|
السفر الى دبي
السلام عليكم ورحمة الله وبركاته
السفر ومااادرااك مالسفر والتفكير اين الذهاب الى اي مكاان فكرنا بتركيا وماحصلة وفكرنا بمااليزيا ومالقينا حجز للعوده وبالاخير رجعنا لدبي:29:الصرااحه مو مهتويتها بس يالله اهم حااجه نطلع ونغيير جو للعياال ولا اتوقع ان دبي اخت الرياض بضوضاااء والزحمه :(وهاااذا مااحبه ابدااااااااا اهم حااجه بالمووضووع الي سبق وساافرت لدبي ومعااه عياال تقوولي اي الامااكن الترفيهيه والغريبه نوعاا مااا ماابي العااب مثل الموجوده عندنا اشياااء غريبه وامااكن حلووه انتظررركم .... |
هلا فيك اختي
بالعكس انا احب دبي مررره :22: يمكن يكون الجوو حار هالايام بس نصحك اول شي بزياره دبي مول وفيه هناك صاله تزلج عشان الاطفال والمول بنفسه متعه ومن الاماكن الي بعد لاااااازم تروحونها سكي دبي ((مول الامارات )) راح تستانسون وابحثي عنه بقوقل وشوفي كأنك بدوله اوربيه الثلج جنااان:24: وفيه العاب وتصلح للكبار والصغار واما بالنسبه الالعاب المائيه كم مره نبي نزورها بس نخاف يكون فيه مناظر ما تصلح للاطفال ردي هذا مستعجله شوي لو تذكرت شي ثاني بكتبه لك عالطووووول رحله ممتعه وسعيده ان شاء الله هذي صوره لسكي دبي :17: عشان تتحمسين http://6oood.files.wordpress.com/200...ai-tobogan.jpg |
هلا اختي الكريمة
حياج في بلدك الثاني الامارات ..... ندخل في الموضوع بالنسبه لدبي فيها الكثير والكثير : اذا كنتي تسألين عن الالعاب للاطفال : 1- كيدز زانيا (دبي مول) كثير راح يفرحون فيه الاطفال لانهم راح يلعبون كل المهن : رجل اطفاء طيار طباخ بيتزا عامل ماكدونالز طبيب كل شي وحقيقي مش مجرد العاب. 2- مدينة مدهش في غنى عنها تتطور من عام لعام واجواء مرحة ومسلية الصراحة 3- امارات مول وسكاي دبي والله لو ثلاث ايام ماراح يخلصون عيالج فيه 4- ميترو دبي رحلات تلف دبي كلها - تقدروا تنتقلون بها اذا حابين من مول لمول 5- فيستفال سيتي فيه ملعب لكره القدم ومباريات وتقدري تشركين الاولاد ويلعبون ضمن فريق، وهناك ايضا العاب في الخارج زي اللي في المهرجان 6- مردف سيتي سنتر ايضا فيها صاله العاب ضخمة 7- بوابة النجوم في حديقة زعبيل مكون من اقسام رائعه ومختلفة وفيها من جميع الالعاب المسلية في الداخل والخارج (المبنى مصمم كأنها مركبه فضاء) 8- مدينة الطفل مختصه بمجسمات تعليمية للطفل 9- وطبعا في كل المولات الموجودة في دبي توجد صالة العاب كبيرة للاطفال 10- بالمسبة للحديقة المائية وهي وايلد وادي جدا رائعه ويوم الخميس خاص بالنساء والاطفال فقط 11- حديقة شاطى جميرا ايضا يوجد يوم خاص بالنساء يوم الاثنين والعائلات والله ماذكر بالضبط وتقدروا تستمتعون فيها كثير وتاخذون راحتكم.... هذا اللي في بالي حاليا واذا عندك اي استفسار حاضرين |
السلام عليكم ورحمة الله وبركاته
