|
شوفوا زوجي كيف عوضني عن صبري معه
السلام عليكم
والله ياأخوات إني من زمان أشوف مشاكلكم وحاسة فيكم واليوم عندي مشكلة ولازم تنصحوني ماراح أكثر تفاصيل بجيب المهم لان قصتي مع زوجي واهلة طوووووووووووووووووووووووويلة وتعور القلب المهم أنا تزوجت وعمري 20وزوجي أكبر مني ب3شهور وكان وقتها طالب في الجامعه ولانه وحيد أهله سكنا مع أهله وبهذلوني وجننوني وسببوا لي إكتئاب من تعاملهم معي وتحكمهم في كل حياتنا وماراح أقول تفاصيل والله لو تعرفون ماحتقدروا تمسكوا أنفسكم بتقولوا وين كرامتك كنت خداامة لهم مع إن أمه لسه صغيرة وأخته أصغر مني بسنتين المهم زوجي كان محسسني إنه مايبغاني بالرغم إنه تزوجني عن حب وصبرت معه ترك الدراسه وتوظف وطلعنا بيت لحالنا ومرضت بعدها مرض شديد ووقف معي وابعد أهله عني وبدأت حيانتا تستقر وعندنا طفلين ولكن نفس المشكله زوجي ماهو طبيعي أحسه مايرغب فيني ودايما أستغرب ماهو مثل الرجال وأنا متأكدة إنه يحبني بس العلاقة الخاصه ماهي مهمة عنده وصبرت وعاادي ولكن تخيلوا صار من فترة لفترة يقول لي يابنت الناس أنا ماأقدر أسعدك وهذا إلي عندي تبغي تروحي لأهلك وأوعدك ماأخذ عيالك منك وهو يقول هذا الكلام لان عليه ديون ومقصر مرة معي حتى أثاث البيت يفشل والمصروف بالقلم والورقة وهذا كله عادي عندي بس هو مايسولف معي ولايسمع كلامي ولايلبي طلباتي وهو بصراحه متضايق لان فيه أشياء راحت ولانقدر نرجعها مثل أيام الملكة والدخله وشهر العسل كلها حرمني منها بسبب أهله ماكان يكلمني ولاعمره حسسني بفرحه إني عروس وشهر العسل مافيه حتى من ثاني يوم من زواجنا وأهله معنا بنفس السيارة ممنوع أروح معه لوحدي حتى المستشفى وصبرت ياناس والله العظيم لو أقولكم وش سووا فيني ماتتحملوا وهو يقول مايقدر يعوضني فرحه العمر إلي أنحرمنا منها سوابس هو يقدر يتزوج غيري ويعيش فرحه العمر مرة ثانيه بس أناالي راح مني موشويه أربع سنوات أقسم بالله ماعرفت حتى أضحك من قلبي لايروح فكركم بعيد أنا لله الحمد جميله ونظيفة وكشخه وزوجي ماعنده علاقات بطاله ولايكلم بنات بس اهله دمروا حياته يقول كانوا يخوفونه لو عاملني بالطيب اتفرعن عليه بالله عليكم شوروا علي وش أسوي أنا نفسي مقهورة والله البنات لما يتزوجوا يبعدوا عني تخاف الوحدة تجي تسولف لي عن أشياء ماعشتها والله إني ماأكذب وإن عندي أشياء ماقلتها أفضع زوجي طيب ويخاف الله ومستقيم وخلاص أبو عيالي وأنا لايمكن أقدم سعادتي على سعادتهم وش أسوي وكيف أحل مشكلتي نفسي أحس لو مرة إني مثل أي بنت طول عمري كنت متميزة مع أهلي بس يوم تزوجت صرت قصة على كل لسان وصرت أغار من كل إلي أشوفهم بس حسبي الله ونعم الوكيل على من كان السبب في تعاستي والله لايسامحه أنتظر ردودكم تكفون حسوا فيني ولاتتركوني عسى الله يسخر لكم أزواجكم ويسعدكم |
ما أقووووووووووووووول إلا الله يسخره لك
و يعطيك خيرهـ و يسعدك سعادة ليس بعدها شقاء ,,, آمين |
لاحول ولا قوة الا بالله
انا اعانى من مشكلة اهل زوجى مثلك ، بس مشكلتى انهم ياخذوا اراتب زوجى ويتركنى اصرف انا على البيت براتبي انا لا وبعد جالسين انا وهو وبنتى ببيت اهلى ، الحمد لله ، الله يسخره لى انا والله تعبانة ، حصلت مشادة بينى وبين زوجى اليوم وترك البيت وطلع وما اقول غير حسبي الله ونعم الوكيل هل هذا عدل ؟ اللهم انى عبدك بينى عبدك بنى امتك ناصيتى بيدك ماضى قيا حكمك عدل فيا قضائك اسألك بكل اسم هو لك سميت به نفسك او انزلته فى تابك او علمته احد من خلقك ان تجعل القران العظيم ربيع قلبى ونور صدرى وجلاء حزنى وذهاب غمى وهمى عسى الله ان يفك ما نحن فيه |
