|
زواجي والوسواس
السلام عليكم
. شلونكم حبايبي :) بقولكم سالفتي بالتفصيل ويااليت القى حل .. انا باقي على زواجي ايام قليله جدا وخلااص متوتره حددددددي لدرجه ان النوم مجافيني :( هم العرسسسسس :( هم كل شي خايفه من الحياه الجديده اللي بقابلها وكيف بعيش و و و و الخ :( وزياده على ذا انا متدينه من خواتي فلوس وللاسف الشديد خلصت فلوسي ماادري شاسوي ومتى ارد لهم الدين ... للامانه كلهم يقولون رديهم بعدين لو بعد 10 سنين بس انا قمت اسوس وودي ارد لهم الحين بس المشكله ماامعي شي او بالاصح مامعي يكفي :( كلهم وربي يقولون خلاااص لاتشيلين هم عادي انتي مكبره الموضوع بس مادري حااسه اني ودي اعطيهم الحين مادري ليش ..! (( انا فيني وسواس قهري من قبل 3 سنوات والحمدلله تشافيت منه نوعا مااا من العام بس مو مرة يعني احسن من اول ولما كان فيني الوسواس كنت مانام بالسهوله يعني انام بعد محاولات والحمدلله لي سنه الحين لا عادي انام )) بس هاليومين بديت اسوس اني ماراح انام :( قبل العرس وبعده ...! :( وربي تجيني افكار اني مااراح انام واني بصير كذا وكذا بس حاولت اني اطنشها :( ودي اعيش حياتي بدون وسواس وافكار مزعجه بليز وش اسوي بهاليومين الباقيه :( ريحوني الله يريحكم .. (( انا عارفه اني حتى لو سددت ديوني بيطلع لي الوسواس بشي ثاني بفكره ثانيه مزعجه .. بليز ابي اتخلص من هالشي )) . عذرا ع الاطاله |
وعليكم السلام
انتي جاييبه لعمرك الوسوسه والقلق والا مافي شيء يستاهل الدين ذولي اخواتك وعاادي مابين الاخوات دييين وسددي دينك بعد الزواج بعد شهر العسل او حتى بعد سنه بس المهم شيليه من تفكيرك الحييين وعن الزوااج ترى مافي شيء يستاهل الوسوسه والخوووف بالعكس ان شاء الله هذي الاياااام بتكوون من احلى اياام عمرك بس انتي لاتشغلين نفسك بالافكااار الي مالها سنع وخليك دائما متفائله وحاوولي ماتروحين لفراشك الا وانتي هلكانه من الشغل والتعب عشاان تنامين بسرعه وماتفكرين في اي شيء يضايقك اسال الله لك السعاده الزوجيييه والذريه الصالحه والف مبرووك مقدم:14::14::14::14:ا |
هذا ماله دخل بالوسواس اساسا العروس غالبا ماتنام قبل العرس |
اختي الفاضلة ممكن سؤوال .. متى اخر مره استغفرتي 1000 مره ؟ << ترى مو كثيره لو تاخذين من يومك ربع ساعه صدقيني بتجيبين الـ 1000 ونتي تضحكين خلي معاكي مسبحه مثلا فيها 50 حلقه يعني المسبحه كم مره بتدورين فيها بالاستغفار عشان تصير 1000 >> عشرين مره بس وصدقيني ربي بعدها يفك ضيقك واذا متعيجزه عن الاستغفار صلي الوتر لو ركعه وحده واسجدي سجده ادعي فيها كل اللي في خاطرك وصدقيني ربي ليس بخيل على عباده بل هو حليم اقرب مايكون العبد الى الله وهو ساجد احرصي على الدعاء عند السجود والهموم باذن الله تنزاح جربي وشوفي .. |
يووووه
شوفي لو الزمان يرجع كان رجعت هالفترة لسبب بسيط أني مثلك نكدتها بالافكار السيئة والتصورات اللي مالها داعي أستغلي أيامك الحلوة وعيشيها وخواتك ماراح يعلقونها بذمتك وأنتي إن شاء الله ربي بيفتحها عليك بعد الزواج وتسددين شوي شوي لاتنكدين عمرك ياعسل |
من جد دي الايام المفروض تكون احلا ايام بينكم ..
لا تعكريها بالافكار السلبية دي .. كل شي حيتسهل ان شالله .. الفلوس حتجي بعدين وكل شي تقدرو تتعاونو عليه مع بعض الله يسهلك ويوفقك يا رب =) |
| الساعة الآن 09:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©