|
الشغاله سرقت منا 5500 ريال حسبي الله عليها
انا كنت حاطه فلوس بيت اهلي 3500 ريال
كنت مديونه من امي 5000 وجمعت المبلغ السابق على اساس اكمله ب1500 واعطيه امي وسرقت منهم 2500 ريال وخلت مشكوره الف اختى مجمعه فلوس الجمعيه 2500 خذتهم كلهم وبنت اختي عندها بالبوك 600 ريال اخذت منهم 500 ريال بكذا صفت على 5500 ريال انا والله جن جنوني لدرجه اني بكيت والا خلاني اروح اشوف الفلوس انا اول وحده بنت اختي فقدت ال500 بعدها رحت اشوف فلوسي وافقد انا 2500 دقينا على اختي وسألنها اذا فيه فلوس عندها ببيت اهلي وتقول فيه فلوس الجمعيه 2500 ونروح اندورهم بالدرج ومانشوف شيئ وهي المتواجده غالبا بيت اهلي ... الى عنده حل لا يبخل والله انجن جنونا كلنا ... ولما كلمنها انا ما اخذت انا مافيه ... |
لا حول ولا قوة إلا بالله
هند فتشوها وفتشو أغراضها ...المطبخ او الحمام الله يعزك ارفعي غطا السيفون ....وحدة صديقتي بالصدفة لقيت خاتمها فيه دوري في المطبخ وفي القدور وعلب كريماتها ....لا تخلو مكان ولا تختلط بشغالات غيرها عشان ما تخبيها عندهم ترى يعاونو بعضهم حسبي الله ونعم الوكيل الله يرد ضالتكم ياحي ياقيوم |
حسبي الله عليها ونعم الوكييل لازم وضروري تفتشونها
وزي ماقااالت اختي عبير الورد لاتختلط باي شغاااله وحاااولوا ترااقبوها واغرااضكم المهمه انتبهوا لها لاتخلوون شغالتكم تعرف وين مكااانها اسمها شغاااله حدها للتنظيف وبس اذا انتم شااكين فيها قولوا لها ترا ماااراح نعطيك راتبك الين تطلعيين الفلوس الي عندك وبنوديك للشرطه بياخذون بصماتك وبيحبسونك وبيقطعوون يدك اذا مطلعتيها وبيسجنونك وحااولوا انكم تنتبهوون منها اذا هذي افعاالها عيني عينك والله يعينكم والله الشغاالات مامنهم الاالمشاااكل بس الله يعين ع هذي الدنيا |
أختي هند
اضطريت اسجل دخول علشان موضوعك .. و علشان الضعيفة اللي مالها حول و لا قوة حبيبتي .. معليه سؤال ، على أي أساس اتهمتوا الشغالة ؟؟؟؟؟؟؟؟ شفتوها بعينكم ؟ و لا علشانها الضعيفة الوحيدة في البيت اللي مالها سلطة على أحد ؟؟؟؟؟ إذا انها بتسرقها كنتوا راح تلقوها جالسة لحد دحين في البيت و لا كانت هربت ؟؟؟؟؟؟؟ 5500 تغنيها 6 أشهر .. ايش يجلسها ..؟؟؟؟؟ قرينا قبل كم شهر موضوع هنا إنه وحدة راحت بيت اخوها الكبير و سرقت من بيته مبلغ كبيييير و ندمانة دحين هل الأخ شك في اخته ؟؟؟؟؟؟؟ مستحيل يشك في اخته لإنها اخته .. نفس الشئ ، ما أبغى اشكك في أحد من الأهل ،، لكن الشيطان شاطر .. و إذا الشغالة عندها شيطان ، فكلنا عندنا شياطين ،، نحن مو ملائكة .. شوفي و تبيني من أي أحد اخر غيرها مو لازم تسلطوا كل العيون و التهم عليها .. و معليه لا تحسبيني اعارضك .. لكن خايفة عليك من ظلم الناس و من المقولة هذه .. ( اذا دعتك قدرتك على ظلم الناس فتذكر قدرة الله عليك ) لإنه قبل كذا انسرق مني مبلغ في البيت و عندي شغالة ،، و ما أكذب عليك نفسي قالتلي يمكن هي ؟؟؟ لكن ماعندي شئ يقين يقول انه هي حتى يوم اني سألتها راعيت مشاعرها و ما اتهمتها ،، قلت لها كان هنا فيه فلوس ماشفتيه ؟؟؟ و قلت لها دوري معاي .. المهم ،، راعوا انها انسانة جاية علشان تجمع فلوس من راتبها و تغربت علشان الشئ هذا فلا تخلوا التهم كلها عليها لإنها لو كانت مظلومة ،، فربي راح ياخد حقها منكم و لو كانت صح انها سرقت ،، فممكن تتأكدوا قبل لا تتهموها و بطريقة ما تحس فيها لكن ما تظلموها و تتهموها و انتوا ماعندكم دليل غير انها ( شغالة ) و تحياتي |
