|
نقاشي مع صديقتي من المخطئ؟
السلام عليكم ورحمه الله وبركاته
&الله يسعدها اللي تبينلي مين الغلطانه انا ام صديقتي& كانت علاقتي مع صاحبتي حلوه واحنا كنا 3 دايم وانشاء مستمر مع بعض لكن كنا مع مجموعه من الشله نتناقش لبعض السلبيات اللي احنا نعملها ومين اكثر وحده تتريق وتضحك ع الغير ........الخ وعالجنها لكن صديقتي ترفض وبشده انها تكون وحده من اللي يضحكون ع الغير وترمي اي شي نذكرها انها عمت هذا عليّ لاني طبعآ انا دايم معها واحنا كنا جالسيني على جنب وهي بعيده بس مو مره ونادتني اجلس معها وشوي اللى وهي تبعد عني بعد ماشتد النقاش وقالت اني راح اخنقها بطريقه جاده مو عفويه وشلت بعضي ورحت هذا بعد ما صارحت عليّ قدام البنات وحاولت اني اسكتها لكن مع الاسف مستمره وحاولت ازعل علشان اوضح لها انها فيها صفه مو حلوه هي انها اذا احد وجه لها شي هي سوته ورميه عليّ او على غيري وانها تصارخ اذا هرجت معاك ومن يوم حاولت اوضح لها زعلت وقالت انتوا ماتفكرون الا بأنفسكم ما تفكرون فيّ ( سبفق ووحده منا قالتلها نفس هذا الشي) وزعلت ولحد الان شايله عليّ ولما كلمتها ع المسن وقلتلها اكتبي عنيّ اي شي سوء اكان سلبي ام ايجابي بنيه اني ابغى اعرف عن نفسي من غيري رفضت وبشده واجبرتها وكتبت لي هذي (ممكن اول اقدر اتكلم عنك اللحين انا اجهلك شلون اتكلم عنك) وحاولت اني اوضح لها اني مافهمت ورفضت انها تفهمني وتناقشت معهاوبأجباري لانها ماتتناقش باي موضوع سوء هي الزعانه ام احد زعلان عليها وقلت لها انا ابغى صديقتي الكل يحسدني عليها ردت علي وقالت انتي بس همك الناس وانا والله اهم شي رضى نفسي وماعلي من الناس وكمان قلت لها انها كيف اصير صاحبتك اذا مادليتك ع الطريق الصحيح وماردت علي ومع العلم انها قالت لي (تفوه) وزاد زعلي منها وانا تقبلت منها وبصدر رحب لما مره قلتلها (يادلخه) وقالتلي شيليها من قاموسك وشلتها ومازعلت بليز شوفوا مين الغلطانه انا لما زعلت عليها......... ام هي |
قرأت مشكلتك اكثر من مرة بس ماقدرت افهمها
اللي قدرت استنتجه انك كنت مع صديقتك .. في وسط شلة من البنات و قعدتوا تتناقشوا عن سلبياتكم و ذكرتي سلبية صديقتك بانها تضحك على الغير و تتريق .. قامت صرخت عليك قدامهم و تدافع عن نفسها و ترمي اغلاطها عليك ... و كان هذا بداية المشكلة صح ؟؟ اذا كان كذلك ... و فهمي صح :) فكلاكم غلطانات .. بس غلطك شوي اكبر :) اولا انتي ما كان المفروض تحرجيها قدام بقية الشلة و تقولي لها سلبيااتها ... لانه طبيعي ماحد يعترف بخطأه اصلا . مابالك اذا كان قدام ناس ؟؟؟؟ وهي طبعا غلطت بردة فعلها تجاهك .. كان من الممكن انها ما تصارخ و تقوم تمشي و بهذا تبين زعلها مع عدم الدخول بمناوشات قدام باقي البنات .. اذا كان يهمك امرها جدا و تشوفيها صديقة عزيزة ... فا بيني لها انكم متعادلين بالخطأ وانك ما كان المفروض تنتقديها امام احد و هي ماكان المفروض ترجع الخطأ بخطأ ثاني .. و خلااااص .. و اي انتقاد حاباه يوصل لصديقتك المفترض يكون بينكم انتو الاثنين فقط و بشكل لطيف اما انتقاد الشخص قدام مجموعة ابدا مو تصرف سليم |
أنا مع أختى نورا
وهاد شئ لازم تتعلميه بحياتك مو بس مع صديقتك لما تبى تتناقشى مع أحد فى شئ وانت بتعرفى ان الحوار راح ينتهى بمشكلة ولما تبى تتنقدى او تبينى لشخص غلطه مو لازم فى وسط الناس ليش ما تسحبيها على جنب وتتكلمى معها وبعدين لازم تختارى الوقت اللى تتكلمى فيه (يعنى هيه متضايقة يبقى مو لازم تكلميها عن نفس الموضوع اللى هيه متضايقة منه فى نفس الوقت ... فى ناس ما تحب هاد الموضوع) الحين روحى اتكلمى معاها واذكريلها الصفات اللى عجبتك فيها ..مو كل شئ انتقاد ... وإن شاء الله راح تصالحوا قريبا... بس عليكى انك تتعلمى هاد الامور |
رأيي من رأي الأخوات..
