|
قدمت تنازلات وتضحيات كثير لأجلها ، ابي حل لمشكلتي
بسم الله الرحمن الرحيم والصلاه والسلام على اشرف الا نبياء والمرسلي في موضوعي هذا بطلب من الله ثم منكم مساعدتي لحل هذه المشكله التي دمرت حياتي انا شخص متزوج منذ خمس سنوات وعندي طفلين ولد وبنت الله يصلحهم ويسترعليهم ؛ مشكلتي بدت مع زوجتي من اول يوم بحياتي وهي ايام الملكه فكنت اتصل بها واحاول التقرب منها ولاكنها كانت نادر ماترد او تتصل فيني بعد ماتشوف المكالمه وكان العذر هوانا مشغوله وماشفته ،وبعد ماقربت ليله الدخله قررت ارتب سفره لشهر العسل وكانت تقولي اختي تقول روحي الباريس اوروحي الي ايطالي لازم تغيرين جوك وتشوفين دنيا ثانيه ولما قلتلها وانتي وش رايك قالت مدرى بس اختي قدراحت سكت وقلت نشوف وبعد ذالك رحت ورتبت رحله مره حلوه الي ماليزيا وتايلند والقاهر وقلت واستمر شهر العسل خمسه واربعين يوم وبعدها جاء يوم الشبكه وكنت مجهز صندوق فخم للشبكه من تصميمي وبنفس الوان الفستان وكنت انا الي مسويه بيدي وفي نفس اليوم تتصل وتقولي غير الطقم اختي تقول صغير وانا كنت عارف انه صغير بس هو الي كان مناسب لها بحكم جسمها النحيل والقصير وبحكم انه موديل جديد وروعه في تصميمه ومناسب للفستان والصندوق فلما سئلتها قالت لي خلاص جب غيره انا موفاضيه عندي الكوافيره اهنت احساسي ورحت وغيرت الطقم الي خرب كل لمسات الصندوق وقلت عادي فرحانه هي بشبكتها وتبي تحس انها مختاره الشي المناسب وبعد ها بدا الحفل ودخلنا لتصوير وانا متحمس وطاير من الفرح وبعدماخلصت تصوير قالت بنزل عند صديقاتي حاولت اجلس معها ورفضت وقالت اخاف يزعلون على بروح وبجيك وجلست انتظرالى ان اتصلت اختهاوقالت تراها مره تعبانه وبتنام وانا جالس انتظرحتى العشاء ماتعشيت رحت للبيت انتظر اتصالها ولاكن مااتصلت قلت مافيه مشكله بكره تتغير وانا بداخلي كليوم يموت نبض قلبي وتحترق انفاسي والفتره بين الشبكه والزواج كانت نفس الوضع ولاكن بصوره ابشع لا اتصال ولا حتى رساله غرام ولا رد انتهي الزواجوسافرنا وبدت المعاناه الاخرى ليه لبسك كذا ليه تمسك الشوكه بيدك اليمين انت ماعندك برستيج انت قروي مع العلم انها ماعمرها سافرت ابد هذي اول مره وانا تقريبن سافرت الي اكثر من عشرين دوله قلت عادي يمكن تبي تجس نبظي وتتعرف على شخصيتي واستمر شهر العسل على هذه الحاله نقد وتشره وزعل وتطنيش وبعدها رجعنا وكنت فرحان ومندفع واستمرالنقد والزعل والتشره عدم الاهتمام والتطنيش والخروج الي بيت اهلها وارجع اراضيها مع انها هي الغلطانه واقول عادي توها واستمر الوضع حتى انها في الفراش لاتستطيع التفاعل معي ولا تلبس ماهوجميل ومغري لكي احس بشي من الاهتمام وكنت من المحبين لرومنسيه الجنس ولاكن هي ماتعطيني فرصه وتقول اكرهها وبدات في التطور السلبي الخاطي الى ان وصلنا بعد خمسه اشهر الي بجامه ونوم مع الاستمرار في النقد والزعل والتشره والتحطيم وبعدها صبرت وكنت اقول بتتغير ولمى رزقت في المولود الاول كنت مره فرحان وخليتها تولد في مستشفى خاص وعلى احسابي عشان تكون مرتاحه والي يزورونها يرتاحون وشي من التدليع وجبت طقم مجوهرات بعد اليوم الخامس عشر كهديه وتكون هي المصيبه تفك الهديه وترميها على الطاوله وتسولف ابي اسافر وابي وبعدها