|
خايف اني أكون أخرت نصيب البنت وظلمتها معي
بسم الله الرحمن الرحيم
أعزائي اعضاء المنتدى لثقتي الكبيرة بكم ولثقافتكم العالية وخبرتكم الطويله سأطرح موضوعي هذا انا شاب عمري 24 سنه طالب بالجامعه ويتبقى لي سنتان على التخرج اختارت لي الوالده بنت الحلال وطبعا تكون قريبتي (بنت ولد عمي) يعني ابوها ولد عمي وسوالفنا فله ووناسه وصراحه هو يعزني كثير . وبعد ماكلمه الوالد صرت انحرج واستحي منه كثير وعلاقتنا صارت رسميه كثير. ودايم يسأل عني (مره سأل عني وقاله الوالد اني مريض . وشوي الا هو يتصل ويسال عني ) بصراحه فرحت كثير .وصرت اتجنبه اذا جانا البيت لسببين :الخجل والثاني اني باقي لي سنتين واتوظف يعني (اني ماني راغب في الزواج والعلاقه في ذا الوقت وما أبغى أحسسهم اني زواجنا قريب موعده) البنت عمرها 21 وباقى لها سنه وتتخرج من الكليه مشكلتي معه : اني الا الان ماشفت البنت ولاتعتبر خطوبه ومن قلة صبري ارسلت للبنت رسايل جوال شهرين ماردت والحين بدينا نتواصل مع بعض على خفيف .ورسائلنا رسميه جدا ووضحت لها موقفي اني ابغى اتعرف عليها أكثر لاني براسي افكار ومخطط للحياة الزوجيه انها تكون أسعد وأمتع حياةلنا. [COLOR="Red"]المشكله ودي نتعارف على بعض اكثر بس ماني عارف كيف:([؟/COLOR] تقلقني بعض الامور وخايف منها كثير....1- انا خايف اني أكون أخرت نصيب البنت وظلمتها معي .. 2- متى يكون وقت النظرة الشرعيه (علما انه لايوجد سبب لتأجيلها الا ترددي وقلقي) 3- كيف أتعامل معها.. أخواني + خواتي يامن يايملك الخبره اجيبوا على أسئلتي و بانتظاركم |
وعليكم السلآم والرحمه ..~
ياأخي الكريم كيف ترسلها وانت حتى ماخطبتها رسميا !! توكل على الله واخطبهآ قبل تروح منك واتفق مع والد البنت بأن الزواج سيكون بعد الوظيفه بإذن الله .. إن تقبلو الامر كان بها وأن كانت خطيبتك راضية ، لاتفكر بأنك أخرتها عن مرحلة الزواج .. بعد ذلك تأتي النظره الشرعية ياأما تبشر بالقبول أو الرفض .. موفقين :) |
هلا اخوي طبعا انا مب سعودية بس من خلال المنتديات فهمت نظامكم تقريبا لذلك بعطيك حسب فهمي وعسى يارب افيدك اخوي اذا السالفة كلها قلق وخجل معناها هينة باذن الله ماخبرتنا انت ليش قلق؟ وهل تشعر ان الخطوبة بتعيق دراستك؟ انا على حسب ما اشوف ان الزواج هذا محد يقدر يحدد موعده هو متى ما ربك كتب يصير ساعات تكون جاهز ساعات تتفاجأ لذلك اذا تشعر ان البنت واهلها مناسبينك والظروف تدفعك للخطوبة غير المتوقعة استخير وتوكل على الله وعسى الله يسخر لك الظروف |
شكرا أختيى النار والهيل
القلق من التجربة والمغامره ولن تعيقني ابدا عن الدراسة |
ياريت يكون التواصل تحت اشراف الاهل ..
على الاقل امك و امها او ابوها . الحب بدون امان ما يدوم .. لانه راح تكون فيه عقبات كثيره امامكم .. وخصوصا انك الى الان لسى ماشفتها |
اخوي كيف تراسلها والموضوع مورسمي حتى انت ماشفتها اصلا
تقدم بعمل الاشياء الرسميه من صالحك ومن صالحها ثم فكر بهالامور اذا انت ماشفتها ولاحتى خطبتوا رسمي كيف بنفهمك وبعدين ابوها عارف وضعك وظروفك اكيد ماوافق الالانه عارفك وحابك انت ريح نفسك ولاتقلق نفسك اكثر وتشيل هم بس مثل ماقلت لك كلم الوالده وفهمه الكالمات موهي اللي بتقربكم يمكن تكلمها وتعرفهاوترتاح لها واذا شفتها ماترتاح وتغير برايك انتبه اخوي حتى ماتغلط غلطه تعذبك طول عمرك |
اي مغامرة رايح الأدغال الله يهداك هههه لا ماعليك باس توكل على الله واستمتع بفترة الخطوبة وتعرف عليها براحتك في جو آمن وفي حدود شرع الله |
حبايبي
انا قررت انا ماارسل لها حتى الخطوبه بس باقي موعد الخطوبه هل احدد الموعد معها ولا اخليه مفاجأة لهم موعد الخطوبه برايكم متى يكون 1- باجازة عيد الفطر 2- اجازة عيد الاضحى |
ما في شي اسمو اخرت نصيبها
الموضوع كلو بإيد ربنا عز و جل انت ما إلك علاقة |
| الساعة الآن 01:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©