روح الطير لا تجنيني حتى ما قدرت اكمل ردك
ترى فلوسي موجودين من زمان من مده ثلاث سنوات بالدولاب ولا نباقو الا لما جابتها اختي يوم الاربعاء بالليل ويوم الخميس فقدناهم اختي فلوس الجمعيه دائما بالدرج موجودين وما نباقو ليه يوم صارت موجوده انباقو يعني معقوله جا هندي ودخل البيت واخذهم من بيت عالم اهلي هي بالذات تواجدها مو دائم ببيت اهلي بس ايام يعني بأمكانها تاخذهم وتحفظهم بيت اختى الى لما تسافر ياجماعه الحمد لله ان ربي ستر انا كنت رايحه مكه وحاطه ذهبي بنفس الدولاب ذهبي يقدر ب60 الف ريال زين مانباق وبعد كنت حاطه فلوس لي تقدر ب3700 ريال غير الذهب كنت حاطتهم بشنطه يمكن تكون ما نتبهت لهم الله ستر الي خلاني نأكد الشيئ عليها انا لما جات اختي تكلمها اختي غلطت قالت لها ترى احنا فقدنا فلوس وذهب اختي ضنت او نست ان ذهبي انباق على طول قالت لالا انا والله ما فيه ياخذ ذهب يعني بالله عليكم ليه انكرت في البدايه الذهب ما انكرت الفلوس ورغم انا كلنا كنا نكلمها ولا دمعه وخوف وجيبو شرطه فتشوني ليه ما خافت على الاقل يارب هالفلوس جات من مصدر حلال يارب افضحها واخرج فلوسنا منها يارب |
هل هي بتسافر قريب ثم مثل ما قالت الأخت روح الطير حطي احتمالك بأشخاص ثانيين لا تستغربين بمن هم أقرب منك يأخذ مثل هذا المبلغ والله يحفظ لك أموالكم ويردها إليكم عزوبي بس رجل |
ايه هي قربت تسافر عشان كذا بدأت تلم شملها وتجمع فلوس من غيرها
الله المستعان .... |
احتمال أن تكون الشغالة .. مع الملاحظة أو رفع البصمات ممكن يظهر السارق ..
اما إحتمال ان يكون شخص آخر فهذا وارد .. فاذا كان شخص من داخل البيت من قام بهذه السرقة .. فتدبيره جاء محكماً مع قدوم الشغالة ! ليلبسها القضية ! وليوهم انها من فعلت ذلك !! يبقى الإحتمال وارد .. وأظن ان رفع البصمات هي الكفيل بالكشف عن الفاعل الحقيقي .. اسال الله ان يرد اموالكم اليكم في القريب العاجل ... |
الله يعينك الخدامه مثل نصيب انتي وحظك،،،من فتره بسيطه خدمتنا سرقت مية درهم ابوي كان حاططها على التسريحه وكانت سارقة من شهر ألف درهم من امي، ولما وجهتها نفت ويلست اتصرخ وكانها برئيه بالرغم انه خدامنا الثانه فتنت عليها انها تسرق بطايق الهاتف ومصروفي،،،وثاني يوم هربت،،،حسبي الله عليها حسستني اني ظلمتها والله حزنت فترة اكثر من اسبوعين:21: لاني كنت اظن اني ظلمتها والجمعه اللي فات فضحتها خدامت اختي انها فعلا سرقت الالف من امي وشرت موبايل:29:،،،،الخلاصه انه اتحذري منهنم لان كيدهم عظيم. |
حسبي الله على الشغالات من جد مشاكلهم اكثر من راحتهم اللي تيجيكي سراقة او ساحرة او او او والله العظيم اكرهم مووووت بكل الجنسيات الا من رحم ربي بالنسبة لمشكلتك اختي خوفي الشغالة في يوم وقوليلها قومي البسي علشان نروح للشرطة وانتي البسي واحبكي الامر وخيريها نروح او اكلم الشرطة تيجي تاخد بصماتك هنا علشان نعرف ايش سرقتي كمان وشوفي ممكن تنفع اما فكرت ان يكون من اهل البيت مااعتقد معلش سؤال هل في احد غير والدتك ووالدك في المنزل والله يردلك ضالتك
|
| الساعة الآن 02:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©