تناديها اختها وتدخل لها والهديه مرميه وتنساني الى ان استحيت مع شويه تحطيم على قهر على اهانه واستمرت وانا مستمر في التدليع واذا غلطت رحت وجبتها حتى من المصايب جبت شغاله وكانت تتضايق من اختها عشانها شريه وطلعت من البيت وتركت الشغاله وجلست اسبوع ماترد وانا محرق نفسي اتصالات وروحه وجيه لهلها ابي اعرف المشكله وتتصل علي اختها وتقولي روح الشغاله اختي ماراح تجي الين تروحها وروح الشغاله واجيبها البيت وبعدها اجلس ابحث عن خادمه مواقته بشهر عشان ماتتعب واستمر الوضع تزعل بدون سبب وتخرج من البيت وكان خروجها بمساعده امها واختها الى ان انتهت لامور الى ان وصلت حد الياس وعدم القدره على العطاء وبديت احس انه مستحيل يعجبها شي وبعدها جاالمولود الثاني والوضع تطور لاني صرت مااهتم في شي اهم شي ماتسوى مشكله وفي الاخير صارت تقولي اني مااحترمها ولا اخترم اهلها انت شرير انت عصبي انت وانت مطنشني وانت ماتحبني وانت ماتحس فيني واناني وراحت والان لها شهر حتى ماترد علي وحاولت اعرف السبب وقابلت اخوه الي جاني وهو مشحون وصاير مثل اخته وهجم على مثل الوحش في الكلام وقالي اختي مريضه منك ومن تعاملك ورحت اشتريت لها خاتم عشان كانت مريضه ورحت ووديته الى اهلها وطلعت اخوها الصغير وخذاه ودخل وسكر الباب وحاولت اتطمن عليها وماقدرت مع العلم اني ضحيت بمالي ووقتي ونفسي وعمري عشانها وكنت احاول بقدر الامكان مساعدتهم حتى ابوها قبل وفاته كنت اجلس عنده اكثر من عياله ومع العلم اني اخذتها وهي تدرس وماكنت اطلب منها اي شي تسويه الدرجه كنت انا الي اطبخ واغسل المواعين والملابس وارتب البيت عشان دراستها وتخرجت بتفوق وغير كذا هي تفقد الرمنسيه غير اجتماعيه وماتحب المزح وتفهمه غلط وتبي الكل يسئل عنها وهي ماتسئل واخوانها وابوها كذالك عيله منعزله ويرون انهم الصح واصحاب الحق في كل شي والمشكله ان سبب خروجها من البيت المره هذي هواني مارديت عليها كنت مشغول وراحت وجابت وحطت الاخطاء والسلبيات فيني حتى اغلاطها نسبتهالي المهم انا فيه كثير اعطوني حلول وهي 1=ناس قالولي طلقها 2=ناس قالو لي علقها وتزوج ثانيه 3=وناس قالو لي طنشها وبترجع لك حاول تربيها انت الى خليتها كذا قدمت تنازلات وتضحيات وعشان كذا هي تسوي فيك كذ 4=وفيه ناس قالو لي خذ الاطفال وخلها تتعذب |
احنا سمعنا المشكلة عن طريقك .. ولكن مايصير نحكم على موقفها من مجرد كلامك
يمكن البنت يكون عندها أعذارها ؟ يمكن انت فيك صفات اهيه ماتحبها او اتسوي اشياء اتنفرها منك !! .. ( ابدأ ب نفسك أولاً ) ولكن إذا كانت المشكلة تفصيلياً مثل ماتقول .. زوجتك ضعيفة الشخصية وانته قدمت تنازلات وايد من البداية وعطيتها كل شي عندك من البداية ف ألحين ماعندك شي تعطيها إياه الحل من وجهة نظري .... كلمها أو طرش لها رسالة .. كلمها ب حزم ... خبرها إذا تبي ترجع و ب شروطك وتكون مره سنعة خير وإذا مو حابه ترجع وتكون خوش مره ، قول لها انك بتطلقها وبتتزوج عليها وعشان اتخوفها اكثر قول لها إنك احتمال تاخذ عيالك عندك |
إن كنت كما ذكرت.. فـ انا اقولك ارسل لها رساله وقول: يا بنت الناس انا شريتك لأخر لحظة.. ومستعد اسوي كل اللي تبينه.. لكن إذا تبين تبقين على هذا الحال .. خلاص ماعاد عندي أكثر من كذا..
