|
انا أم مجرمه بحق بنتي ونفسي ... ساعدوني لكم أجر والله
السلام عليكم ورحمة الله وبركاته
كيفكم جميعا ... انا عندي مشكله ...وماحولي احد يساعدني غيركم .. الله رزقني ببنت زي العسل عمرها اللحين سنتين الا كم شهر .. انا شخصيه عصبيه متقلبة المزاااااج ..زوجي شخص جليدي باارد حد الجنوووون اتعب في حياتي اليوميه بسبب برووده ولا مباالاته وافقد اعصااابي كثيييييير خلال يوم واحد وبنتي هي الضحيه !! لي يومين متخاصمه مع زوجي لدرجة قلبي قسى عليه بغير العااده ..وصلت حد الكررره ماعاد اقدر احبه ابد ابد وبنتتي قلبي صار صخر عليها اعصب واضربها لأي سبب ولو تمووت من البكا مااطالع فيها ساعات تطفشني اقووم اطلعا برا الغرفه واسكر البااب وهي تبكي تحت البااب اللين تنام ع البلاط!! ومره ضربتها بعلااق الملابس لسعتين بس ياجماااعه نفسيتي تعباااااانه حييييييييييييييل ابغى اجاازه من الدنيا كلها ...نفسي الله يااخذ عمري واريح وارتااح اتعذب من حالي مع بنتي كثييييييييييييييييير وابكي كثيييييير انا ماأستاااهلها ابد والله احبها والله احبها والله احبها خسااره اني امها ..الله بلاها بي ساعدوني تكفووووووووووووون الله يخليلكم عيااالكم لا تزيدووووني هم اكثر من اللي انا فيه والله تعبااااااانه ولولا عقاب الله كان اللحين في عداد المنتحرين انا جزاكم الله خير مقدما |
تببغي زوجك يضربك و ترتاحي ؟
تبغي زوجك يجيب العلاقة و يطيح فيك ضرب و ترتاحي ؟ ترى الرجال لا تحسبيه بارد و ساكت و مو حاسس أبدا .. بس بتجي لحظة و ينفجر بنتك حرام عليك اللي تعملي فيها ، لو زوجة أب كانت رحمتها .. لإنه مالها حول و لا قوة ، تحطي حرتك فيها لكن مثل ماتربي بنتك ، بكرة راح تعاملك بنفس قسوتك و الله إنه ولدي حنون و أهلي ينبسطوا منه ، لإنه يحضنهم و يبوسهم و ما يحب يزعل أحد و كله لإننا نعامله في البيت بالشكل هذا ، و دايما أقول لزوجي زي ما تبغى بكرة ولدك يعاملك ، عامله إنت دحين و فاقد الشئ لا يعطيه ، فلا تنتظري من بنتك الحنان إذا كبرتي و راحت قوتك |
شوفي ..مجرد اعترافك بالغلط و انك فعلا تعاني من مشكلة
هذا حد ذاته نص العلاج .... للاسف في امهات يعذبوا اطفالهم و هم مو معترفين بغلطهم شوفي ياقلبي ... الحين عندك مشكلتين ... برود زوجك و مشاكلك معاه و هذه ما نقدر نفيدك فيها الا اذا وضحتي نوع المشاكل و سببها و طريقة تعاملك معاه و طريقة تعامله .. الخ ... المشكلة الثانية و هي الاهم ... تصرفاتك مع بنتك ... و الله قهرتيني عليها فدييتيها .. شوفي بعد ما تتخانقي مع زوجك ... و تكوني معصبة .. بدل ما تضربيها .. على طول ضميها و قعديها بحضنك و ابدأي كلميها .. احكي لها كل اللي يضايقيك .. كل شي ما تقدري تقوليه للغير قوليه لها .. فضفضي لها و الله صدقيني بتلاقيها منتبهه جدا لعندك و اذا شافتك تبكي صدقيني بتحضنك ... و هذه عن تجربة صدقيني .. مرة عن مرة بتلاقي نفسك هديتي و بطلتي تضربيها .. اما اذا كنتي متضايقة جدا حدا و جت هي تبي شي او تبكي... او او لا تكلميها و لا تضربيها ... بس شغلي لها التلفزيون او اعطيها لعبة تشغلها و روحي غرفة ثانية لين ما تهدي اتعلمي تفصلي بين مشاكلك و بنتك .. و فكري لو لاقدر الله ربي اخذ منك هذه الهدية ايش بيكون موقفك ؟؟ بتندمي على كل لحظة ما حضنتيها و ضربتيها فيها ... كلنا تجينا حالات ضيق و ما نطيق حد و لا حتى اولادنا .. بس الواحد يتعلم يفصل و يتعامل بهدوؤ اكثر الله يهديك و يحفظها لك |
[align=center]انها امانة بيديك فمثلما ربتك امك ربي ابنتك ويفضل ان تستشيري اهل العلم في الامر
وربنا يحفظ لك بنتك [/align][SIZE="7"][/SIZE] |
اختي ياريت تقرائي قران كثير ففيه تطمئن القلوب
واستغفري الله ليلا ونهارا وكلما غضبتي علي طول روحي اتوضي ففيه راحه عجيبه وساعه الغضب ابتعدي عن طفلتك واشغلي نفسك بأحد الاشياء التي ذكرتها لك واذا انتي تشعري انك تكرهي زوجك وانك خسرتيه فلا تخسر طفلتك التي لاحول لها ولاقوه لانها لو تفهم لحظنتك وبكت لبكائك فأنت امهايعني شمعه حياتها وهي ابنتك يعني فلذه كبدك فلا تخسري الجميع في لحظه غضبك في رعايه الله |
الله يعطيكم العافيه ويجزاكم الفردوس الاعلى
