|
يرسل على جوالي الخاص يريد الموافقه ؟مارأيكم
السلام عليكم ورحمة الله وبركاته اخواني ارجو منك توجيهي للحل الامثل في موقع من مواقع الزواج تعرفت على شاب بقصد الزواج واصر الا ان نتناقش عن امر الزواج بالجوال قبل ان يتقدم لخطبتي وفعلا حصل هذا الامر وكنت اتكلم معه بكل جديه . بعد ذلك تقدم لخطبتي من اهلي واسالوا عنه اخواني وقالوا انه رجال ونعم فيه .. لمن بقى النظره الشرعيه ارسل رساله يقول انه متقدم لوحده قبلي وتناسبه بشكل كبير واعتذر منا لان اهل البنت تاخروا في الرد عليه وبعد ما خطبني ردوا عليه بالموافقه .. سكرنا على الموضوع ونسيناه. بعد فتره صار يراسلني على جوالي الخاص وماخذ رقمي من اخته ويطلب مني اني ارجع اوافق عليه وقلت له انا مو لعبه عندك ولا عاد تدق ولا ترسل واللي يبغى يخطب بنت يروح يكلم رجاها مو يدق عليها ويرسل .. استمر يرسل وهددته اني اعلم اهلي لو ارسل مره ثانيه وارسلت لاخته قلت فكيني من اخوك .. وبلغت اخوي وقال اصلا انا مو موافق عليه لو دق علي .. انقطع الرجال فتره ورجع مره ثانيه يدق وقلت انا بنت رجال وانخطب منهم وطلب مني رقم جوال اخوي وارسلته له وبعدين لا دق ولا ارسل لا لي ولا لاخوي .. الان بدا يرسل ويطلب يكلمني وارسلت قلت الف مره قلت لك انا بنت رجال وانخطب منهم لا تدق ولا ترسل بس ما همه كلامي ورديت عليه وتكلمت معه بجديه وعصبيه شوي وقالي انا والله جاد وابيك بس بغيت اخذ منك الموافقه ونتفق قبل اكلم اخوك .. اليوم قالي انه بيدق على اخوي بيطلبني منه وما ادري للحين هو دق او لا .. الكلام اللي قاله لي اثناء المكالمه : انا ابي وحده وناسه وفله ولا ابي عيال اول الزواج وما راح اسمح باكثر من طفلين .. سالني اذا اسلوبي في الحياة هو نفس طريقتي وانا اتكلم معه وقلت لا قال انا ما ابي انسانه نكديه وعصبيه .. هو انسان متفتح يبغى طلعات ولبس ووناسه .. سال عن تفاصيل جسمي وعصبت عليه قلت فيه شي اسمه نظره شرعيه وسالني اكثر من مره بعدها .. سالني اذا احب النت وقلت احبه قال خلاص بخليك تدخلين بس بحط برنامج يسجل اي شي تسوينه في النت وقلت انت انسان شكاك وقال امزح معك .. الصراحه انا مو مرتاحه له حيل بس انا اعيش ضروف صعبه حيل ونفسيتي مره تعبت .. لمن اتذكر اخواني لمن يمدحونه اقول يمكن اتوفق مع اني مو مرتاحه .. الله يجزاكم الف خير ابي رايكم بصراحه وش اسوي .. اوافق عليه او لا ؟؟ اقول لاخته انا ما ابي اخوك وخليه يبعد عني ؟؟ انتظر ردودكم بفارغ الصبر |
. عزيزتي .. أقرئي ما بين السطور ..
