|
ام زوجي والخادمة
السلام عليكم ورحمة الله وبركاته ماادري كيف اقول هالموضوع اللي مضايقني حييييييييييل ... انا وزوجي وامه عايشين في بيت واحد هي في دور وانا في دور ... المهم فيه شغاله في البيت من ثلاث سنوات راحت ورجعت ... هالشغاله يمكن عمرها خمسين سنة مجننتني والله العظيم يرتفع ضغطي منها ... طبعا ماتطبخ ماتغسل ساحة او حوش البيت او حتى تكنسهم ... البيت والله وسخ جدددددا من الغبار وفيه غرف كثيرة مقفلة من هالموضوع .. يعني تخيلوا فيه شغاله في البيت والاكل يوميا من برا !!!:29::29::29: طبعا ايام ملكتي كان زوجي يقول لي ابي دايم تطبخين لي وانا والله العظيم رغم وجود طباخة عند اهلي الا اني كنت اطبخ له وارسل الاكل لخالتي .. وهكذا ...المشكلة صارت خالتي مايعجبها اكلي " اكتشفت بعدين ان الشغالة تقول لها اكلها مو زين " :29::29: خالتي تسمع للشغالة كثيييييييييييير وكلامها هو الصح ومستحيل اهي غلط ... تتخانق مع ولدها عشانها واشياء كثيرة من طبيعتي مااحب ارد على الحريم الكبار آخذهم على قد عقلهم ... حتى لو تقول لي ليش تسوين كذا اقول لها سمي وش تبين ؟؟ امزح معها كثييييير وهي تحبني والحمد لله الشغاله حاقدة علي بقووووووة تحس اني جيت وتزوجت ولدهم وبصير ست البيت .. طبعا انا مستحييييييل اكلمها او آمرها او اقول لها اغسلي هذا او ذاك لانها مستحيييييييييييل تسمع الكلام .. فاتجنبها مرررررة ولما تصير حالة الفيلا عموما ماساوية اجيب شغالة من برا تنضفه والشيخة تجلس حاطه ايد على ايد :15::15: ماتتخيلون قد ايش تتعب نفسيتي منها ... تخيلوا وحدة تدفع لها راتب ومع ذلك ماتسوي شي !!! المشكلة الان كانت راح تنتهي لان ام زوجي تعبت منها وقالت خلاص ماعاد ابيها ترجع..لكن الحين قامت الشغاله تقول لها ابي ارجع " مستحييييييييل تلقى احد يدلعها مثل ام زوجي" فقالت لنا ام زوجي خلاص رجعوها ... انا مااقدر استحملها بتاااااااااااتا وزوجي يقول ماراح اجيب شغاله ثانية البيت مايستاهل ... اقول له غيرها وجيب وحدة سنعة يقول مااقدر على امي اذا هي تبيها مااقدر اقووووووووول لا :29::29: آخر موقف صار اليوم طالعة انا وزوجي برا البيت ولما دخلت البيت كانت جالسة وراء الجدار جنب الدرج .. المهم مكانها مو واضح ابدا فلما جيت ارقى الدرج شفتها ارتعت قلت بسم الله !! والموقف قدام زوجي قامت هي قالت لي ليش انا خوفتك ؟؟ قلت ماشفت مكانك .. ودخلت غرفتي عادي الوضع المهم سمعتها تبكي عند خالتي ماحطيت في بالي اي شي قلت يمكن بنتها تعبانة او اي شي ! لما شفت خالتي بعد الموضوع بشوي قامت تعطيني محاضرة في الاخلاق ومدري ايش .. انا كنت ماخذة الموضوع مزح وقاعدة احاكيها وانا اضحك وزوجي معنا ..