هل أتبع قلبي أم أترك هذا الموضوع للأهل
 

الله يووووووفقك

تووك على التفكير بهالامور

عيش عمرك)

تدري عبد المحسن ابتسمت اول ماقريت مشاركتك تدري ليش ؟ لأن اخوي نفسك يخطط لمستقبله من الحين لكن اهوه اصغر منك بسنتين يعني عمره 12 لكن مخه كبير وسابق بتفكيره والمصيبة انه ساقط هالسنه يعني باختصار عايش بالخيال,,, فانت خطط لمستقبلك على كيفك لكن بشرط تكون ناجح بدراستك بعدين موبنت خالتك راح تتمناك كل بنات الحارة راح يركضون وراك,, كلامي هذا مونصايح على الفاضي صدقني دراستك بعد الله ورضا والديك اهم شي. بعدين حلو انك تفكر بالاستقرار وتخطط له هذا يعني انك عاقل وناضج واكبر من عمرك ماشاء الله لكن كل شي بوقته حلو,, وبخصوص بنت خالتك كلم امك خل تضبطك مع اختها ولاتوصي حريص اذا كنت خلوق ومتميز بدراستك صدقني هم اللي راح يفكروا فيك ويحرصون عليك .. واوصيك على اهم شي الصلاة في وقتها وشوف الدنيا شلون راح تنفتح لك بإذن الله .

^^

صراحة أنا خلوق وأحترم وأقدر , لكن فيني بعض الطيشة , مازلت صغير وأحاول أعيش الحياة بالمرح

لكن الدراسة , الحمد لله متوفق

اخوي عجبني كلامك صراحه
لكن من رئي تبدء التفكير با الموضوع بعد 6 سنين
وشوف هل الحب يبقى ولا يمووت
^_^

:-) فعلاً يمكن موضوعك هو الموضوع الوحيد بين كل هَـ المواضيع

اللي من قريته ابتسمت ..

^_^ ، مثل ما قالوا لك اللي قبلي ..

أول شي إلتزم ب صلاتك ولازم ترضي والدينك وقبلها ترضي ربك وتتفوق ب دراستك وتكون رجل ناجح

;) وساعتها حتى آآنه راح اتمنى تكون عندي بنووته حلووه عشان انت تتزوجها

ويمكن بعد 10 سنوات حتى إن تتغير مشاعرك ووقتها تبي تتزوج أحسن وحده ب الدنيا

بس ترى ربك ثم والدينك ثم دراستك هَـ الله هَـ الله فيهم

لا تعيش ب الخيال وايد عشان تقدر تتطور في أرض الواقع .. وتكون ريال وقدها وقدود

فديتك والله :-)

حيا الله ولدي عبدالمحسن ..

ماشاء الله عليك .. صرت رجال وتفكر بالزواج .. !

أنا قبل سنين كنت زيك بنفس العمر أو أقل بسنة .. شفت بنت خالي وطار عقلي :d

وكانت تناظر لي بنظرات بريئه .. !

نلعب سوا.. !

قلت يومها خلاص أكيد البنت حبتني .. !

ماشفتها سنة كامله .. !

بعدها بسنة جت بس البنت كبرت .. قلت خلاص ياولد ..!!

حبيتها بجنون .. قلت لأمي اخطبوها لي .. عطتني أمي علقه على الرأس ..!:29:

قلت بعدك صغير ..!

عشت ودخلت جو ثاني .. الحب وختمت قصة قيس بن الملوح وليلي العامرية خمس مرات ..:30:

قلت أكيد أنا قيس وهي ليلى ..!!

راحت الأيام والسنين ودرات الدنيا دورتها .. ولاتزوجت بليلي ..

طارت ليلى :(.. وانتهى كل شيئ ..!

عموماً انصحك اترك عنك التفكير هذا .. لأنه قد يؤثر على مستقبلك الدراسي .. !

جميل أن تفكر بالمستقبل ..! لكن كل شيئ بوقته حلو ..

الله يحفظك ويخليك ويرزقك الزوجة الصالحة الناصحه التقيه ..

هههههههههههههههههه صراحة ضحتك لما شفت الموضوع عش حياتك بعين فكر بالموضوع مازال الطريق طويل أمامك ( دراسة ثم جامعة ثم وظيقية ثم سيارة ثم توفير الراتب بعدين توفير المهر ثم خطبة ثم زواج )
وأنت لا تعلم من الاقدار شي فالعلم عند الله يمكن تكون لك ويمكن تكون لغيرك لا تعلم

.. اخي الصغير ( عبد المحسن ) ..

.. جميلة جدا هي مشاعرك البرئيه .. وجميل ان تخطط لمستقبلك من الآن ..

.. لكن

.. بنت خالتك لن تلتفت لك اذا كنت شخص فاشل دراسيا ..

.. لذلك عليك ان تجد وتجتهد في دراستك ..

حتى تعمل في وظيفه جيده ومرموقه ..

ويكون لك راتب ممتاز ,, علشان تقدر تعيش حبيبتك حياة جميلة ..

.. الحين .. الا عليك انك تجد وتجتهد بدراستك .. علشان تحقق الحلم ..

.. ولا تنسى رضا الوالدين .. والاهم رضا ربك ..

.. وجواب سؤالك ( هل اتبع قلبي ؟ أم اترك الموضوع للأهل ) ..

.. اترك الموضوع للزمن .. ولا تفكر به الآن .. اتركه حتى تكبر قليلا .. وينضج تفكيرك قليلا ..

..

..