الله يفرج همك يااختي حاسه فيكي لاني مثلك ما حسيت باي نوع من السعاده لكن الحمد الله على كل حال الله يسعدك ويسعدني سعادة لا نشقى بعده ابدا الله كريم عسى الله يعوض صبرنا خير
|
ياجنوبية عزيزتي اكثري من الدعاء والاستغفار وادفعي بالتي هي احسن فربي راح يبدل حالك من حال لحال
واقرئ سورة لبقرة وعند احساسك بالحزن سورة يوسف واصبري بما انه طيب ويخاف الله وان شاء الله بداية الفرج بما انكم خرجتم من عند اهله واكثري من سبحان الله ، الحمدلله، لا اله الا الله، والله اكبر فهذه لها سر عجيب بإذن الله فأعطي الله مايحب فيعطيك ماتحبين موفقه اختي |
عيوني عليكِ
بأربعه أشياء لو تعمليها يمكن ترتاحي من الهم والغم 1_ الدعاء ...بالذات في السجود .وتحري أوقات الإجابه وأكثري من البكاء وقت الدعاء والتذلل لله عزوجل 2_ الإستغفار...خليه بلسانك على طووول 3 _ كثرة الصلاه على الحبيب محمد صلى الله عليه وسلم 4_ قول لاحول ولاقوة إلآبالله فهي كنز من كنوز الجنه حبيبتي أنا كنت مثل أعاني من مشاكل كنت أحسب إنو مافي لها حل بهالدنيا لكن ربنا ألهمني وكنت أعمل هدول الأربعه بالذات الإستغفار فلاتعلمي قد تكوني أذنبتي بينك وبين الله بذنب فبلاكِ بما تعاني منه ولاتنسي قول لاإله إلآأنت سبحانك إني كنت من الظالمين وكذلك دعاء الكرب والهم والغم |
الله يعجل بازالة همك حيبتي
|
انا حاسة ان المشكلة ماهي من اهل زوجك لانك صابرة عليهم قبل اما يوم وصلت المشكلة لزوجك ما قدرتي تصبرين يوم حسيتي ان زوجك مرخصك حسيتي بالظلم اذا كلامي صح او خطأ ردي علي لاني انا نفس احساسك بس مشكلتي مختلفة مع دعائي لي ولك بتسخير ازواجنا
|
أسأل الله أن يفرج همك ، وأن يصلح حال زوجك معك ..
مشكلتك أختي الكريمة تنقسم إلى شطرين .. فالشطر الأول تخلصنا منه وهو استقلالكم عن أهله .. وبقي الشطر الثاني وهو عدم رغبة زوجك بالعلاقة .. تأكدي أختي الفاضلة أن زوجك لا يعي ما يقول حين يخيرك بين الاستمرار أو الانفصال .. فقط هو تعبير وتنفيس عما يشعر به من ضيق وكمد فهو يرى أنه لا يقوم بحقك كما يجب ، لذا أراد أن يتخلص من شعور تأنيب الضمير بهذه العبارات .. وذكرت أنه يمر بضائقة مالية ولأجل ذلك أيضا يلجأ إلى مثل هذا الكلام ليهرب من واقعه ويحاول أن يتخلص من عبء المسئولية حتى لو بمجرد الكلام فقط ..! فلا تحملي كلامه محمل الجد ، فلا أظنه صادقا فيما يقول ..! أختي الكريمة .. ساعدي زوجك في التخلص مما يعانيه .. توددي له ، شاركيه المسئولية والأعباء .. ولو قال بأنه يود الاستغناء عنك فابكي أمامه وارتمي في أحضانه وعبري عن حبك له وعدم قدرتك على التخلي عنه .. أختي الكريمة .. قد صبرت فيما مضى ، فاصبري فيما هو آت ، عسى الله أن يعجل بالفرج ، وأن يهدي زوجك ويصلحه .. وعليك بما ذكره لك الإخوة من الاستغفار والتقرب إلى الله .. فرج الله همك أختي الكريمة .. |
الله يفرج همي وهمك عزيزتي ... اكثري ن الدعاء والاستغفار اختي .. غالباًتلقي زوجة الابن عدوه لبعض الاهالي مدري ليش ؟؟ لكن حبيبتي انسي الماضي ولاتقولي فلانه احسن وفلانه احسن حاولي تسعدي نفسك وترضي بماقسمه الله لك .. لان من راقب الناس مات هماً.. وزوجك لاتحاولي تحسسيه بأي نقص خصوصاً في العلاقه الخاصه بينكم لأن الرجل لما يحس ان الزوجه تتضايق او مايشبعها غالبأ مايكره حياته معاها ويبين لها انه مايبيها ؟؟ فحذاري تخربي حياتك بسؤ تصرف ( قيميه ولاتعيبيه في علاقتكم الخاصه ).. تحياتي |
| الساعة الآن 08:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©