|
محتار في اتمام الخطبة ! نصائحكم
السلام عليكم ورحمة الله وبركاته ..
من اين ابدئ ومن اين انتهي .. من أين اصيغ المشكله وكل كلمه فيها ألف مشكله ...!! يا اخوان ببدى من الألف لحد الياء .. ورجاءً لاترمو اللوم علي لأني لمت نفسي قبل كل الناس ، انا شاب ماتعديت الـ19 سنه ، مليت من الحياة والدنيا وبحثت عن المخرج من التعاسة اللي كنت فيها فلم اجد سوى ما أحله الله لي ، ففكرت بالزواج ولزمت الفكره رأسي حتى بديت اظن اني بجن اذا ماتزوجت في أقرب وقت ، بديت ابحث واسئل الاهل للأسف الشديد اهلي ماسئلوا لي ولا دلوني .. قالت لي الوالده لا اعرف احد وحاولت ودلوني مره وحده بس ماتوفقت البنت سبقوني عليها ، بحثت بحثت حتى يئست من أهلي الذين لايبحثون عني وهم موافقين على زواجي وليسوا معترضين عنه ، لين ماحصلت وتكلمت بعد ماسمعت عن البنت بنص الساعه وكلم أبوي اهلها ، بعد ما كلمناهم وهي ليست خطبه رسميه كنت فرح جداً وسعيد ومتفائل ومتطمن حتى اكتملت لي سنه كامله وخلال هذه السنه شفت المصايب والبلا ، جوني اهلي وجوني ربعي واخواني وبني عمي وكل من يبا ينصحني .. يقولي لا تتزوج لاتتزوج .. اللي يجيب لي عروض والل يخوفني من الزواج واللي يقولي مابتتوفق معها واللي واللي ولكن للأسف كل من جا وكلمني كان يكلمني بأسلوب واعي وحكمه وكان يكلمني بطريقه لا استطيع ان اقول له انت غلطان فيها رأيت نفسي غبي محطم لا أعرف اكمل ولا لا .. وفي مثل هذه الامور اني ارجع عن كلمه قلتها الموت اهون لي البنت مافيها عيب ولكن قالولي اختلاف الفكر واختلاف المكان والبنت والبنت .. وهنا تحصل احسن وهنا تلقى وحده مواطنه عيالك يدرسوا بلاش متعلمه تعرف تتصرف اذا حدث شي وانت غايب وفاهمه .. وهنا هنا حتى حسيت اني اقدمت على خطوه خاطئه وفعلاً انا استعجلت لأني مالقيت من ينصحني ومالقيت من يقولي انتبه والمشكله اني ماقدر ارجع في كلمتي ابداً، وبيقولون هذا واحد جاي يلعب ومحد بيرضى يزوجني .. وغيره وانا والله العظيم لا أقولكم اي انا نفسياً ابا اتراجع ولا انا ابا اتقدم انا دخلو كلام فراسي الناس لين ترددت وماعرفت اتصرف مادري انا غلطان ولا صح مادري ااتراجع ولا اعلنها خطبه رسميه احترت لأني كنت فالبدايه متفائل وضامن نفسي لك بعد ما كل من حصلني قالي انتبه ولا وبتضيع مستقبلك وانته صغير .. اكثر ماقهرني ان النصح هذا ماجاني الا بعد مادخلت في فالموضوع وتقدمت .. اما قبل فالكل كان يقولي تزوج اخطب بنزوجك .. وماحد كان ينصحني ويرضى يدلني انا ما اعتبر هذا عذر اتهرب منه انا غلطان لكن للحين انا احتربت الكلام اللي جا على اذني خلاني اتردد .. وجيت لكم ابا النصح يا اخوان رجاءً ساعدوني ..!! كيف اجد مخرج انا بستخير ان شاء الله .. لكن في حال اني استخرت بيزول التردد .. او بيتغير رأي ولا كيف ؟ وعلى فكره اانا استخرت قبل ماكلم عمي ...!! لكن الحين الناس الكل يقولي انت غلطان |
