|
خطيبي استخسر علي كثير
السلام عليكم ورحمة الله وبركاته
مساء الخير للجميع بما اني لا اجيد المقدمات فسأكتب الموضوع مباشرة انا فتاة مقبلة على الزواج بعد فترة بسيطة (اقل من شهر) وخطيبي المحترم بدأت تتكشف لي امور عنه كنت غافلة عنها هي مشكلة كبيرة بالنسبة لي واتوقع لها حل بإذن الله واتمنى منكم معشر الرجال تنتبهو لهذي النقطة وتتفادوها مع من ستشارككم الحياة حلوها بمرها من فترة بسيطة سألت خطيبي عن رحلتنا لشهر العسل وكان في ربوع وطننا الحبيب وقلت خير ماسوى وفرحت من قلب وبينت له شعوري وانبسط وبعدها بفتره سألته عن هل حجزت لنا للعودة (علما بان زواجي في منطقة وشهر العسل في منطقة اخرى وسكننا كذلك في منطقة اخرى) واتفاقنا كان شهر العسل بما انه في عدة مدن راح يكون بر اي سنقطع مسافة اكثر من 600 كيلو وللعودة كذلك اكثر من 600 كيلو وهذا قبل ما اتفق معاه فاقترحت عليه تكون العودة لسكننا بالطائرة لان بصراحة مشوار طويل ومتعب وقال خير ان شاء الله الوقت متأخر ولكن ساحاول ابحث عن حجز (هنا قلبي عورني ) ومرت ايام واسابيع من بعدها اللي هو امس السبت سألته هل وجدت لنا حجز وقال مالقيت وقام يبرر وانا عرفت من كلامة وتبريراته انه مادور من الاساس والطامة الكبرى قالي انه احتمال الرجعة تكون في التاريخ الفلاني يعني يادوب يومين سفرنتا لانه المحترم كنسل مدينة من هالمدن واللي هي الاهم بحجة انه ماراح يلقى فنادق او شقق بسبب الزحمة وان الاسعار غالية جدا وهي ماتستاهل (على اساس كلام كثير ناس اقترحوه عليه) ومن مكالماتنا بين لي انه ماراح يأثث الشقة ابد يادوب غرفتين فقط مع اصراري على الاثاث يعني بصراحة مستخسر علي اشياء كثير هو طيب وتمام ويهديني الغالي يعني ماحسيتة ابد بخيل لكن شعور كريه لما تحس ان الشخص اللي تحبه وتفداه بعيونك يستخسر عليك الفرحة باحلى فترات الزواج (الزواج مشترك والقاعة ببلاش وراتبه تمام والاهل دبرو كل احتياجات الفرح وقريب استلم مكافئة عالية وموناقصة شي ) مكالمة امس دمرتني وحطمتني وقبلها في نفس اليوم كنت ابحث في الاسواق عن هدية فخمة لاني حابة اهديه هدية الزواج وكنت تاركة مبلغ محترم لهذا الغرض لكن وللاسف اشعر الان بخيبة امل وفكرت اكنسل الهدية واستخسرها عليه مثل ماعاملني وياليت لو عندكم اقتراح او نصيحة ماتبخلو علي لاني مو عارفة اتصرف |
لا تركزي على الموضوع وايد بمكن ظروفه ماتسمح له بالي تقوليه
|
اقتباس:
قرب الزواج والنفسية زفت وكل كلمة افسرها بمعنى سئ |
يارب ارحمني كنت داخلة استفيد من قسم المتزوجين لقيت عندهم هم اكبر من همنا
كرهت نفسي وكرهت الزواج ما عاد فيه ايام وردية الزواج بالنسبة لي ايام سودا مشاكل طلاق شتايم بين الاهل ضياع اطفال كان ستر واستقلال صار فضايح وتشتت |
حبيبتي
