|
محاولة تحكم خطيبتي بالعلاقة
السلام عليكم
بصراحة عجزت عن الحلول وقلت ما لي غيركم يا جماعة انا خاطب قريبتي .. هيا اكبر مني بسنتين .. بس من كلامها معاايا تحسسني اني قد ولدها ! يعني احنا دحين بنتكلم مع بعض بالجوال .. وفي مشكلة سارت مثلا عشان شي .. تقوم هيا تتكلم عالشي اللي تبغاه .. وما تديني اي مجال اتفاهم .. اقولها طيب اسمعيني .. تقولي طيب طيب حسمعك بس محا اتكلم بعدها لانو كلامي خلص .. يعني كدا تكلمني باسلوب مرة ينرفز وانا كم مرة عصبت عليها وزعلت مني عشان دا الشي .. بس بعدها سرت قد ما اقدر احاول امسك نفسي وامشي معاها بالكلام .. حاولت افهمها انو كدا حتزيدي المشاكل ! وانا بصراحة اسوأ ما عندي لما تزود المشاكل .. يعني تقولي تعبانة طيب ابغا انام دحين واحنا نكون لسا ما خلصنا من المشكلة .. يعني كانو كدا عاجبها الوضع وتبغاه يزيد ! كم مرة اقولها ما احب انام وانا مو مرتاح .. بس ما في اي فايدة .. يعني تسوي اللي ليها وما تاخد اللي عليها ! وانا كدا اقعد معلق ! واحيانا تزعل على حاجات تكون مرة تافهة .. يعني نكون نمزح وفالنهاية تقلبها جد ! يعني صح ممكن انا احب امزح كتير .. بس هيا تقولي بطل .. مع انو والله كلام عادي ما فيه شي .. يعني ما يجرح ولا يخدش حتى .. بس هيا تزعل منو وتسوي مشكلة كبيرة .. وكمان لما اراضيها خلاص اقولها طيب ايش تبغي ؟ ترصلي 10 طلبات .. اقوم انا اماطل فيها شوية يعني مو كلها حسويها دحين .. تقوم هيا تزعل ! يعني محا اسوي كل شي دحين ليش ازلعل من دا الشي ؟ كيف افهمها انو دا شي ما ينزعل عليه ومدري كدا بصراحة احس تسوي حاجات كدا الا تبين انها مسيطرة عالعلاقة .. كم مرة جلست معاها وفهمتها قلتلها ابغاكي كل شي انا وانتي نتكلم فيه لين ما نوصل لنتيجة .. وتقولي طيب وحاضر وفالنهاية نرجع زي كل مرة ! والله تعبت وانا احاول معاها مني عارف ايش اللي يرضيها ومني قادر افهمها .. احس مرات كاني ما اعرفها ! ابغا احس اننا مع بعض فكل شي .. وكلنا نسمع لبعض ونفهم بعض ولو في قرار نتكلم فيه مع بعض والنتيجة تكون متراضية بين الاتنين يريت تشورو عليا ايش الطرق اللي احسسها فيها انو لازم توقف من حركاتها دي ؟ وايش اقولها ؟ يريت تساعدوني :( |
التعديل في نوع الاسلوب هو اساس النجاح لكم وبعد الصبر يا اخي الكريم
|
ايش قصدك بالتعديل يا اختي ؟
اعطيني طرق او اساليب اعدل طريقتي بيها ؟! وجزاكي الله خير |
ألف مبروك عليكم ويجمعكم بالخير
أخوي لاتتحسس بكل شي يمكن طبيعه أسلوبها بهالشكل .. قولها أيش السلبيات اللي فيها وحاول تحلوها سوى .. لكن ماأعتقد إنها تعاملك كذا بسبب انها أكبر منك ...! لاتسيء الظن وإن شاءالله تنحل أموركم |
الف مبروك لكم يا اخي الكريم
اود ان اطرح وجهة نظري وما هي الا وجهة نظر لا اكثر ولا اقل بالنسبه لانها اكبر منك لا اعتقد انها سبب المشكله التي بينكم لان الحياة الزوجيه ( الحب ) لا يعرف كبيرًا او صغيرًا مثل ما تفضلت البرنسسبه قبلي ولكن المشكله انه لا توجد مشكله من الاصل انت لا تكبر هذا الموضوع ولا تعطيه اكبر من حجمه لانك بهذا تزيد النار حطب ما عليك ان لا تعير هذا الامر اعتبار من اصله على قولتهم طنش وحاول ان تكون ريلكس هادئ جدًا ومثل ما تعاملك بهدوئها حاول ان تكون اهدى منها بكثير وان تبحث عن امر تبين لها انك هادئ وهناك امر مهم ليس بكل يجب ان تنتبه له وهو لا تكثر من عدم اهتمامك بالحد المعقول وان انصائحك يا اخي الكريم ان لا تكثر من الاتصال عليه كثيرًا لا ن كثرة الشي ينقلب ضد صاحبه انا انصحك وهذا ليس يدل على انني اعلم بامور الحياة الزوجيه كلها بل نحن البشر ينقصًا الكثير لا تنسى انها وجهة نظر وهناك اعضاء كثر نتعلم منهم الكثير ارجو ان يردوا على موضوعك وينصحونك بما هو خير ولخطيبتك الله يوفقكم ويهدي سركم ويجمع بينكم على خير . الف مبروك واتمنى لك الفرح و السعادة بحياتك الجديده |
الله يجزاكم بالخير البرنسيسة وابو عابد ..
الحمد لله اليوم اتكلمنا واتصافت الامور .. شكرا والله يعطيكم العافية |
| الساعة الآن 08:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©