بعدين رحت لغرفتي وبعدها بساعة جا زوجي وقال صارت امي زعلانه عليك عشان فلانه لانك زعلتيها ...:15::15: انا عصبت بقوووووووة ولا عمري تكلمت مع زوجي بهالصوت .. قلت الموقف قدامك ليش مادافعت عني ؟؟!! قال انا قلت لامي هي ماقالت شي ارتاعت وذكرت الله !! ياسلاااااام على الدفاع والله قمت ابكي وادعي عليها لانها دايم تشوه سمعتي عند خالتي .. مرررررة زعلت من زوجي ليش ماادافع عني " طبعا لانها مو اول مرررررررة" بس هذي اول مرة يصير الموضوع قدامه ويسكت .. مشكلة زوجي مايعرف ياخذ حقه ابداااا .. مايعرف يقول لاحد انت غلطت علي مستحييييييييييل .. طبعا شخصيته هذي خلت الكل مايحترمه حتى خواته اللي اصغر منه .. الحين انا مرررررة متضايقة منها وحلفت معد اشوف خالتي ابدا الا بعد فترة طويله لاني شبه يومي اجلس معاها ..لانها تكلمت علي بسبب الشغاله اللي قاهرني الحين زوجي ليش مطيح قيمتي قدام امه وشغالتهم خير ان شاء الله ؟؟ والله صارت زعله الحين معاه وشايله عليه بقووووة احسه مو سند لي :(:(:( ايش الحل معاهم نوروني الله يفرج همكم ؟؟ |
طيب ام زوجك ماتشوف الشغاله هذي كيف جالسه وماتشتغل في البيت
ماتكلمت معاهابخوص تنظيف البيت ...طيب ماسالتي نفسك ليش حاطه دوبهاودوبك...؟؟ بصراحه الحريم الكباريقهروني بتعاملهم مع الخادمات...عندي خاله كبيره في سنهاماهمها في الدنياغيرشغالتها مع انهاماتسوى فلس واحد بس على قولتهامسكينه ومتغربه..طيب على الاقل تشتغل موتاخد راتب بدون مقابل.. عموما...لاتستبعدين انهاتكون مسويه شي لام زوجك عشان ماتشوف عيوبها |
أول شئ ، الشغالة بتونس أم زوجك .. أمي تتونس بالشغالات و تحبهم تقول مساكين و أكسب أجر فيهم ..
و تحكيلهم كل أسرارنا ،، هذا اللي تعبني مع شغالتي هنا لإنها كانت تشتغل عند أمي و صارت تدخل حالها في كل شئ.. المهم ، أم زوجك تراها ما تقصد .. ياما أمي خاصمتنا علشان خاطر عيون الشغالة و هذا و نحن بناتها :) فدام إنه أم زوجك طيييييبة ،، اجلسي معها و تقهوي و تكلمي معها أحسن .. لا تخلي شغالة تكون السبب في زرع النميمة ما بينكم .. و الشغالة اعتبريها شغالة أم زوجك ،، لا تحطي نقرك من نقرها .. و سنها كبير ترى ،، و ليس منا من من لا يجل كبيرنا و لا يرحم صغيرنا .. خذيها من ذا الباب .. :) صح إنها شغالة و تاخد فلوس .. بس دام أم زوجك مرتاحة معها خلاص خلوها لا تدخلوا حالكم فيها .. يعني ما اتخيل بيوم إني أكبر و ولدي يتزوج و حرمته تتدخل في الشغالة اللي أرتاح لها .. إنت ما ترضيها على نفسك .. و هي شغالة ، لكن أمك يمكن تعتبرها من باب الصدقة و مساعدة لها ..؟؟؟؟ شغالتي مثلا أنا ماني بحاجة لها دحين .. لكن تاركتها لحد ما تقول خلاص أبغى أسافر .. أقول بداخلي مسكينة يمكن تبغى تجمع كم قرش علشان أهلها .. و وقت ما تبغى تسافر أسفرها .. |
يعني يا أختي اذا زوجك هاوش أمه أو صارخ عليها بتعتبرينه هنا سند لك؟؟؟و بياخذ لك حقك؟؟؟
لا حول ولا قوة الا بالله.. |
اقتباس:
هلا والله اختي .. المشكلة ام زوجي تحس انها ماتقصر ابد .. اقول لها ايش تسوي في البيت تقول تصلح لي القهوة والشاهي !! طيب كل الشغالات يسوون كذا ... تقول لا .. ولما تشتهي حضرتها اي شغله من برا لازم نجيبها لدرجة لما نكون طالعين في اي مكان نرجع بدري عشان طلبات حضرة الشغاله من المطاعم :29::29: المشكلة ام زوجي مستحييييييل تقبل فيها كلمة كيف لو نقول لها خلينا نقرا عليك يمكن مسوية لك حاجة !!من سابع المستحيلات ياحبي لك اسع اسعدني مرورك |