.. هذا الانسان غير جاد بالزواج , والارتباط به مغامرة .. .. أسلوبه معك خطا في خطا , والمفروض انك بعد ما قلتي له , أنك بنت رجال , وانك تنخطبي منهم , المفروض , ما ترجعي ترسلي له الكلام مرة ثانيه , او تردي عليه .. .. يعني شنو يبي ( فله ووناسه ) .. يعني ما يبي يربط نفسه بمسؤليات ..يبي طول وقته يقضيه بالفله ووالوناسه !! والله أعلم شنو مفهومه للوناسه والفله ؟؟ .. وعيب يتجرأ ويسئلك عن تفاضيل جسمك .. في شيء أسمه ( نظرة شرعية ) .. .. أما سالفة النت , تخلي الواحد يفكر ألف مرة , احسه شكاك , وانه مسوي الهوايل على النت , لذلك يحب يراقب شريكة حياته , لأن ( كل من يرى الناس بعين طبعه ) .. .. الاهم يا أختي .. انك تستخيري ..ولا تخلي ظروفك ومتاعبك هي الا تتحكم فيك , وتضغطي على نفسك وتوافقي على شخص غير مريح .. .. دعواتي لك بالتوفيق والسعادة .. |
اقتباس:
كنت برد نفس الرد بس الله يسلمها مس بلو اسلوبها ما شاء الله احسن اقرأي ردها بتمعن زييييين |
وانا رأيي مثل رأي الأخوة..
أعانك الله.. والمغامرة مع هذا الرجل أشعر أن فيها مجازفة... وكونك تمري بظروف صعبة ونفسيتك تعبانة هذا ليس مبرراً للرضى بهذا الرجل لأن ميزاننا (إذا أتاكم من ترضون دينه وخلقه فزوجوه) وما ذكرتيه عن هذا الشخص يدل على أخلاق ليست بمرضية أخلاق فيها دناءة وسفاهة... خاصة وأنه يتصل عليك بإلحاح ويرسل لك مسجات.. والطامة الكبرى أنه يريد منك ذكر تفاصيل جسمك. ........... لكن عندي سؤال: اقتباس:
|
تم النقل إلى القسم الأنسب.. |
مشكورين على التوجيه
ليه رجع لي ؟ ما ادري |
اقتباس:
اسمح لي أجاوب هذا السؤال مما يبدو لي .. تقدم ولا تبقى الا النظرة الشرعية يعني قربت اللعبة تخلص ويدخل في العميق مع الناس ويلتزم ... ففك نفسه من الموضوع بذلك العذر المخترع ... ثم عاد ليتسلى بها ثانية دون قيود كما كان في المرة الأولى ... محاولا كسر ثباتها لترضخ له شيئا فشيئا .... وبعض الفتيات هداهن الله يقعن في هذا الشرك ... يحبني ..وعدني .. يخاف علي ... ثم .. تقع الكارثة .. هذا ما أظن والله اعلم .. وفي جميع الأحوال عليها عدم الرد عليه بتاتا ورفضه اذا غلط وتقدم مرة ثانية . |
اختي الفاضلة اذا تبين رأيي لا توافقين عليه من اسلوبه انه غير جاد واصلا لو بيتقدم لوحده ثانيه من المفروض انه مايقولكم عشان مايجرح مشاعرك وغير كذا معرفتك فيه من موقع وبصراحة المواقع اللي تابعة للزواج الكل حذر منها لأنها غير متوافقة مع ديننا والله اعلم واللي ردوا ماقصروا وبصراحة اغلى شيء على البنت هو الزوج اللي يصونها لذلك لاتدخلين في معمعه والله العظيم لو اختي يصير لها نفس اللي صار لك لن اسمح بهذا الزواج وانا معتبرك اخت واقدم لك ما استطيع والله تعالى اعلم بما تخفي الصدور بالتوفيق لك وان شاء الله تتوفقين بالزوج الصالح |
مادام هذا أوله ينعاف تاليه,,
نصيحة لا تغامري,فأنتي لسه على بر الأمان.. |
اتركيه وبدون معرفة ليه رجع ؟ لأنه لعاب !!! لا تردي عليه أو غيري رقم جوالك أو خبري أحد من أهلك يوقفه عند حده !!! أو بلغي الهيئة عنه علشان يتابعونه ويعرفون ألاعيبه عزوبي بس رجل |
| الساعة الآن 12:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©