|
زوجتي كرهت بيتي بعد الحمل ارجوكم عزوني ونوروني
مساء /صباح الخير اخواني انا بوضع مايعلمه الا ربكم انا لسا متزوج لي أربع اشهر فقط :14: ومن شهرين زوجتي الحمدالله حملت وعقبال اللي عايز يخلف صبيان :15: المهم وانا اخوكم زوجتي من كم يوم كرهت البيت وريحته ماتنام ماتاكل وتعبت ياعمري :24: فاقترحت عليها تنام عند اهلها ليله تغير جو وبعد ماباتت الليلة كلمتني وقالت نفسيتي صارت تمام وانفتحت شهيتي من بعد ماكانت مسدودة مر اليوم الاول والثاني والبنت كل ماجت بيتها قالت مقدر اجلس فيه انا ساكن بالدمام وأهلها بالجبيل وماعندي امكانية استأجر شقة شوفو لي حل الله يخليكم البنت تكلمني تبكي تشتم البيبي اللي كان سبب يفرقنا وانا اقول تعوذي من ابليس هذا من الله والحمدالله اهيا اللحين مبسوطة ومرتاحه ببيت اهلها وانا كل فتره اطلع وياها نغير جو بس بيتنا ماتبيه ابدا سؤالي الله يخليكم هالحالة الى متى تطول؟؟ وهل هي طبيعية؟؟ ارجوكم ترا حالتي دمااااااااار:eek: |
اهلا اخوي لا ما راح تستمر لأنها تمر في فترة وحام فقط
وتعرف هرمونات الحامل تتخربط فعلشان كيذا زوجتك تحس بكآبه انت تعامل مع الوضع عاادي ولا تكبر السالفه حط في بالك كلها فتره وتنتهون من هالمشكله الله يوفقكم يارب ويسهل على زوجتك وتقوم بالسلامه والف مبروك البيبي مقدما |
بداية مبروك
اسأل الله ان يرزقك ابن صالح بار بوالدية فترة الوحام تختلف من مرأءة لاخر بس كل ماتقدم الحمل خف الوحم غالبا اول 3 شهور تكون متعبته وحم و3 شهور الوسط تبداء ترجع للحالة الطبيعية وال3 شهور الاخيرة ايضا تكون متعبة بس مو تعب الوحم تعب لثقل الجنين أحترامي |
مبروك اخوي وعقبال العاشر يارب:14: لاتكبر الموضوع وحاول تهدي زوجتك وبين لها عدم استيائك وانك راح تتحملها وفعلا كلها فتره وتنقضي ولاتخاف راح ترجعلك تجلس معاك وتتهنو يارب:) وان ماكبرت مابتصغر هههههه |
مبروووك أخوي الحمل الله يرزقك الولد الصالح,
ياخوي أزمه وهتعدي انشاءالله.. |
لااااعااادي فتره وتعدي مع تغير هرمونات بس انت خليك عاادي معاها عشان لاتقعد تهمل نفسها
الله يسعدكم ويرزقكم الابن الصاالح تقبل مروري |
الف مبروك والله يقومها بلسلامه فتره وراح ترجع الامور تمام ان شاءالله
|
الله يتمم لكم على خير
يا أخوي المشلة ما تطول بس فترة إذا طولت الشهور الثلاثة الأولى الله يعينكم على الفرقا وإنت إذا سنحت لك الفرصة إنزل شوفها وأجروا فندق ارجعوا فيه لشهر العسل فترة وتعدي الله يوفقكم |
حالة زوجتك طبيعية تقوم بالسلامة ان شاء الله وبالنسبة لحالتها فهي فترة وبتعدي انا لي صديقة بفترة حملها كرهت زوحها وماتطيق تشم ريحة العطر اللي يحطه انت بألف نعمة
|
احمد ربك وحامها جا بالبيت مو فيك :)
ولا كان كرهتك و رفضت تكلمك و لا تشوفك و لا تسمع صوتك حتى .. الحمدلله .. ان شاء الله فترة و تعدي ...فا يا اما تصبر و تسلم امرك لله او تغصبها تروح بيتها و تتحمل النكد انت و هي الف مبروك و ربي يقومها بالسلامة هي و البيبي |
| الساعة الآن 05:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©