اقتباس:
انا عارفة انها تونسها ولنها تحبها اوكي بس مو لدرجة ماتسوي شي !! لو تشوفين وزنها قد ايش زايد من اول ماجت عندهم كله من عدم الشغل يمكن وزنها بدون مبالغة 90 كيلو !! والله لو تبي اعطيها كل رواتبها مقدما وتروح واجيب وحدة اسنع منها بس الشكوى لله !!:(:( وبعدين انا ماتدخلت في شغلها كل مصايبها متحملتها لكن مو لدرجة تقعد تتبلى فيني وتقول فلانه قالت لي كلام ومدري ايش !!! دعواتكم لي ياقمورات :rolleyes::rolleyes: |
اقتباس:
يااخي الكريم انا ماقلت هذا الشي ولا تربيت عليه والحمد لله .. انا كل نقاشي مع زوجي علشان الشغاله مو عشان امه ... انا اقول له ليش لما امك قالت لك هالكلام وانا غير موجودة ليش ماناديت الشغاله وقلت لها ايش صاير عشلان تروحين تبكين وتشكين لامي ؟؟ وخصوصا الموقف صاير قدامه فعارف اني ماغلطت هي غرفتها جنب الصاله يعني تشوف كيف زوجي مايقدر يقول لها اي كلمة فتزيد حركاتها البايخة .. انت لما السواق يغلط على زوجتك ويتكلم عليها ويجي عندك ويتكلم كذب عليها ...ماراح تعصب عليه ولا راح تسكت له؟؟ اقل شي راح تتاكد من زوجتك اذا كلامه صح او لا ؟؟ لكن خالتي قاعدة تغلط علي وهي ماتدري ايش السالفة بس عشان فلانه قامت تبكي تصييييييييير مظلومة !!!! مشكور على مرورك |
اقتباس:
أولا أختي أشكرك لتحمل ردي القاسي بعض الشي وأنا متعمد لأن كل شي ولا الأم سوى لأنها أم, ثانيا نقاشك كان رائع مع زوجك بهذا الرد الذي تفضلتي فيه وأتوقع انه هو الأسلوب الأمثل,فماذا كان رد زوجك؟؟؟؟ |
حياك ِالله أختي الكريمه ..
مثل ما قالت الأخت روح الطير .. أكيد الشغاله هاذي راعية سوالف مع العجوز .. وتطبخ لها أكيد .. لذلك ما تبي أحد يزعلها .. لاتنسي أمر قد يكون خوف خالتكي من الشغاله أقصد احترامها الزائد لها هو خوفاً من الخادمة نفسها فقد تظن أنها إن غضبت فلربما وضعت في الأكل شئ ..!! عموماً أختي الفاضله .. أرجو أن تجلسي مع الزوج وتتناقشوا بأمر هذه الخادمة وأنه لابد من تسفيرها حتى ولو وصل الأمر الى أن لاتعلم الخادمة بذلك ولو على سبيل أنكم أعطيتموها إجازة ولو عرفت في المطار ( بالطقاق..) .. وإن كان زوجكِ لا يستطيع التأثير على أمه فوسطوا أخواته .. حدثوهم عن أهمالها للبيت .. فليس من المعقول أن تحضروا عامله بالساعات لأجل التنظيف والمحروسه ترزز بالبيت ..!! حين ذلك قد تقتنع الأم بهذا وتنتهي المشاكل بمغادرة هذه الخادمة أرض البيت .. وفقك ِالله . |
فهمت عليك من ردك دحين أكثر ..
صح كان المفروض زوجك يعاتب الشغالة ،، بس يمكن هو ما يبغى يدخل نفسه بينكم.. الأفضل إنك إذا جلستي عند أم زوجك و خاصة إنها تعزك ،، إذا جات الشغالة تقومي تسألي الشغالة قدام أم زوجك صح أنا كذا عملت فيك ؟؟؟؟ ليه طيب تكذبي علي ..؟؟؟ بأسلوب تريقة و ضحك علشان أم زوجك ما ترضى أحد يزعل شغالتها أخاف تسفروا الشغالة تقوم أم زوجك تكتئب و تحط حرتها فيكم .. فحر الشغالة و لا حر أم زوجك :) |
| الساعة الآن 08:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©