|
اول مره احكي ..اسمعو لي و ريحوا قلبي !!
السلام عليكم :)
هذي اول مره اشارك في منتداكم بس كنت متابعه من سنة تقريبآ من أول ما دخلت في عالم المطلقات أحب أفضفض لكم شوي من مشاعري الي ماعمري شكيتها لغير "ربي" عدا بعض الاحيان الي انفجر فيها بعد ما يتعدا شعوري درجات احتمالي :( تزوجت و عمري 16 عشت سنتين من الزواج الي بصراحه كان اكبر من اني اعيشه ... في هالسنتين واجهت مشاااكل فوق ما تخيلت اني بعيشها الي كان "زوجي" بيني وبينه 13 سنه صح هو ماقصر في كثير من الاشيا ما انكر بس كانت مساوءه تغطي ع المحاسن عموما حياتي كانت كريهه معاه وانا كنت ما احكي لأمي شي كنت اظن اني احبه واحس ان الحياه لازم تكون كذا ! ماحب اتذكرها كثير :( بس الأكيد اني جلست سنتين تقريبا و انفصلناااا وقتها كان عمري 18 طبعا بدون اطفال الحمدلله آه وش قد كان ألمي طحت منهاره ع السرير اقوم اصلي وانام وكله احلام يقظه و كوابيس وحزن خبر طلاقي ما اشعناه بس اقاربي الي مره قريبين هم الي عرفوا ؛ و اهل طليقي طبعا (مايقربولنا ابدا) جلست شهر و طلعت من صدمتي بدأت اعيش حياتي عااادي انشغلت بالجامعه وصاحبات جديدات وعالم جديد عشت سنة كأحلى سنة بدون قيود ومشاكل تدلعت و دلعت نفسي و انبسطت قد ما اقدر و نسسييت طليقي وطوايفه .. واتضح لي اني اكررهه بعد ماتميت سنة بدا ينتشر خبر طلاقي بين الاقارب الباقين بس لسه في ناس ماعرفوا يعني ماصار خبر مشاع بدأت احس اني ودي احب ؛ ودي اتزوج بس ماهتميت كثير بنت خالتي الي بقت ماتزوجت من البنات الي بعمر الزواج ؛ تزوجت والله يوفقها اكيد بدأت احس بوحده اكثر وكمان اقرب بنات خالاتي "توأم روحي" تزوجت قبل طلاقي بفتره فرحت لهم اكيد طبعا هالفتره اكثر الناس عارفين اني مطلقه والحين عمري 19 المهم اني قبل شهر بديت احس خلاااص ودي اتزوج ؛ طفشت ؛ ابي اعوض ؛ ابي اعيش حب ؛ ابي اعيش في بيت مع زوج ؛ ابي سعاده وابي راحه ؛ ودي بأطفال بعد انا عارفه اني لسه صغيره بس مجتمعي هذي عاداته و الي حولي متزوجات والي ماتزوجوا اصغر مني بكم سنة من حوالي اسبوعين او اكثر بدأت اصلي ليل و أوتر و أدعي و استغفر واحاول اترك الاغاني (انا مو مهتمه بالاغاني بس احيانا اسمع) و اتفااااءل واختم سورة البقره في 3 أيام وأحيانا اطول إذا ماتيسر لي قبل يومين جاني شعووور مو طبيعي اني رح انخطب ! ماسمعت شي ابد بس كذا فجأه بدون مناسبه وطنشت الشعور أمس ماما قالتلي اني *انخطبت* ابتسمت فررح قلت مييين؟ صار قريبي من بعيد ... بس يافرحه ماتمت متزوج و ماجاب اطفال من 15سنة والعيب في زوجته .. عمره 40 او اكبر شوي فرق عمر 20 سنة !!!!!! و كمان متزوج !! ومستحيل ابني سعادتي ع تعاسه وحده غيري و زوجته من قرايبنا البعيدين تضايقت من هالخطبه مره :( مو عارفه طبعا رفضت رفض قااطع بدون نقااش و بعدها في اخر الليل استخرت وانا رافضه طبعا ..خلاص ماما قالت لبابا اني رفضت .. و..... انتهت الخطبه تضايقت يعني مارح يجيني غير متزوجين؟؟! و لا هذا زي ماتقول ماما أول الخير؟؟ وكمان انا فتره ماكنت ادعي كنت اقول يارب ارزقني الزوج الصالح الي اتمناه و يتمناني..