أفكاركم أخواتي في ترتيبات حفل التخرج
 

انا ماادري والله هل هذا الركن المناسب لموضوعي ام لا ..

بأدخل في الموضوع مباشرة ,, انا الحمدلله نجحت وتخرجت من البكالوريوس<<< بااااركولي:23:

وابغى اعمل حفلة قبل رمضان ان شاء الله بس ماعندي افكار اعملها للحفله وياريت تساعدوني بأفكاركم الله يوفقكم وربي الي تساعدني ماراح انساها من دعائي ولا راح انسى لها جميلها..

ابغى افكار اش ممكن اعمل في الزفة ؟؟ اش رايكم احط انشوده حماسية أم هادئه ..عندي كمان روب التخرج هل ممكن البسه وقت الزفه فقط ام من بداية الحفله كمان انا جات في بالي فكرة بس ماعرفت انسق لها تمام اللي هي كان ودي اجيب هديه لماما كشكر لهاواقدمها لها بعد الزفه بس بغيت حركه حلوه ..

الله يرضى عليكم لا تبخلوا علي بأفكاركم..
انا بانتظااااااركم:17:

عفواً تم تعديل العنوان ليتوافق مع المضمون..

ألف مبروك حبيبتي

:14: :14: :14: :14: :14: :14:

تجيبين التورتة و تكتبين عليها أسماء صديقاتك المقربات .. و تقطعون كلكم الكيكة مره وحدة
هذه سوتها وحدة من صديقاتي يوم تخرجت

و لبست بشت التخرج و الطاقية حقت التخرج و طلعت شيئ

و الأكل أشياء خفيفة فطائر و حلى و كيك و شاي و قهوة

وشوكلاتات صغنونة مغلفة و فيها كلمات عن النجاح حماس من جد

و تجيبين دفتر يكتبون لك فيه تهنئة التخرج تصير لك ذكرى مرررررررررررررة حلوة
اذا تبين جو في الحفلة .. تقدرين تسوين مسابقات و عليها جوائز

كتبنا أسماء المعزومات على البالونات و تحطيها بكل مكان و الله مرة روعة و إحساس غير

شغلنا أناشيد عن التخرج و ألحين عندك أنشودة حمود الخضر عن التخرج و الله تهبل شغليها في البداية كلماتها و ألحانها غير تحسسك بطعم التخرج فعلا
إبحثي عنها في النت تلقيها إسمها غريبة مرت الأيام

و أمك تجيبين كلام حلو و تقولينه كأنه لغز إنها الإنسانة التي و مدح و غزل

بعدين أتدرون من هي إنها الأم و أهديها درع أو شيئ ثمين حسب ميزانيتك

‘ إن شاء الله يطلع روعة و تعجبك أفكاري




أتمنى أكون أفدتك عزيزتي

جداوية وأفتخر ..
أول شيء بما انك أول وحده ترد لي على موضوعي راح اقولك الله يجزاك الجنة يارب ويسهل لك أمورك وين ماكنتي ويوفقك بكل حياتك ..
والله يبارك فيك ياعمري ..

وتسلمي افكرك عجبتني
خصوصا دفتر الذكرى والكلمات الي ممكن اهديها لماما راح ابحث لي عن كلمات روعه مع هديه

لقيت الانشوده كثير حلوه وكمان لقيت على طاري الفرح حمااااااااااااااااااااااااس مره

شكرا لك
وكمان ودي اشوف اراء اخرى ..

كمان عندي فكره اش رايكم فيها ..
ممكن اخلي ماما واخواتي وقرايبي يلبسوا شرايط مكتوب عنها كلمات للتخرج