أخي الكريم
إنت مقدم على حياة جديدة وراح تكون أسرة بس بسألك سؤال هل إنت موظف يعني من وين راح تعيشها ؟ هل كملت دراستك لأن الزواج مو بس زوجه وأولاد يبغوا كم من الطلبات إذا كنت حاسس إنك قادر على تحمل المسؤولية تقدم بخطبتها رسمي على أن تكون الملكة بعد سنتين يعني ربط كلام ( حجز ) لأن أنا شايفه سنك صغير وأكيد سنها أصغر وإذا رفضوا أهل البنت يبقى فرصة لك لتتمهل وإشغل نفسك بالدراسة أو العمل أما زن الناس فالناس ما يعجبهم عجب يعني راح تظل طول عمرك عازب ‘، وإذا ظليت عازب قالوا عمرك راح وطبعا أهم شي استخر الله تعالى والله يجيب لك الخير وفقك الله |
أخي اذا كانت عندك الرغبة الجادة في الزواج,
واذا كنت قادر على فتح بيت, وتستطيع أن تتحمل مصاريف ماقبل وبعد الزواج, وتحمل مسؤولية الحياة الزوجية وتبعاتها,, واذا كانت الفتاة ذات خلق ودين, وتراها الزوجة المناسبة لك بعد رضى جميع الأطراف (أنت-أهلك-هي-أهلها) فلماذا التردد والخوف؟؟ يا أخي بعد الاستخارة والرضى دعك من كلام الناس الذي لا يزيد ولا ينقص.. أقبل والله ييسر أمورك.. |
اشكركم اخواني على هذا الدعم .. والله اني مهموم من يومين طول الوقت وانا جالس افكر ، يا اخوان والله العظيم اني ترددت وتهت وخفت اكون غلطان وأقدم على امر قد اندم عليه ، انا بستخير واذا اتضح لي اني الغي الزواج فبتراجع واذا تقوت عندي العزيمه بتزوج .. وادعولي جزاكم الله خير
|
يعني ليه في البدايه الكل ماكان مهتم ولما تكلمت وصار الموضوع جد كلهم تدخلوا وينهم من اول بنات الناس مش لعبه الواحد يتقدم ويتكلم وبعدين يتراجع وش بيكون مشاعر الجماعه
يعني هل البنت أو الاهل فيهم عيب يعني سبب مقنع يخليك تصرف النظر عنهم أهم شي أنت أستخير والله يكتب لك الي فيه الخير وترى مو شرط تكون في مشاعر سلبيه أو أيجابيه بعد الأستخاره |
ياجماعه استخرت .. وراح الهم من راسي .. بس مادري الخيار مازال مفقود !!
|
اقتباس:
|
[استخير الله وتوكل]]
|
وعليكم السلام والرحمه ..
أخي الكريم يمكن أكون قاسية معك وهذا يرجع لمصلحتك .. أنا من رأيي إنك استعجلت كثير بمسأله الزواج ومن الاسباب - صغر سنك لايحتمل لفتح بيت ومصاريف ثانية .. وأكيد إن البنت اللي خطبتها أصغر منك وبهالسبب ماراح تكون ناضجه ومتفهمه لأمور الحياة الزوجية .. قدامك سنين طويله .. نصيحه لاتستعجل وخصوصا الزواج بالتوفيق ... |
انا بعد ياخوي شايفة انك استعجلت لسة بدري على تحمل مسؤلية زواج وبيت انا اشوف انك تقول لهم انك تبي تحجزها بس لغاية ماتخلص دراسة وتشتغل واحتمال كبير اهل البنت يرفضو وكذا بيكون الرفض جاء منهم وانت ارتحت من الاحراج عالعموم ربي يوفقك وييسر لك كل خير يارب
|
| الساعة الآن 06:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©