باعترافك قلتي خطيبك يهديك الهدايا الغالية و مو بخيل و انما زوجك و الله اعلم يحب يحط فلوسه بالشي اللي يستاهل لانه يتعب فيها مو جايبها من الشارع يعني سمع من ناس انه هذيك المدينة مو حلوة و مو مستاهلة زيارة و خسارة فالمنطقي انه ياخذ بكلام الناس اللي عندهم تجربه و مايروح .. و هذا اشوف شي عادي وعقلاني فليش تزعلي ؟؟؟ صح كلامه ليش تخسرواا فلوس على شي مش حلو ..انتو اولى بها و مسألة التأثيث .. برضو عنده وجهة نظر .. حاليا انتو 2 بس ... و ماراح تحتاجوا كافة الغرف فا فرش الغرف اللي تحتاجوها فعلا شي عقلاني و بيقية الغرف تنقفل .. >>وفر عليك التنظيف :) زوجك باين عليه يعرف قيمة الفلوس و حابب يكون معتدل فلا بخل و لا اسراف ومعاه حق .. الاحسن تتطبعي بطبعه و تحاولي معاه توفروا عشان تبنوا بيتكم الخاص او تعملوا مشروع يفيدكم .. احسن من ضياع الفلوس عالفاضي ... مافي داعي تزعلى و تنكدي على نفسك .. هذه احلى الايام فا استعدي بالتجحضيرات للعرس و استمتعي بكل لحظة .. الله يسعدكم و يهنيكم ياااارب |
اقتباس:
اقتباس:
حبيبتي المواضيع اللي تقرأيها هنا لا تعني انه الزواج كله مشاكل العضو او العضوة يدخل يكتب مشكلته لانه يبي لها حل ... لكن ماحد يدخل يقول انا مبسوط و انا سعيد .. لانه ماراح يستفيد شي عشان كدا تشوفي عدد المشاتكل اكبر .. ممكن تحصل مشاكل بسيطة او زعل بسيط بس هذا ملح الحياة مثل مايقال اذا كنا نختلف مع امهاتنا و اخواتنا .. فهل يعني انه حياتنا معاهم كانت سوداوية وو فا مشاكل الزواج ان شاء الله بسيطة و تمشي الحياة .. كفاية وجود شخص الى جانبك .. يفرح لفرح و يحزن لحزنك.. يشاركك حياتك بكل مراحلها تتشاركوا نفس الاحلام و الطموحات و تفرحوا لتحقيقها معا... و الاحلى و الاروع لحظات قدوم اول طفل و تشارك الضحكات و اللمسات مع هذا الكائن اللي جمع بينكم للابد سعادة الزوحين تنبع منهم و من قناعتهم و من تفاهمهم و دام انكم ان شاء الله متفاهمين فا شيلي الفكرة السوداوية من راسك .. |
بالنسبة للسفر ...أعتقد ان الموضوع بسيط ولا يستاهل الضيق الزائد ....
أما بالنسبة للشقة فبالعكس لن تحتاجي أكثر من غرفتين ... والباقي أثثوه بعدين سوا أحسن .. زواجي أثث زوجي غرفتين وكنت مبسوطة لان الباقي نقدر نأثثه سوا وحتى شهر العسل حصل لي زيك ورفض يحجز طائرة ورحنا بالسيارة لكن صراحة انبسطنا ...والحمدلله ما أثر على حياتي الزوجية بشيء وانتي ما شاء الله زوجك يهاديك الله لا يحرمكم من بعض ...أنا زوجي ما جاب لي هدية ولا مرة في ملكتنا ... انتي تعوذي من ابليس ولا تخلينه يكبر المواضيع في رأسك ..وقولي الحمدلله والله يسعدكم ويوفقكم ويسخركم لبعض |
اقتباس:
لكن شخص يأملك كثير وهو بنفسه يتكلم ويقترح وفجأة يغير رايه بشي لا يرضيه ولا يرضيك اكيد تتحطمين وتفقدين الثقة فيه وهو بنفسة كان ينصحني من تدخلات الغير باشياء تخصنا للاسف متناقض وما ينوخذ بكلامه |
ياليت ينحذف الموضوع
واي رد لي وشاكرة لكل من نصحني فعلا الامر مو مستاهل لكن النفسية واصلة حدها اعلن انسحابي من المنتدى لا اله الا انت سبحانك اني كنت من الظالمين استغفر الله واتوب اليه |
اقتباس:
يُــغــلــق .. |
| الساعة الآن 07:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©