|
..زواج المصلحة..
السلام عليكم ورحمة الله وبركاته كيفكم يا اعضاء ان شاء الله تمام بدش بالموضوع على طول بداية خطبتي ان الزوج يدور على زوجة عشان وبصراحه مصلحه وذا اللي صار احنا سألنا ورا الرجال وعرفنا عنه كل شئ حتى انه جاب السي في تبعه لعندنا ^^ ههههه حسسني كأنه مقدم على شركة وبصراحه انا كنت رافضة فكرة زواج الأقراب و تعذبت كثير من ذي المسألة وكنت حابه اني اتزوج عن حب وصبرت كثير و بس الظاهر ان مجتمعنا يفرض علينا اشياء كثيرة ومن بينها ان الزواج بين اثنين يحبون بعض امر مستبعد والحب يعني علاقه خارج اطار الزوجية والزواج خلفة و صرف مال ... كنت اول احب وكنت مستعده اني تقريباً ما آخذ منه شي عشان نتزوج لأني احبه.. بس اهله كانوا رافضين وهجرته نهائياً لأني قايلتله من اولها لو الأهل مو راضيين انسى والحين انا اتشرط على خطيبي ذا ومكسره ظهره بطلبات واحسس اني ظالمة ومنافقه من ناحية اني ما احس اتجاهه بشي انا مخذاها زواجة وخلاص واهو يا عيني الظاهر حبني من بعد الشوفه ومتعلق بس وش اسوي مو بيدي اخاف فتور المشاعر اللي معي يستمر احنا لسى ما جلسنا جنب بعض ولاتكلمنا زين أخاف اني مقدر احبه كيف لتزوجنا ولا قدرت اتعود عليه انا خايفة لا يصير شي |
انتي يا اختي عندك مشكلتين الاولى: ان زوجك يريد زواج مصلحه وهذا بحد ذاته عائق مالم تكوني راضيه عن هذا الشيء الثانيه: انك ظالمه هذا الرجل حسب ماذكرتي من شروط طيب لماذا تشترطي عليه وانتي غير مقتنعه فيه او هو من باب التعجيز والتنفير اما عن موضوع المشاعر والحب انا ارى صعب تحكمي على مشاعرك من بدايه المشوار خصوصا انك مخططه على الزواج بطريقه وستتزوجين بطريقه اخرى ارى هذا ماسبب لك عدم الاتزان والقرار الصائب عموما....انا ارى ان زواج المصلحه لايدوم طويلا خصوصا بعد نوال مصلحته منك فلاتتسرعي واستخيري الله يوفقك سؤال؟ تم عقد القران او ليس بعد؟؟ |
اقتباس:
مرحباً أختي الفاضلة وشكراً لكي فعلاً أنا في حيرة من أمري لا ما تم عقد القران احنا لسا مخطوبين الين يبني البنى تبعه حالتي المادية جيدة لا اشكو من شئ لكن انا بحاجة لأن اتزوج كي اجد شخصاً يقف بجانبي يساعدني في تحقيق طموحي ويقف بجانبي لأن بصراحه اخواني يتمننو علي واحنا نعيش بزمن محد يبي فيه الثاني المصيبة لو انتي عايشة في البيت ويوصلك اذى زوجات اخوانك يغارون مني وما يبون اخواني يوصلوني لي لأي مكان أنا ما ابي منهم فلوس وانا مدبرة نفسي كويس بس بالسعودية لازم الرجال هم اللي يسوقون ومحد يوديلك معاملاتك واوراقك غيرهم وأنا ابي عيال ابي اولاد يفرحوني بحياتي تعبت كثير والله تعبت ودي افرح بحياتي حتى لو صار لي شي كويس تصدقون والله محد من اخواني يفرح لي بس اختي الصغيرة وامي وابوي هم يكفوني |
الله يسهلك استخيري وحددي هدفك من الزواج وحددي مواصفات من تريدين الزواج منه هل هي موجوده فيه او لا؟
|
انا مافهمت مشكلتك اختي كيف متزوجك مصلحة يعني؟ هل لاجل مال ولا منصب ولا شو مافهمت؟ وبعدين اختي الله يرضالي عليج انا اشوف ان انتي اللي ماخذته مصلحة علشان يوديج ويجيبك ويفكج من اذى زوجات اخوج؟؟؟ مش صح اختي هذي نتائج تجي تلقائيا مع الزواج مايحتاج تفكري فيها من الحين الحين ركزي على الرجل تبيه ؟؟ عاجبك ؟؟ خذيه ماتبيه خلي عنك كل هالسوالف مره تقولي تعلق فيني وحبني بعد الشوفه مره تقولي يدور زوجة مصلحة اذا ما ارتحتي له اتركيه واذا ارتحتي له تراه كلنا في هذا الدنيا نبا المصلحة عيل شو ندور الضرر وشو اخبار الاستخارة معاج؟ |
والله يااختي اتوقع ان اكثر الزواجات بهذا الزمن قايم على الحظ حظك نصيبك لامن الزوج ولا من الزوجه ياتنجح ياتخسر ....فأنتي جربي حظك ان خسرتي تعالي صفي مع المطلقات وان نجحتي الله يوفقكم لبعض . .... لكن لن اخرج عن قوله تعالى (وعسى أن تكرهوا شيئا وهو خير لكم وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)
جربي حظك ...لاننا حياتنا قايمه بالبركه ..... وضبطي امورك ... والحمدالله ... كلامك اعجبني حين قلتي والزواج خلفة و صرف مال ... هذا صحيح واويدك وشكرا لكي |
اقتباس:
الله يسهلنا وياك انا استخير وكل وحده تقول لي الأستخارة شكل مرة وحده تقول مرة وحده ووحده تقول لي كل يوم و الثانية تقول لازم تحلمي اذا شفتي خير ولا شر ^^ على الله |
اقتباس:
حياك أختي يعني لازم تعرفي اهي مصلحه والسلام لا انا قبل ذا كله ابي عيااااااااااال ابي احس انه في شي يسعدني بدنيتي أهو اول ما خطب خطب عشان مصلحة وبعدين تغيرت الموازين فجأه انا اللي فاقعني ما شفته بس شوفت جزمته ^^ جوتيه ^^ اهو تملق ولا اعطاني فرصه لا هو ولا ابوي يفهموني اهو يبي يطول الخطبه سنة واحنا ما نكلم بعض خلاص انا محجوزة الحين وابوي اوقات يقول ما نبي فترة ملكة و اوقات يقول الملكة حدها شهرين كذا من جد صعب ><* |
اقتباس:
مشكور اخوي على مرورك الطيب والله صدقت في كلمة على البركة بس بصراحه الواحد يخاف اوقات لأن الزواج قرار مصيري واهو بس انا خايفة اني مقدر اتقبله احس كأني أغصب نفسي بس من وجهة نظر ثانية اشوف اني متسرعه يمكن يطلع ولد حلال وفيه الخير |
| الساعة الآن 01:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©