|
زوجتي تستحي تكلم معاي
السلام عليكم
كيف حالكم شباب اند بنات :22: إن شاء الله ماراح اطول معاكم في الحديث واختصر لكم كلامي انا متزوج وصارلي سبع سنين :14: وانا انسان حدي صريح وماعندي لا لف ولا دوران انسان سيده والحمد لله مشكلتي طول هالسنين انه زوجتي الغاليه "قريطه " اسم الدلع طبعاا موالحقيقي :d انه انا اسولف وتكلم واهي بس تسمع ماتكلم الا قليل يعني اشوي شوي :27: وبعض المرات احاول اشاركهاا السوالف ماترد كله تقول : هااااااااااااااااااااااا ؟ مدري ؟ يمكن ؟ وتنزل راسهااا كأنهاااا نعامه فديتك والله " قريطه ":16: واقولهاا ليش ماتسولفين معاي ؟؟؟؟؟؟ تقولي شنو اسولف ماعندي شي اقوله ؟؟؟؟؟؟؟ واخر تقولي مستحيه :16: والمشكله لي قعدت مع خواتي تقعد تسولف لهم وتناقش معاهم وتعمق بالحكي معاهم ..... مادري ليش قاعده تسوي معاي كذا معني والله ماني مقصر معاها باي شي وادا حسيت انها تبي اي شي منغير ماتقولي اروح واسوي لهاااا والمشكله الثانيه اني تعبت وانا اقولها كلام حلوووووووووووووووووو :25: وغزل ومدح وغيره من هالسوالف الحلوه . واهي حتي كلمه حلوه ماقالتلي لانهااا مستحيه فامادري هل صدق انها مستحي ولا لعب ولا شنو والله مادري واقول لها ليش ماتقوليلي كلام حلووووو ترد علي وتقول مستحيه :o مع العلم اني قلتلهااا ماراح لا اسولف معاك ولا راح اقولك اي كلمه حلوه لين تقوليلي كلام حلوووو وشكراااا شسوي ياشباب اند بنات واخر شي تقول مستحيه :16: |
وش سالفة الكلام الحلو عند الشباب هاليومين؟؟؟
أخوي اذا ماقالت لك كلام من خاطرها وأعماق قلبها لاتجبرها تقول من غير رغبة واقتناع.. |
من سبع سنين ساكت وصابر على ( قريطه ) ..!!:d
أنت حين تتحدث معها .. عمّا ذا تتحدث .. ؟ لاأريد جواب بقدر ما أريدك أن تتحدث على مستواها .. وقدرتها .. فقد تتحدث بشيئ لاتستطيع فهمه أو ليس من اختصاصها .. والدليل أنها مع أخواتك تنطلق وتتحدث عن الموديلات والملابس .. والمكياج .. وووووو وأمور تخص النساء .. !! |
اسمع اخي انا متزوج من اقل من سنة لكني يوم حسيتها زودت الحيا ولزوج ع7لى زوجته حق طنشتها مرة حسستها انو وجودها زي عدمو وقعدت على ها الال اسبوع وهي كل ما تسأل اصرفها واقول لها هذا طبعي لين ما حقدت هي وقالت انا اعرفك من اول منت كذا قلت لها والحين ايش فيني قالت ما عدت تمازحني ولا تكلمني متل اول ولا عاد اسمع منك كلام حلو قلت لها انتي اسبوع ما صبرتي وانا اربعه اشهر صابر لية والا انتي تفرق معاكي والله انها بعدها تعدلت 180درجة جرب وانشاء الله تنجح وكمان ايقض غيرتها عليك فبهذه الطريقه تعرف قيمتك وتخاف عليك والله يوفق ويسعد الجميع |
^^^
اتحمل تثير غيرتهااااااااااااااااااااا :/ ترى بدل ما تصلح راح تخرب أمورك والله يهدي لك قريطه |
شوف شنو قريطة تحب وسولف لها عنه
وجرب تظل ساكت يوم كامل وشوف شنو ردة فعلها ا |
والله ماالومها يومها ساكته اجل دعلج ؟؟؟؟؟؟؟؟
|
أخى ربما زوجتك تفقد لغة التواصل معك كازوج أنا ماأدرى ماهو مستواها الثقافى
لكن ممكن تجيب لها بعض الكتب تعلمها كيفة التواصل معك فى كتاب أسمه لغات الحب الخمس فى جرير وكتاب ثلا ثين سر للسعاده الزوجيه وأذا كانت ماتحب القراءه ممكن فى دورات تدربيه عن فن التواصل بين الأزواج |
عندي لك حل على مستوى واتوقع ان قريطه بتتعدل بعد هالحل ..
خذ لك شريط ( كاسيت ) فاضي وقول لها تعالي اسمعي هالشريط وركزي فيه زين ، وحط الشريط في المسجل وشغله وطبعاً هو بيكون فاضي ولما يتأخر ما يظهر الصوت بتطفش هي واكيد بتكون ردة فعلها انه جايب لي شريط فاضي ومن هالكلام ، عاد انت رد عليها وقول لها هذا حالي معك نفس هالشريط ووضح لها ان مثل ما طفشتي انتي ومليتي انا كذلك مليت من سكوتك وان شاء الله تتعدل .. موفق يا زوج قريطه هههه |
والله ما عرفنا للرجال
زوجي يقولي هذرتك واجد وانت تشتكي من زوجتك ماتسولف معك ....!!!! |
| الساعة الآن 03:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©