وخلاص لا تدق ولا ترسل ولا شي أنتظر وش يجيك منها.. إذا ما في تقدم خلال الشهر روح كلم أحكم أخوانها وقوله يحل الموضوع بشكل جدي وحيادي وسريع.. |
[gdwl]شكلك مدلعها بالحيل انصحك أن تطنشها ولا تمشي وراءها بل تغل عليها وخلها هي التي تطلبك وتمشي وراءك
وذلك عن طريق تطنيشها كن قوي الشخصية ولا تكن كلما قالت لك شيء طرت في العجة بل كن رزين فبعض الحريم تحب كلمة لا من زوجها بكثرة ولقد ورد عن عمر بن الخطاب رضي الله عنه قوله أكثر من كلمة لا للنساء وورد قول أخر شاورهن وخالفوهن ليس كل الحريم يعملن معهن فبعضهن نساء رائعات خيرات لكن زوجك أصلحها الله واضح أنها متعاية عليك بسبب طيبتك الزائدة وانجرافك تلهث وراءها والواجب الرزانة والحزم أحينا معها كي تعرف قيمتك وقوامتك وعليك بالاستعانة بالدعاء أن يصلح الله أحوالكم ويهدي زوجك الى الطريق المستقيم[/gdwl] |
أخي الحبيب ..
للأسف الشديد لقد قدمت تنازلات .. ليس كذلك .. بل أعطيتها زمام الأمور .. وللأسف الشديد حين تتولى البيت إمرأة : - غير صالحه .. - متسلطه .. - مهمله .. - وراها عين قويه.. أخي الحبيب .. ماذا فعلت بنفسك .. ؟ بل ماذا بقي لك من صلاحيات كرجل وكرب أسرة .. و.. فما فعلته برأيي أنك أصبحت عبداً مطاعاً لسيدة تأمر بما لاتريد .. هات شغاله ..!! اطرد الشغاله .. !! هات هديه ..!! و.. الخ .. أخي الحبيب .. مهما يكن .. لدينا أمور يجب أن تقف عندها الزوجه ولا تتعدها .. ثم لا أعلم هل أنت متزوجها أم متزوج أختها .. كان يفترض حين تتصل بك تقول لو سمحتي أريد زوجتي تحادثني لا دخل لكِ أنتِ .. ساقول لك .. طبخك وتنظيفك للبيت والله لاغبار عليه حتى لايعتقد البعض أن هذا ما نرفزني بل بالعكس هذا أفضل ما قرأته من خلال عرض مشكلتك لأنك فعلت هذا وهو ما يُفترض أن تقوم هي به .. ولكن لتلك الظروف قمت أنت به وهذا يدل على احترامك وتقديرك ولكن للأسف الشديد هي ما قدرت ولا احترمت ما قدمته لها .. وغيره .. أخي هي فيما يبدو تثسيرها أختها ووالدتها .. افعلي ولا تفعلي .. اطلبي .. واتركي فالهدية التي ألقتها جانباً كانت دليلاً على أنها قوية أمام أختها .. وإلا هل يعقل هذا تصرف من زوجة تجاه زوجها .. عموماً أسأل الله أن يصلح حالك مع زوجتك .. ورأيي أن تتركها لدى أهلها .. مع المرور عليهم لمتابعة حال أبنائك ومشاهدتهم في آخر الإسبوع دون أن تطلب منهم أي أمر بخصوص الزوجه .. يعني بالعربي ( طنش ) !!! ولو استمر الوضع لشهرين وثلاثة .. حاول أن تصبر .. ارسل لزوجتك مصروف لأبنائك أنت تفرضه لا هي !! اسبوعياً أو شهرياً دون أن تطالب بأي أمر لا رجعه ولا غيرها للزوجه .. حتى وإن حدثك أحد من إخوانها أو هي أرسلت برسالة جوال أو ماشابه فقل ( أمر وانتهى ) .. بعدها ( شهرين -ثلاثة) إن صَلُح الحال فالحمد لله وإلا إن كنت مستطيع مادياً فتزوج وعشْ حياتكِ وابحث أرجوك عن ذات الدين والخُلق .. والله لن تندم إن وجدت ذات الدين لأنك مهما واجهت من صعوبات الحياة سحكمها تدينها وأخلاقها العاليه . العذر والسموحه منك للإطالة وإن كان في ردي بعض العنف لأني صراحة قرأت ما نرفزني .. أحسُّ أنك فعلت من أيام الخطبة الى ذهابها الى أهلها أمور كثيرة وتنازلات جداً كثيرة. |