1- انا استخدم حبوب منع ( جنييرا ) 2- مااقدر اوقفها لأني ما ابغى ادمر طفل ثاني 3- انا مو راضيه باللي اسويه وفي قمة النزاااع والصرااع النفسي 4- الحمدلله مااسمع اغاني ولا مسلسلات وناادر اصلا اطالع تلفزون ولبسي محتشم ولا البس شي مايجوووز برا بيتي الحمدلله وكل يوم لي ورد من القران الحمدلله واذكاري مواضبه عليها الحمدلله وحجاابس مايطلع مني ضفر الحمدلله الحمدلله كلها فضل من الله نسأله القبوول .._ بعيده عن اهلي ووحييييييييييده واقعد بالاسبوع والاسبوعين مااعتب باب الشقه 5- طبعي اجتماااعي واهل زوجي وبنات اخواته وكل الاطفاال بعاايلتهم انا محبوبتهم بشكل كبيييير 6- طبعي حاار في بيتي اما عند اهلي انا ثلج بالنسبه لهم ( شوفوا قد ايش هم حااارين اجل ) 7- كنت احب الاطفال من قبل اتزوج وبالذاات البناااااااااات اموووووووووت فيهم والحمدلله الله رزقني بنوووته قمر بسم الله عليها 8- لا اجد اي مسااعده معنويه او ماديه من زوجي 9- وصل بي الحال اني اطلب الانفصااال عن زوجي 10- انا انساانه في حااااجه شدييييييده للحب والحنااان والتفااهم كل اللي احتاجه مشاااااعر بس بس ..ماابغى شي ثاني تكفيني المشاااعر والله.. قسم بالله من قبل ردودكم وانا هلاكااااااااااااانه بكا مابغى تجريح تكفون كل العالم تجرح فيني ومااحد يحس فيني .. اتمنى تدعوا لي بظهر الغيب |
ياقلبي انتي قلتيها محتاجة للحنان و المشاعر
خذيهم من بنوتك .. والله صدقيني لحظة الغضب او الحزن خذيها بحضنك و بتشوفي الفرق طب اقولك على شي .. ابني قريب من عمر بنتك و انا حاليا بغربة ... اول اسبوع جيت فيه كنت عصبية جدا و مكتئبة و ابكي على اتفه الاسباب اول ما اقعد ابكي .. الاقيه جا قدامي و حضني و باسني و قعد بحضني بسم الله ماشاء الله عليه .. . ايش تتوقعي مشاعري ساعتها ... والله كل الهم يروح بس بمجرد اني اضمه ربي يحميه لي يااارب عشان كدا اقولك تقربي من بنتك و ساعات الضيق روحي لعندها و كلميها و فضفضي لها صدقيني تفهم ... و بتلاقيها خففت عنك ولو بضحكة ... الله يفرج همك |
نسيت اقولك الحبوب لها دور كبيير بالعصبية ..
دور مانع ثاني ... ركبي لولب اضمن و مايلعب بالهرمونات و مايجيب عصبية |
يا عزيزتي حاجتك للحنان المفروض تعوضيها في بنتك ولا تقولي البنت صغيرة وما حتتذكر كل الي يصير لا البنت حتفتكر وشوي شوي حتحقد عليها وبكرة حتصير تطلبي برها كيف حتبرك لما تكبر اذا انتي من الحين ما راعيتي مشاعرها راجعي نفسك الله لا يهينك وراجعي احاديث الرسول صلى الله عليه وسلم عند الغضب وطبقيها تحياتي |
غاليتي......
تبغين نصيحه من أخت .......اولا اتركي الحبوب هي اللي مسببه لك العصبيه ....استخدمي مانع طبيعي ....وبعدين عصبتي وضربتي بنتك قوليلي ايش حصلتي تكبر بنتك وتكرهك .... كنت اول زيك مشيه بنتي على الصراط المستقيم صحيح اني اللحين مرتاحه البنت ماشيه صح بس الله عاقبني جاني ولد فوضوي 24 ساعه يصيح مايسكت دايم اقول انا استاهل ربي عاقابني اذا نويتي تضربينها تعوذي من ابليس بصوت عالي تخيلي لو ضربتيها ممكن تضربينها مع مكان خطر وتموت .....العصبيه ايش راح تستفيدين منها انتي اللي محترقه وابو الشباب مبرد والله اني كنت مثلك حارقه اعصابي وكل شي يوترني ودايم معصبه ومصدعه بالعكس طنشت ارتب بيتي بهدوء انظف اول بأول خلاص ارتحت .....تقولين اهلك عصبيين خليهم يحترقون وبعدين خواتك يتزوجن ويتكيفون على طبع ازواجهم واخوانك كذلك روقي وطنشي ....خليك صديقه لبنتك والله ثم والله ماراح ينفعك الا الله ثم بنتك وزوجك بالعكس ضميها العبي معها ....والله الحين استحي اضرب بنتي مع انها لسى داخله 8 سنوات ماأقولك اني ماأضربها اترك الضرب آخر حل ........ اكثري من الاستغفار والتسبيح والتهليل ......طهري قلبك من الحقد والحسد ....خصصي لنفسك ساعه استرخاء بجو هادي ....اذاعة القرآن لاتنطفي من بيتك ...... زوجك ...بنتك ......اغلى ماعندك لاتضيعينهم على امور تافهه ....... تقبلي قسوتي ولكن مريت بنفس اللي مريتي فيه ومن ندمي ماابغاك تتمادين بالموضوع ...... |
| الساعة الآن 08:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©