زوجا وحيدا انا زوجته الوحيده تسخرنا لبعض وترضينا ببعض وترزقنا الذرية الصالحه .. معناته هذا مو نصيبي الي جا و هذا مو دعائي يعني نصيبي لسه ماجا و هو جاي ومارح ياخذه احد غيري ... صح كلامي ريحولي قلبي !! انا ادعي ربي مايكسر نفسي بين بنات خالاتي جد جد ؛ طبعا ماعمرهم أذوني بحرف ولاحسسوني اني مطلقه ابدا عادي جدا علاقتنا تجنن ماشاء الله تبارك الله بس اليووم كنت رح ابكي لأن بنت خالتي توأم روحي قالتلي سر قالت ابشرك انا حااامل ؛ قسم فرحتلها وكنت ابي ابكي فرح بس لما جيت غرفتي تضايقت مو حقد والله ؛ بس حسيت نفسي وحيييده و مو عارفه دخل قلبي يأس طولتها عليكم بس والله من قلبي تكفون واسوني وردوعلى كلامي و فهموني ان كنت غلطانة او شي وفرحوني اذا فيه بشارات وشي حلو ابي ارتااااااااح انا ادعي ربي يفرح قلبي بالعيد فرحتين فرحة العيد وفرحة تمام خطوبتي ومايجي عيد الاضحى الا وانا متملكه وعندي زوج اعايده وادلعه يدلعني انا وااااااااااااااثقه بربي انه مارح يخيبني والي جاب الخطيب هذا يجيب غيره صح؟؟ فرحوووني ريحوني لاتطنشو الله يسعدكم اختكم ميشو |
مرحباا اختي
ليش تعذبين نفسج ترا الزواج قسمة ونصيب وماتدرين متى ولمنو خليج مع ربج وصدقيني الله مايخيب رجاج ولاتشوفين الناس ترا راح تتعبين خليج قنوعه وتوج صغيره فكري بنفسج ومستقبلج وانشغلي بالدراسه وخليها على البركه تمشي وصدقيني انتي احسن من غيرج والله يوفقج ويرزقج بالزوج الصالح امييييييييييييين |
اقتباس:
يآهلا فيك خيتي ياحبيلك بس هي مو مسألة اعذب نفسي بس لأن كل من حولي متزوجات وانا مشغلة نفسي..اطلع مركز صيفي وزيارات ما افضى أبد مافرغت ابد الا بعد الساعة 12صباحا و هنآآآ قبل لا أنام لازم تجي افكاار و الثلث الاخير اقرا و اصلي بس برضوا عندي جواي فراغ ربي يسمع منك و يسسسسعدك |
أختي الله يرزقك وفرج همك امين اكثري من
الاستغفار والحي في الدعاء وان شأالله نصيبك يجيك |
حبيبتي ميشووو..والله كلامج جميل وفيه تفاؤل رائع
اكثر شي عجبني ثقتج الكبيرة في ربج وانه ماراح يخيبج ويعطيج اللي تتمنين...واقولج مليوووون صح بس انتي خلج صبووورة وتأكدي ان كل يوم يمر يكتب لج فيه اجر لصبرج وثقتج بالله سبحانه وتعالى الله يسعدج ويوفقج ويفرح قلبج بالاستقرار والسكن يااااارب عاجلا غير اجلا ياااارب مع خالص تقدري |
اقتباس:
انا مداااومه على الاستغفار والله ع قد ما اقدر عسا ربي يفرج عنك و عني اقتباس:
هلا حبوبه الحمدلله انا عندي حسن ظن بالله و لكن بعض الاحيان تجي حالات حزن و يأس غصب ؛ بس ماتدوم والله ماقد طرت على بالي انو بكل يوم يمر ربي يأجرني على صبري ! الله يسسعدك ياختي و ربي يسمع منك يالغلا ويسعدك و يفرحك و يسخرلك |
أسال الله العلي القدير أن يرزقك الزوج الصالح أللي يسعدك ويهنيك وينسيك طليقك وايامه
أعجبني جداً تفاؤلك وثقتك بالله ماشاء الله لاقوة ألا بالله قال صلى الله عليه وسلم حاكيا عن ربه: (( أنا عند حسن ظن عبدي بي, فليظن بي ما شاء)) الله يزيدك تفاؤل ويرزقك ماتتمنين |
.. طول ما روحك حلوة .. وقلبك مليئ بالتفاؤل ..
.. أبشـــري .. راح تشوفين السعادة .. .. أستمري على ما أنت عليه .. .. وان شاء الله .. راح تفرج .. .. وتجي تبشرينا بخطوبتك .. .. الأهم , انك لازم تعرفي انك توك صغيره .. والفرص قدامك كثيرة .. .. اصبري .. وان شاء الله .. ستفرحين عن قريب .. |
الله يوفقك ويرزقك بالزوج الصالح توك صغيره والخير قدامك
|
خليك واثقة بربك مثل ماأنتي وتفاااائلي ولا تيأسين أبداً
ولاتقولي أنا وحيدة لأنه ربي معك هذا ابتلاء منه لأنه يحبك اصبري ومابعد الصبر إلا الفرج ودائماً ناظري اللي تحتك في كل شي حتى ترتاحي وتزدادي قناعة وصدقيني ربي بيرزقك باللي يسعدك قريباً بس ثقي فيه ثقة كااااااااااااملة ومااوصيك بالصدقة الصدقة الصدقة وكذلك الإستغفار وربي يفتح لك أبواب رحمته وكرمه وكل مسلم ومسلمة .. |
| الساعة الآن 02:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©