|
كيف استطيع اقناعه برفضي لطلبه ورغبتي بتغيير اسلوبه
بســـــــــــــــــــــم الله الرحـــــــــــــــــــمن الرحيم السلام عليكم ورحمة الله وبركاته .. كيفكم ياجماعه ان شاء الله بخير .. انا عندي مشكلتين حابه اعرضها عليكم واتمنى تساعدوني شباب وبنات .. انا مملكه ليه سنه .. واحب زوجي وهو يحبني ومتفاهمين ولله الحمد بس مشكلتي الاولى معاه . انه لما نتخاصم او نتزاعل يكبر المشكله زياده عن اللازم .. تحديداّ الي اكثر شي يأثر عليه وينرفزني انه يقول له كلام مره جارح ((( طبعا مو سب وسخ ولا شي لا )) بس نفس الكلام يكون جارح وانا مره اتاثر واتعب نفسيا مع اني عارفه انو طيب بس هذا اكبر عيب فيه وهو عارف اني اتعب من كلامه ودايم احاول افهمه واقوله لا تجرحني لا تجرحني بكلامك وبمجردى تسير مشكله ويعصب مره على طول يرمي با الكلام بشكل فضيع .. طيب .. المشكله الثانيه اكبر من هذه بكثير ... زواجي قرب شوي ويقولي اذا اتزوجنا بتسيري تكشفي على اخواني ويتكلم من جده مايمزح .. وانا مره ما ابغى اكشف لا عى اخوانه لا غيرهم واتفاهمت معاه وتناقشنا وقلت له حرام وماخليت ايه ولا حديث الا وقلتها انه حرام .. يقولي انه ادري انه حرام بس خلاص هذا وضع انفرض عندنا (مرة اخويا) تكشف عليه وعلى اخواني (( وانت تجي تغيري الوضع اش يقولي عليك اهلي بيزعلو مننا )) وتخيلو اول مره اقابل فيها مرة اخوه اول سؤال سالتني واول موضوع فتحته انتي بتكشفي ولا لا قلت لها ما ادري الله اعلم . قولولي اش اسوي انا مره ماني متخيله الموقف اذا اجتمعنا انا واخوانه وبذات هو كيف اقله مابكشف او ماني طالعه لهم اش بيسير وقتها بيننا واش بتكون ردة فعله .. ابغى اقنعه قبل لا نتزوج عشان بعدين مايكون عنده عذر . الإشراف : تم تعديل العنوان ليتناسب مع المضمون . |
اياك ثم اياك تزيلي الغطاء الحمو الموت ولاطاعة لمخلوق في معصية الخالق
وش شعورك وانت جالسه واخوه بس يتصيد النظرات لك انت ماقريتي قصة واحد هنا بالمنتدى عاشق مرة اخوه وهي ماتدري |
لا طاعة لمخلووووق في معصية الخااالق
انتبهي تطاوعينه لازم تحطين في راسه من الحييين انك مستحييييل تكشفين على اخوانه عشااان مايجي بعدين ويطلب هالشيء منك حاولي معه بالطيب بالرضا بالغصب اهم شيء ماتطاوعينه الله ييسر امرك |
السلام عليكم
والله يا أختي لا طاعة لمخلوق في معصية الخالق وأنا أعرف إن أيام الملكة كلها كلام حلو ليش الزعل على العموم هذا أمر هين لكن الكشف أنا ما أنصحك تسمعي كلامه وطالما زوجة أخوه سألتك معناته إنه الموضوع جدي فكيف راح تغيريه تمهلي لا تبيعي دينك بدنيتك |
حاولي تقنعية بهدوء وخليك حازمة بكلامك شوي عشان يعرف انك ماحايتغير رايك بعدين وبالنسبة للمشاكل اللي تصير بينكم حبيبتي معليش يمكن هوة شخصيتة كذا عصبي ولما يعصب ينسى حالو ايش يقول هذي مشكلة موجودة عند رجال كثر بيكون هالشغلة طبع فية مابغى احطمك بس في اطباع صعب تغيريها بس ممكن تخففي منها وربنا يعينك
|
هذا و انت مملكه ما تقدري تستعملي كيد النسا
