمشي بحذر .... |
اختي مطلقه صغيره
الله يفرج همك ويرزقك بالزوج الصالح الي يعووضك عن الايام الي راحت وطليقك انسيه لانه صار ماااضي وانتهى احسني ظنك بربي باذن الله ستجدين الرضا والسعاده وتذكري ان الرزق بيد الله وحده |
)))يعني المطلقة مايناسبها الا المتزوج او الشايب والأعزب كثييير عليها ((
مو بس المطلقة حتى العانس ما تحلم تاخذ اعزب او حتى مطلق العانس مقرر اما تاخذ متزوج او شايب ارمل واذا كتب الله وكان حظها مطلق يطلع فيه بلاااوي الحمدلله على كل حال الله يرزقج باللي احسن من طليقك وحاولي تكثري الخروج للحفلات الزواج والصالونات لان مثل ما قلتي يخطبونك لجمالك انا راحت علي لان عمري كبير حتى لو انخطبت ينصدمون بالعمر |
| الساعة الآن 11:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©