أخي الفاضل
ما قصروا الإخوان بالردود بس حبيت أقولك إنت جربت حكم من أهلها لما جاء أخوها جرب حكم من أهلك وأي مره نروح بيت أهلها لا ترجعها طالما إنت ما وديتها بل بالعكس خليها وإسأل عن أولادك وأعطيها المصروف أمام أهلها الي إنت تشوفه مناسب لأن شكلها منساقه وراء أهلها وأكيد لو لقوا منك الحزم كل هذا راح يتغير ويحسبولك ألف حساب لأن إذا كان الي قلته صحيح ففعلك ما عليه غبار وبعض النساء للأسف ما يقدروا النعمه الله يوفقك |
المشكله فيكم انتو الاثنين .. لازم لكم تغيير SYSTEM من اول و جديد
انت هيّن ليّن و متهاون كثير في حقوقك و هي دلوعه و ما عندها شخصيه كلمه توديها و كلمه تجيبها من اهلها .. بيتكم راح ينهدم اذا ما تروحون لمختص في العلاقات الزوجيه ... حتى لو تزوجت من امرأه اخرى فان اسلوبك في التعامل مع الزوجه لازم يكون متوازن لا افراط و لا تفريط .. لا تكن لين فتعصر و قاسي فتكسر .. اختي انت محتاج انك تتثقف اكثر في امور العلاقه الزوجيه لازم تعرف اكثر ما هي حقوقك و ما هي واجباتك متى تقول نعم و متى تقول لا .. اجلس مع نفسك و شف وين الغلط في تعاملك مع زوجتك .. وين الغلط و الخلل في اسلوبك انت ... اترك زوجتك في بيت اهلها دام انها خرجت بدون اذنك و بدون رضاك و لا تتتصل و لاتسأل لحد ما تفكر بكل هدوء كيف راح تتصرف مع زوجتك و تضع لك استراتيجيه جديده في التعامل معها ... ان الله لا يغير ما بقوم حتى يغيروا ما بأنفسهم .. |
سبحان الله الي مسخرك لها
ما شاء الله تبارك الله |
اخي الكريم في مثل لا تكن صلبا فتكسر و لا لينا فتعصر و انت الشطر الثاني من المثل .. لازم تتكلم معها بصراحة اما تحترمك و تعاملك على انك زوجها او كل واحد يشوف طريقه و شوف اجابتها
|
شوف أخوي أن كان كل ماكتبته هو الحقيقة بعينها فاسمحلي أقولك إنك إنسان ضعيف الشخصية وأنت المتسبب أولاً وأخيراً في جميع ماحصل , وبصراحة زوجة تفعل كل الذي قلته لاتستحق أن يضحي أحد من أجلها .
فنصيحتي لك حاول في البداية أن تشرح لها جميع تضحياتك وتنازلاتك السابقة معها وأنها لم تبادلك نفس التضحيات وحاول إفهامها أنك لاتسطيع الصبر أكثر مما سبق , أن رجعت وتعدل وضعها فخيرٌ وحسن , مانفع هددها بالطلاق وانك سوف تتزوج ثانية , مانفع علقها وإنساها ولو لمدة طويلة , مانفع معها فاسمحلي بهذه العبارة " أن زوجتك لاتستحق أن تبقى معاها ولو ليوم واحد لأنها بايعتك رغم إنك شاريها " . وفي الأخير لمست حاجة من كلامك وهو أن أُخت زوجتك لها دور كبير في سلوكيات زوجتك فأنصحك أن تنتبه لهذه النقطة فقد يكون في حلها سبباً لرجوع زوجتك لجادة الصواب . تقبل تحياتي |
| الساعة الآن 01:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©