اجل بكره اذا تزوجتي ايش راح تعملي ابكي شويتين و اتنهنهي و لا تردي موبايلات ومسجات و خليه هو الي يجري وراكي اثقلي عليه من يجي يزوركم و من تطلعي انفخي نفختين تطيره و يسالك ايش فيك قوليله ما كنت باطلع لك اليوم ويسالك يش و اعملي كم حركه ابعد لا تكلمني ولا تمسكني و خليه يحتار شويتين و قوليله السبب المتزوجه ما تعمل هلشي الا بشهر العسل بعدها يشيلها من ارضها ويرميها على ارض الواقع اما كشف الوجه من الان اكشفي وجهك كل ما اجتمعتو عبي وجهك بانواع المكياج و قوليله باطلع اسلم على اخوانك و سبلي بعيونك قدامه و اضحكي بغنج ودلال هو ما راح يرضى ويغير البيت كله علشانك انت مضيعه احسن فرصه عندك بعد الزواج و العيال يحتاج لك غير تكنيك وغير خطط و كلها متعبه وما الها نتيجه |
اختي الفاضلة انتبهي تبيعين دينك بدنياك ترى الدين هو اللي انخلقنا من أجله قال تعالى : ( وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ) وبعدين هذا شيء من حقك ووقبل يكون من حقك من حق الله عليك انك ماتبينين شيء من عورتك الا لـ محارمك وزوجك فقط والمرأة كلها عورة الا وجهها في الصلاة اختي الكريمة أكيد عندك اخوان أو أب يقدر يكلم زوجك بـ هذا الخصوص وبصراحة الرجل هو من يهمه الستر على محارمه حتى ولو كان ابوه يفرض هذا الشيء لابد ان يقف بوجه ابوه من اجل الله الرب المتعال عموما اختي خليك عند موقفك واياك ثم اياك ان تتراجعي عن هذا الشيء لأنك لست ملك لأحد أنت خلقت لأجل الله وليس لأجل زوجك .. انتبهي << نصيحة لوجه الله |
الله يسعــــــــــــــــــــــــــــــــــــــدكم يارب على الردود الي تبرد القلب .. اختي الكريمة أكيد عندك اخوان أو أب يقدر يكلم زوجك بـ هذا الخصوص الاخ متكل على الله .. يعطيك العافيه بس بخصوص اني اكلم احد من اهلي .. انا ما ابغى ادخلهم في مشاكلنا مهما كانت المشكله .. وابغى اعود نفسي اني احل مشاكلي معاه من دحين بعيد عن اهلي .. هذا و انت مملكه ما تقدري تستعملي كيد النسا اجل بكره اذا تزوجتي ايش راح تعملي ابكي شويتين و اتنهنهي و لا تردي موبايلات ومسجات و خليه هو الي يجري وراكي اثقلي عليه من يجي يزوركم و من تطلعي انفخي نفختين تطيره و يسالك ايش فيك قوليله ما كنت باطلع لك اليوم ويسالك يش و اعملي كم حركه ابعد لا تكلمني ولا تمسكني و خليه يحتار شويتين و قوليله السبب المتزوجه ما تعمل هلشي الا بشهر العسل بعدها يشيلها من ارضها ويرميها على ارض الواقع الغربه مره .. يعطيك العافيه .. من ناحية البكا انا حساسه وابكي قدامه اذا زعلني بدون تعمد او كيد واشوفه يحزن ويحن ويراضيني .. اما من ناحية اطنشه اااااااااه اذا طنشته يطنشني جربت قبل كذا وتركته كم يوم مارضي يدق ولايراضيني الين اتصلت عليه وقتها راضاني شوفي دحين انا زعلانه منه وهو الغلطان ومادق يشوفني وانا من جد ناويه ما ادق لاني متاكده ماغلط بشي معاه هذه المره . ودعواتكم وان شاء الله اذا صار شي جديد بموضوع الكشف اكيد راح اقلكم. |
رد
هناك الكثير من الامور في حياتنا والمشاكل تمر وتنحل بسهولة
وامور اخرى تحتاج وقفة وتحتاج موقف قوي لارجعة عنه وانا اقولك خدي موقف خدي موقف قوي واحسمي الموضوع اذا رضختي لهذا الشيء توقعي ان يطلب منك ان ترضخي لأشياء اخرى اكبر واكبر لاطاعة لمخلوووق في معصية الخالق:11: |
| الساعة الآن 10:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©