هل الصداقات مهمه ام لا ؟؟!!
 

السلام عليكم

كيف حالكم جميعا

راح اقولكم عن مشكلتي مدري اذا هي مشكلة او لا ؟؟!!!!:(

لكن لي فترة وانا افكرر انا متزوجه وزوجي يحبني والحمدالله

بنت اجتماعيه واسلوبي حلوو بشهادة الجميع

وعندي كثيررر من الصديقات ويحبووني لكن احس صداقة بالاسم فقط مرحلة الجامعه والدراسة فقط

والان الكل لاهي ولايسأل وان سألنا عن بعضنا يكون تواصل بالماسنجر فقط

انا اقدّر الصداقات جدا ..

واحس انها شئ مهم جدا لكن دايما انا الي اسأل وانا الي اقولهم خلونا نطلع مكان

لكن مليت من كثر مانا الي دايما مبادره وسكت ولي فترة طوويلة ماتواصلت معاهم

والا هم ابدا ماشوف منهم احد حريص عالعلاقة وهالموضوع له فترة مشغلني


مهما كان الزوج يحب يشوف زوجته محاطه بعلاقات وصديقات ويحس انها محبووبه

وانا على انهم يحبوني وواضح منهم لكن ماشوف حرص منهم ابدا ولا فيه تواصل بيننا

مدري اذا هي مشكله او انا مكبرة الموضوع بس انه فعلا شاغلني هالموضوع :29:

للعلم انا علاقتي مع خواتي مررة قويه وماما انا وياها صديقااااات ماكأنو ام وبنتها

واحيانا اقول اكتفي باخواتي وامي وبعض من اقاربي ومااشغل بالي ؟!

وش تنصحوني فيه اتمنى الرد من اهل الخبرة وكل الشكررر لكم


بانتضاركم :21:

في الغالب ان صدقات المدارس والجامعات سرعان ماتتلاشى بعد مرور الاشهر والسنيين وهذه سنة الحياة


الصداقة مهمة لكن كما قال الامام الشافعبي


اذا المرء لا يرعاك الا تكلفا00 فدعه ولا تكثر عليه التأسفا

ففي الناس إبدال وفي القلب راحة00 وفي القلب صبر على الحبيب ولو جفا


صداقتك مع زوجك وابنائك هم الاهم فقط

دنيا خربانه

الله يخليكم حق بعض وشكرا ع ردك !!


\


الكسائي

كل الشكرر لك وانا احيانا اقول نفس كلامك

لكن هاجس الصديقات يرررن في اذني !!

.. لن تصدقي اذا اخبرتك ان لي صديقة من 16 سنه .. تقدري تتخيلي ؟؟

.. وهي توام روحي << كذاا نسمي بعض ..

.. وهي صديقتي المقربه .. جدا .. والمحببه الى قلبي ..

.. والدنيا دارت ودارت ودارت .. وساعات مانكلم بعض اسبوع واكثر وما نشوف بعض شهرين او اكثر ..

.. لكن للحين صديقات ومثل اول واكثر ..

.. الدينا تشغلني عنها وتشغلها عني .. لكن نبقى بالاخير صديقات ونعذر بعض ..

.. جميل جدا أن يكون لك اصدقاء , تمارسين معهم بعض الانشطه المحببه لقلبك , تخرجين معهم .. تسولفين معهم ..

.. تفضفضين لهم .. تمرحين معهم ..

.. يمكن صديقاتك مشغولات بدراستهم اوببيوتهم وازواجهم وعيالهم ..

.. لذلك ادعيهم لبيتك على شاي .. واجلسوا مع بعض .. واسترجعوا ذكرياتكم مع بعض ..

.. صدقيني .. راح تتواصلوا مع بعض اكثر واكثر ..

.. والله يخلي المسجات والمسنجر ..

.. انا عندي غير صديقتي المقربه .. شله صاحبات تقريبا من9 بنات ..

.. نعزم بعض من فتره لفتره .. ونزور بعض .. ونسئل عن بعض ..

.. لذلك لا انصحك بالابتعاد عن صديقاتك .. وامنحيهم فرصه أخرى للتواصل ..واعذريهم اذا شغلتهم الدنيا عنك شوي ..

حياتنا بدون الأصدقاء لا معنى لها أبدا ..

تحتاج الصديق بكل مراحل الحياه ..
أنا أظن إذا كانت الصداقه مبنيه ع الحب بالله تستمر و إذا مصالح دنيويه تنتهي ..

بالنسبه لي عندي صديقات من المدرسه للأن من الإبتدائي .. أكثر من أخوات ..
و لي صديقات الآن بالجامعه مستمرين مع بعض .. و إن شاء الله لما بعد الجامعه ..

لا تقطعي صلتك بصديقاتك .. كوني صداقات جديده .. الحياه حلوة ..
لا مانع من البدء بالسؤال .. المهم لا تقطعينهم ..

كل الشكرر لردودكم