بالعكس يا اختي الكريمه..والله مافي احلى من دبي.. لكن الجو لج عليه شوي.. :24: ما شاء الله الخوات كفوا ووفوا.. وازيد على اقتراحاتهم حديقة اكوا فينجر المائيه في فندق اتلانتس.. حديقه مائيه ولا اروع ويقدرون عيالج يتسبحون مع الدلافين الممشى او بما يعرف بJBR ومرسى دبي وسوق مدينة جميرا.. مطاعم متنوعه وجلسه حلوه في كل من هالاماكن ممكن حتى اتروحون لبوظبي ليوم واحد وترجعون.. بما انه المسافه فقط ساعه ونصف من دبي اذا حبيتوا تطلعون من دبي مثلا ممكن تاخذين عيالج خور دبي يركبون التكسي المائي او العبره.. وبما انه الجو راح يكون حار اقترح اتروحون المساء.. واعتقد التكسي المائي او الباص المائي مسقف ومكيف اما العبره لا.. وفي نفس المنطقه توجد منطقة تراثيه تسمى بالبستكيه.. في حال حبيتوا تطلعون على التاريخ العمراني لمدينة دبي قديما..مكان حلو وفيه كذا مطعم حلو وعندج قرية التراث فيها مطعم شعبي اكله حلو اسمه كان زمان يطل على خور دبي.. وفي جلسه داخل مكيفه وحلوه وممكن تاخذون كروز في الخور وتتعشون في الباخره.. اسالي الرسبشن في الفندق اللي بتسكنون فيه.. اكيد يتعاملون مع كروزات معينه وممكن اتزورون منتجع باب الشمس.. عندهم مطعم اسمه الحضيره.. تصميمه عربي.. واكله ممتاز.. ويقدم لوحات فنيه جميله للكبار والصغار وممكن تطلعون رحلة سفاري.. في شركات اتنظم رحلات حلوه ليوم كامل او نصف يوم.. ياخذونكم من الفندق ويرجعونكم.. وتتضمن الرحله نشاطات للعائله كالشوي وركوب الدراجات وركوب الجمال والكثير من النشاطات الاخرى.. في شركه سفاري اسمها Arabian Adventures ممكن تسالين عنهم.. هذا اللي يحضرني حاليا وان شاء الله تقضين انتي واسرتك الكريمه وقت جميل وممتع في دبي وبالاماراتي اقولج يا مرحبا بج بين اهلج واحبابج |
الله يحيييكم ويسعدكم يااااارب
جزااكم الله خير ع الردووود الحلووه والله حمستوني من جد بس ياارب مايكون فيه زززحمه الف ششكر ع مرروركم العطرر منورين حباايبي وانتظر البقيه .......... |
الأخوات ما قصروا ...فيه حاجة مدري انذكرت ولا لأ ....
يموتون فيها عيالي .... اللي هي ( وندر باص ) الباص العجيب .. لأنه يسوي لك جولة سياحية في دبي ثم الجزء الأجمل تحوله الى مركب ينزل في خور دبي على ما اظن ... هو ممتع بالنسبة للعيال أكثر طبعا اذا رغبتي به فهو ينطلق من مركز البرجمان |
اشكر مروورك اختي رسيل والله ينصررك على من ظلمك وينور دربك امييين
|
اقتباس:
يخلونك بالمكان نصف ساعه للتنقل من مهنه لأخرى .. و يحتاج وقت طويل + أعمار الأطفال الأفضل من 6 و فوق .أو 5 .. هي عبارة عن مدينه مصغرة للوظائف بالمستقبل .. + يعطونك نقود للشراء .. ممتعه للصغار . الباص العجيب مدته نصف ساعه بالماء مطعم الثلج في تايمز سكوير دبي للهروب من الجو الحار . رحله سعيده .. |
بالعكس دبي روووووووووووووعه وفخاااااااامه ووناااااااااااااااااسه واذا على الزحمه ترى زحمتهم بنظام
أسواقهم خياااااااااااااااااااااااااال عمري ماشفت مثلها بحياتي وعندهم اماكن ترفيهيه احسن من عندنا بالرياض الخايسه اللي مافيها ولاشي روحي لدبي مول فخم فخم وفيه عالم تحت الماء قصي تكت وادخلي وعندك بهالحرررر الوولد وادي هذي حديقة العاب مائيه روووووووووووعه بيستانسون عيالك فيها وبيشبعون سباحه ولاتنسي المدينه الصينيه وقرية البوم فيها سفينه عليها عشاء ودوره على الخور لمدة ساعتين ووووووووووووووووووووو اذا تذكرت رجعت لك |
| الساعة الآن 11:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©