|
اختي مافهمت مشكلتك بالطريقه الدقيقه لو كانت مثل مافهمت الاخت نورا فعلا كلاكما غلطان وانا اشاطرهم الراي يجب ان تتعلمي لاتتفوهي بسلبيات اي شخص علنا ويجب ان تناقشي صديقتك بالمواجهه لا بالمسن لتفهمي تعابير وجهها وتصفو النفوس الله يصلح بينكم |
جزاكم الله خير ع الرد بس مافهمتوا قصدي احنا وجميع الشله نتناقش السلبيات اللي موجوده فينا لكن انا تقبلت السلبيات وحاةلت ابتعد عنها مو حاولت الا ابتعدت عنها لكن هي مو راضيه تتقبل انها موجود فيها سلبيات وكل ماذكرنا شي غيرت المسار الهرجه والمشكله هنا مو اني وجهت لها سلبيات لا المشكله انها لما كلمتها من اليوم الثاني انها امس صارخت عليّ وانها مو لازم لما تهرج تصارخ زعلت وقالت انتو ماتهتموا الابأنفسكم وماهي راضيه تتقبل مني اي شي لانقاش في الموضوع ولاضحك ولا كمان حتى اسرار المهم حبايبي انها لحد الان زعلانه وكل ماحاولت اتكلم معها عن هذا الموضوع تقول شي وصار طيب هذا الشي مافيه اخطاء نتعلم منها؟ ولما تقابلت ان وهي ع المسن وقلت لها اكتبي اي شي عني على شأن اعرف نفسي من غيري (وجه نظر لا اكثر) ردت عليّ وقالت & ممكن اتكلم عنك زمان لكن ذحين ماأقدر اتكلم عنك لاني اجهلك& فيعقل انو وحده مو زعلانه تقول هذا الكلام والمصيبه الكبرى انو وحده من الشله تدق عليّ وبازعاج علشان تعرف اني اتصالح معها او لا ومن شده غضبي قلتلها مادري يأني اتصلح واتكلم معها بالموضوع او اني ................ (سكت) ردت او ايش قلت يصير شي ثاني (وانا والله من دون قصد قلهتا) راحت ونقلت الكلام حرف بحرف ومن اليوم الثاني قالت انا ماني اصغر عيالك تقوليلي هالكلام انتي تهدديني وطبعآ مارديت عليها لاني ماني متذكره قلت هالكلام لمين وبعد مارحت للبيت تذكرت انو قلت لوحده امس وعرفتها وحاولت اتكلم معها بس طنشت لاني عرفت ان صديقتي صارت تماشيها وقلت مأبغى اخرب عليها
الله يسعدكم شوفولي حل غير اني اتكلم معها على الموضوع لانها ماراح ترضى اتكلم معها |
وعليكم السلآم ..
ياأختي العزيزه كثير منا يقع بخلافأت أصرف نظري عن الخلاف اللي يحصل ياإما معقد أو خلاف بسيط وهذا أمر طبيعي جدآ .. صديقتك حسآسه بزياده وأخذت الموضوع بعين إعتبآر وشالت عليك .. لكن ماتوصل إنها تكبر المسأله وتتفوه بكلام خارج عن إرادتها مهما صار بينكم لابد من الإحترام والتقدير " عزيزتي : أبي أقولك حاجه أطبقها بحيآتي .. أنا لما أشوف تصرف مايعجبني أبدآ سوآء من أخت -صديقه-أخ- أيا كان أمسك الشخص على حده وأبدأ بحوار جميل وهادئ أعطيك مثال : لما أختي تتصرف بطريقه خاطئه وغيرسلوكية ماأوبخها بل أذكرها بالأسباب اللي جعلتها تتصرف وكأنها طفله ..! نصيحه (لو شفتي عليها موقف ما ضايقك تكلمي معها بانفراد من غير لمة بنات .. لكي ترتآح بالنقآش معك :) أختك .. |
يقول الإمام الشافعي
تعمدني بنصحك في أنفراد -- -- -- وجنـبني النصيحة في الجماعة فإن النـُصح بين الناس نوع -- -- -- من التوبيخ لا أرضى أستماعه وإن خالفتـني وعصيت قولي -- -- -- فلا تجزع إذا لم تـُعط طاعـة اخطأتن بفضح سلبيات بعضكن أمام الاخريات ومن حقها أن تغضب ! اعطيها فرصة لتهدأ واعتذري لها واذا كان في أحدكن سلبية يا ليت يكون النصح فيها بانفراد وبشكل شخصي ! |
البرنسسيه بصراحه كلمك جميل ومريح والله يجزاك خير
|
بكر الشايب انا اخذتها ع جنب وكلمتها مو جماعي وبعدين السابيات هي اللي بدات فيها مو انا
|
| الساعة الآن 09:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©