|
الامل بالله ثم فيكم ....؟
اخواني واخواتي الاعزاء يهمنى رايكم بكل صراحه ووضوح انا انسان عمري 26 سنه متزوج من سنتين تقريبا سبقتها فترة ملكه تقريبا 6 اشهر عشقتها بجنون حتى لا اعلم كيف اتصرف وكانت هناك مشاكل وقت الملكه وكل مره اقول ياولد الصبر زين بكره احلى ان شاءالله مع الايام والعشره راح نفهم بعض وصار شد وجذب ومع ذلك اكبر عقلي بالرغم انها اذا زعلت مستحيل ترضى بسهوله بل مستحيل جدا لازم يومين ماترد حاجه زي كذا المهم حاولت افهمها واعقلها بس برضه الامور كما هي المهم صار الزواج وجمعنا بيت والامور ليست حسب ماتوقعتها يعني لايهم زعلي لايهم رضاي تقول انا الشي اللي مرتاحه له اسويه واذا عاتبتها بلين قالت انا ما اخطيت للعلم البنت دلوعة اهلها المهم اول سنه الموضوع تطور صار ودني لأهلي ووالدها الله يهديه محامي ناجح جدا لها مره من المرات اعترف بالخطأ طلعت عن طوري ومديت يدي كبر الموضوع جدا جدا وقلت ياساتر اذا الموضوع بس كلام يالله افتكيت من والدها هالمره مديت يد الله يحلها المهم جلست شهر عند اهلها صار الوسيط بيني وبين اهلها عمها اخو ابوها طبعا عمها ماشاء الله تبارك الله رجل فاهم وعاقل وفرق كبير بينه وبين والد زوجتي وعقلاني جدا وقال ان ابو زوجتك يقصد اخوه انه رجل مغلوب على امره نظامه كل شي يصير بس بناتي لا احد يتعرضهم حتى لو خطأ واتذكر ان مره صارت مشكله قالي لاتقول لها شي تعال كلمني انا اربيها قلت وش دوري انا المهم بعد شهر عند اهلها رجعت عن طريق عمها وابوها صار يعتذر مني ويقول انت ولدي ومن هالكلام المهم خلال السنه ماصار حمل سافرت تعالجنا والحمد لله صار حمل وهي الان بالشهر الثامن ولا زال الامر مستمر الزعل مو مهم والرضا من ومهم عندها تحب تفسر الامور على كيفها براحتها حسب هي ماتشوف مو انا اللي اشوف الان هي متعبها الحمل شوي وسكنا عند اهلي تفاجأة باللي هو اعظم صارت حاطه كل شي على والدتي وانا احاول اطنش قدر المستطاع لكن للصبر حدود طفشت تقول امك ماتجلس معي امك ماتقول امشي وروحي مع انها هي عند اهلي الان بسبب انها تعبانه كيف بتروح وتجي وانا اتغاضى اخر الايام فيه حركه جديده انا اغلب وقتي بالدوام اكتشفت انها ماتاكل معاهم واذا والدتي بنفسها ودت الاكل بغرفتها ترفض تقول مالي نفس طفشت وبين ناريت امي واهلي ومولودي اللي بالطريق مابي اظلم نفسي ولا الطفل اللي جاي مع اني تكلمت انا معاها تقول انا متحمله على شانك مع ان اهلي والله والله والله مايجي منهم خطأ هي اللي تجلس عندهم ماده بوزها كأن احد ضاربها يحلفون عليها تأكل تتقهوى وهي ابدا ولا اي اعتبار اشوف واسكت والمشكله انا تكلمت اكثر من مره بس لاحياه لمن تنادي |
بداية .. إسمح لي بهذا العتب البسيط .. إذ أنه كا ن يجدر بك التعامل مع الأمر بشيء من الصرامه حين لا حظت بأن زوجتك هي من تفتعل المشاكل ، الأمر الآخر انت بصدد إستقبال مولود لذا لابد أن تعاود مراجعة قراراتك عدة مرات قبل أن تقوم بإصدارها ، ونصيحتي الأخيره .. إذا كنت تسكن مع أهلك ولديك القدرة على الإستقلال بذاتك دون إمكانية الإضرار بذويك فسارع بالأمر كمحاولة جاده لحل مشكلتك ، فلا تبتئس كثير من هم على شاكلة زوجتك فهي حتما تثير البلبله بحثا عن الإستقلاليه ، فما أجمل أن تكون المرأة واضحة كل الوضوح حين تصدرها ومنذ البداية أريد منزلا أقطنه وحدي !
