|
وش راح يكون شعورها يا بنات ...
السلام عليكم ورحمة الله وبركاته
رايكم يا بنات رجاء بصراحه في الذي حصل معي ملكة وخطيبتي هي الزوجه الثانيه بعد ان حصلت مشاكل مع زوجتي الاول وطلقتها ولدي منها بنت انتهت هذه الصفحه ونسيتها . المهم اني بعد الملكه لم ازور اهل خطيبتي منذ شهرين وبعد ذالك حسيت على دمي :) وارسلت اهلي بهدايا لخطيبتي وهي طقم ذهب و بوكيه ورد وكتبت بطاقه من هالكلام الحلو :25: يا بنات اهلي قالوا لي ان البنت نحفانه كثير وكانها منزعجه من شي ودي اكلمها بس اخوانها رافضين هذا الشي وانا بصراحه مستحي منهم المهم يا بنات تهقون البنت وش شعورها وش احساسه بهاللحظه هي فرحانه وش راح يكون تفكيركم اذا اللي حصل لها يحصل معكم ؟؟؟؟؟؟ |
الي انا متاكدة منه بشكل عام .. هو ان البنت
تتمنى ان الرجل يحسسها برغبته انه يقرب منها بفترة الملكة .. سواء عن طريق التلفونات او الزيارات او غيرها .. ممكن تكون خطيبتك منزعجة لانك ما كلمتها ... وممكن تكون منزعجة لاسباب ثانية .. بغض النظر عن السبب .. اقترح انك تستغل هالفترة وتخليها ذكرى حلوة لكم وتكلمها وتتعرف على شخصيتها وتزورها .. موفق ان شالله |
اكيد انها منزعجة انك شهرين ما كلمتها ,, انا لي يومين ماكلمني خطيبي ومتضاايقه مره وهذا موسهل على اي بنت وراح تراودها شكوك كثيرة أولها انك مازلت تحب زوجتك الأولى وان زواجك منها بس عشان تنسى زوجتك الأولى ,, اتوقع انها فرحت بالهدية وانبسطت فيها بس اكيد لو كلمتها وبينت لها ودك راح تفرح كثير ويرتااح خاطرها الله يجمع بينكم في خير ويفرح قلوبنا وقلوبكم آمين يارب |
حاول تاخذ رقمها من أهلك من إحدى أخواتك...هذي زوجتك شرعاًً
أنا أتوقع إن عندها تخوفاااات من موضوع زواجها بك و اللي يثير هالتخوفات أكثر بعض من اللي حواليها أخواتها أو صديقاتها في ناس تأيدها من الزواج بك و في ناس تعارضها الفكرة و تخوفها منك و تقولها إتراجعي ترى هذا مطلق واتوقعي أي لحظة يرجع طليقته و لو كان يحبك كان سأل عنك و حاول يوصلك بأي طريقة و الخ من المخاوف.....لا تتوقع الموضوع سهل بالنسبة لها!! إذا ما حاولت تسوي أي خطوة شجاعة عشان تكون قريب منها أكثر قبل الزواج بتشعر إنها ماهي فارقة عندك أبداً و زواجك منها مجرد تحصيل حاصل لكن إذا أشعرتها إنك قريب و أخذت رقمها من أهلك عشان تسمع صوتها و تطمن عليها بتشعر بالفرق و حاول من خلال كلامك إنك تطمنها و تؤكد بقوة بين فترة و فترة بأن طليقتك لا تعني لك شيئأً و إنها هي (زوجتك الثانية) زوجتك الأولى و الأخيرة في نظرك و متشوق لفتح صفحة جديدة و بداية سعيدة معها بإذن الله ...راح تخف أو تختفي مخاوفها بإذن الله بإختصار العلاج بيدك إذا كنت تريده وفقكم الله |
ممكن خايفه من مستقبلها معك
وتخاف انك راح ترجع لطليقتك ممكن متاثره لانك ماكلمتها ولازرتها يعني اخوانها ليه رافضين وهي زوجتك على سنة الله ورسوله ترى البنت في وقت الخطبه كلمه تجيبها وكلمه توديها خااصه اذا هي مو قريبه من خطيبها ولاتعرف عنه شيء حاول تقنع اخولاها تكلمها او تزورها هي زوجتك شرعا ويحل لك تشوفها الله ييسر امرك ويعينك ويعينها ويجمع بينكم على خير |
والله يا بنات ودي اتعرف عليها اليوم قبل بكره بس الموضوع مو بيدي اخوانها شوي متشددين وما عندهم البنت تاخذ جوال
لين تروح بيت زوجها يعني مالي امل اني اشوفها او اكلمها لين العرس الله يعينا لبعد رمضان الزواج بس راح احاول ان ازورهم ان شاء الله يمكن يفهمون ان ابغى اشوفها . شكرا لمرورك الكريم وآراكم الرائعه |
نحفانه من الهم والانتقال من حياة والديها غلى حياة الزوج والاسرة وهذا شأن كل بنت
والدور دورك اثبت الأمان في حياتها وحاول زيارتها في بيت اهلها والجلوس معها كا اسبوع ومكالمتها لو بالهاتف وفقك الله وجمع بينكما على خير |
قريت كل مواضيعك وانك تفكر بطليقتك..
والله خنقتني العبره على مرتك الجديده :( اذا تحس انك مابتحبها لاتتزوجها وتعلقها معك وقلبك مع غيرها,, (رفقا بالقوارير) |
اقتباس:
كلام الأخت بنت ناس صحيح 100% .. - أعتقد أنك تسرعت كثيراً في خطبتك وارتباطك بالثانية في الوقت الذي لا زلت فيه تحب طليقتك حتى الآن . أتمنى من كل قلبي أن تطبق المثل الذي يقول " من باعنا بعناه ولو كان غالي " سبحان الله ، تفكر في من تركتك منذ الآن وقبل الدخول بالثانية ..!!؟؟ كيف لو اجتمعتما في بيت واحد وبدأت المشاكل مهما كان صُغرها . صدقني اول من سيخطر على بالك هي طليقتك التي لم تستطع نسيانها ..!! فكر ملياً ، بارك الله فيك . المهم ، في اعتقادي وكما قال البعض هو أن البنت داخلة على حياة جديدة وستنتقل من بيت أهلها غلى حياة لم تألفها أبداً ،، ويكفي يا أخي ما قلته عنها وعن أهل بيتها . أتمنى أن تتمسك بها لأنه من الواضح أنها من بيت طيب . والله يوفقك . |
اذا خـــــــــــــلاصنسيت ماضيك عيش مع زوجتك هذي كـــــــــــل يوم بحلاوته
وترا كل زياره لبيت خطيبتك وجلستك مع اخوانها تحسسها بلامــــــــان اكثر واكثر ياليت كان من ضمن الهدايا جوال وشريحه صدقني مايحتاج تستاذن اهلها في هذا الامر او اخوانها اعتبرها امر عادي وروتيني و ترسل لها بعد كم يوم مع امك واخواتك هديا ثانيه من ضمنها الجوال ثم كلمها بعد كذا :rolleyes:للمعلوميه البنات يحبوووووووووون الهدايا بشكل كبير |
| الساعة الآن 02:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©