|
الي ساكنة مع اهل زوجها في نفس العماره
السلام عليكم
كيفكم اخواتي انا ساكنه مع اهل زوجي في نفس العماره انا فوق وهما في الدور الارضي واغلب جلستهم في الصاله قدام الباب وبما ان العماره خاصه فيهم ما ينقفل بابشقتهم الا للنوم فقط انا كنت مرررره عادي معاهم اتكلم واقولهم عن كل شي في حياتي وطلعاتي وخرجاتي في الطلعه اعدي عليهم وفي الدخله نفس الطريقه بس هما ما يخبوا شي لا عن صحباتهم ولا جيرانهم واحس عيون الناس صارت علينا حياتنا صارت مكشوفه المهم قبل فتره صارت مشكله بيني وبين زوجي وادخلوا اهله غلطوا عليه وغلطت عليهم المهم من بعدها وانا رسميييييييييييييييييييه معاهم كل الي اسوي ادخل اسلم عليهم واطلع بيتي لا اتكلم ولا اقول اي شي كذا مره خرجتلهم زياره بقهوة وحلى وبرضوا كان كلامنا رسمي جدا المشكله احسه شي يفرس يعني احس اني مراقبه حتى زوجي حس وقلتله في المشكله الاخيره مو كل شي عن حياتنا يطلع برى ومو لازم كل شي ينقال لاهله صار يا حرام يتهرب منهم عشان لا يسألوه وين رايحين ومن وين جايين ويسالني امي ما سالتك وين رايحه بالذات الايام الاخيره اروح لطبيبة نساء لامور نسائيه خاصة وكنت لمن انحط في هذا الموقف زمان انحرج مره لمن يقولهم انه رايحين يسالوا طيب ليش وكذا زي اليوم خرجت المغرب مشوار سلمت عليهم وطلعت السياره لمن رجعت على طول طلعت بيتي من غير ما اعدي عليهم وهما في نفس مكانهم في الصاله (أمه و2 اخواته) سؤالي كيف تتصرفوا يالي زي وضعي وهل الي بسويه صح ولا لازم يعرفوا كل شي عني |
إذا كان أهل الزوج من النوع الذي يحب إثارة المشاكل ..
فالرسميات أفضل طالما أنها تحفظ الاحترام وتمنع الآخرين من التجاوز .. وإذا كان أهل الزوج من النوع الودود الطيب الذي يعتبر الزوجة كالابنة سواء بسواء .. فلا يمنع ذلك من تعميق العلاقة بشدة الاختلاط معهم ... أما الكلام في الخصوصيات فهذا شأنك .. فإن وجدت في أخت زوجك أو أمه رحابة صدر يتسع لهمومك ومشاكلك الشخصية فلا بأس .. وإلا فالصمت أفضل .. |
انا نفس حاااااالتك واقولهم وين بروح لكن اذا حسيت ان عندهم فضول ودهم يعرفون اطنش واصرف الموضوع عشان مايتعودوا اما امورنا الشخصيه لااااا فالافضل ماتقوليها لحدا وحتى لو زعلوا اهم شئ خليك متواصله معهم واذا شفتي منهم الجفا فخليك رسميه معهم لكن لاتقطعيهم الله يعييينك ويسخرهم لك |
مشكووورين
هما من النوع الي يحب يعرف كل كبيره وصغيره الله يعن وبس |
صباح الخير ... صراحة اختي فونة أنا واجهت نفس مشكلتك الله يعينك ويصبرك. أول ما تزوجت كنت طيبة وعلى نياتي أقول حق أمه تقريبا كل شي، بس للأسف طلع مو بصالحي لأن كانت تشيشه من وراي. ومرة شكيتلها من زوجي بعد ما صار خلاف بينه وبيني، كنت أبيها تنصحه أو تصلح بينا، ردت علي رد صدمني قالتلي أنا إذا منك ومو مرتاحة مع زوجي أروح أخلعه وأحط الفلوس تحت رجلي :19: من بعد ردها هذا حرمت أقولها شي إذا تفكيرها بهالطريقة :29: وعليهم حركات أنا ما حبيتها أبد من تدخلات وتطفلات ورمي كلام ماله داعي وتشييش زوجي علي، فصرت معاهم أكثر من رسمية وصرت أطنشششششش :25: أدق عليهم مرة بالأسبوع أسلم وخلاص. وزياراتنا لهم ولنا قليلة. وبعدين صار مشاكل أكبر وأكبر أيضا بسببهم، مع إن إني كافية خيري شري و إحنا ساكنين بمنطقة وهم بمنطقة ثانية !! :mad: يعني مهما حاولت أحطلهم حدود وأفهمهم إن هذي حياتي الزوجية الخاصة هم مافي فايدة يضلون يرزون وجوههم فتدخل أهل الزوج هذه شي عادي جدا .. يحسبون نفسهم فرد من العائلة الزوجية نفسها، ما يستوعبون إن الزوج هو الفرد من عائلتهم .. أما الزوجات فواجب عليهن احترام الأهل تقديرا للزوج ولكن ليس برهم فسمعي كلامي وخلي بينك وبينهم الرسمية طالما إن فيهم هالحركات هذه من فضول وتطفل (مع احترامي) أحسن بعدين تكبر المشاكل وتطلع منهم البلاوي والفضائح بحقك مثل ما صار معاي ... الله معاك |
| الساعة الآن 12:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©