الله يفرج همك |
شكرا لمرورك اه ياقلب
للعلم انا لي سكن مستقل ولكن لظروف الحمل والتعب جبتها عند اهلي |
اولا انت غلطت مديت يدك عليها بس مو هادي المشكله دام ابوها قلك لو غلطت قلي انا اربيها انت تفاهم معاها بلي تبي ماعجبتها الهرجه كلم ابوها قلو كل شي وقلو انا لا غلطت عليها المرة هدي ولا ظربتها سبتك انت بلواجهه ونت تصرف مع بنتك بس كمان لا زم تراعي ضروف حملها ربي ييسر اموووووووووووركم ويصلحكم ويهدي بالكم
|
صارحها وتفاهم معها وحلو مشاكلكم بينكم وبهدوء ولين...
ولو ساكنين بلحالكم افضل... واذا مانفع معها الين لازم تكون صارم معها.. والله يوفقك |
قلتها \دلوعه الله يعين دلعها يابوي وابشر بسعدك مع الامومه بتنهبل صح ثم تعقل صدقني خلها ع رب العباد
|
على فكرة الطق يكرهها فيييييييييييك والله مايجيب نتيجه
|
صدقني بعد ماتجيب المولود بتتغير...مبين من كلامك انه الي تسويه دلع وكله بيتلاشى بعد الاطفال تدريجيا
يبغالهاوقت صدقني انالي 5سنوات زواج ولناسنتين اناوزوجي متفاهمين..اول كنت ازعل على اتفه الاسباب خصوصالما كنت حامل..شي موطبيعي اكره كل الناس..مع اني احب الناس بس في وقت الحمل اكرهم كل ماافتكرالثلاث سنوات الاولى من زواجي ودي الغيهامن قاموس الذكريات..بس الحمدلله ربي رزقني بزوج صبور مع انه كان دايم يبينلي زعله واذاسالته ليش زعلان يقول راجعي نفسك وتعرفين وهذالشي الي خلاني اتغير ..وطبعاالامومه..واطلاعي على النت ومشاكل الناس خلتني اعرف اني بنعمه غيري يتمناها. مشكلتك الان ان والدها واقف معاهاوهذا اكبرغلط..اخاف ماتتغيرلان ابوهافصفها..لكن اي شي يصدرمنها قول لابوها على طول دام انه طلب منك..يمكن ينصحهاويخليهاتتغير..لاتقول واناايش دوري..اغلب الرجال اذاشافواتصرف سيء من زوجاتهم يشتكون لاهل الزوجه (انك لاتهدي من احببت لكن الله يهدي من يشاء) ادعي ان الله يهديها.. |
السلام عليكم ورحمة الله..
قال أحد السلف إني لأعصي الله فأجد ذلك في خلق زوجتي ودابتي، وهذا شيء بديهي لإغنا نجد من النكد في العيش وعدم التوفيق في الحياة بقدر بعدنا عن الله وأكلمك أخي عن تجربتي فقد كانت حياتي مع زوجي نكد في نكد وخلافات اذا رضي هو زعلت أنا وإذا رضيت أنا زعلل هو ولم تنقلب حياتنا وتتغير إلا لما تقربنا من الله اكثر فنصيحة أخي عليك بالصدقة في السر والاكثار من الطاعات ثم انك تعلم أن زوجتك تربت على الدلال من بيت اهلها إذا تحتاج لوقت حتى تتكيف مع حياة المسؤولية فكن لها معين ولكن لا تلين في أشياء هي من حقك كوالدتك لاتساوم فيها أبدا أحترم زوجتك فهي بشر ولها عليك حق ولكن حق والدتك مقدم فلا تقدم حق الزوجة على أمك فمن أطاع الله ولو سخط الناس رضي الله عنه وأرضى عنه الناس ومن أسخط الله برضا الناس سخط الله عنه واسخط عنه الناس ورضى الله من رضا الوالدين فانتبه رعاك الله. هذا مالدي وإني ماكتبت إلا من تجربتي للفائدة . وبإذن الله كما قالوا لك الأعضاء إذا جاء الأبناء تتغير نفسية الزوجة أكثر لأنها ستضحي بأشياء من أجل أطفالها وحاول أن تنمي أيضا فيها الحس الديني فتقوى الله هي سبب السعادة . |
اقتباس:
كل الحلول بيدك لكن واضح إنه عاجبك الوضع ، لو ماكان عاجبك كنت عرفت كيف تحط لها حدود .. ولدك صح يهمك مستقبله و بيتك ،، لكن مو على حساب إنه أمك تخدمها .. و بعدين إذا ماهي مرتاحة خلاص خليها في بيتكم و تخدمك و تخدم نفسها بنفسها .. و لا تروح عند أهلك و لا تشوفهم .. |
| الساعة الآن 10:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©