حياتي المؤلمه
 

انا متزوجه من قريب لي وقد افترقنا في السكن حيث يسكن في مدينه وانا في مدينه اخرى بسبب عملي كمعلمه ومشكلتي هي انني انسانه رومنسيه وحساسه الى ابعد الحدود وزوجي عكسي تمام انسان يحي المزح والضحك والرومنسيه اخر همه ودايما في مشاكل من يوم تزوجنا مزحه مايعجبني كانه يمزح مع واحد من اصدقائه وبعد احس فيه بخل يؤذي نفسيتي على اشياء بسيطه مع اني اساعده بالنسبه للامور الماديه ايضا ماقد قال لي كلمه حلوه ولا اهداني من يوم تزوجنا ولنا 3 سنوات ونصف والمصيبه الاكبر اروح عنده في الاجازات في بيت اهله واذا جينا نطلع نتمشى ياما نطلع جماعي لاولا مافيه طلعه اصلا والله تجي الاجازه وتروح وانا جالسه لاروحه والاجيه ماشفت من الدنيا الابيت اهله وبيت اهلي حتى بناتي صغار ماقد طلعنا لحديقه اوملاهي الامع اهله واجلس عنده اسابيع مايفكر يقولي امشي نطلع والله ضايق صدري وكل يوم افكر لو اني انهي هالزواج بس المشكله بناتي وكذلك ضروفنا الخاصه في بيت اهلي يعني وضعي رح يكون اسوأ بس الى متى الوضع هذا حتى لو معي شوية فلوس ماني قادره اتمتع فيها حتى السفر يقول كيف اخلي اهلي واحس انه شايل هم كلام الناس حتى قلتله اذا جيتك في الاجازات نبي نسكن بره قال الاجارات غاليه كل دموعي على خدي وحالتي حاله وهو بعد نتقاطع بالاسابيع وبعدين نرجع وترجع لنا مشكله جديده قولولي وش الحل

طيب انه ما يتبع مخدرات ولا يضربك ولا يسبك

احمدي الله واصبري وبكره تتعدل ...

تبغي تطلقي لأنه ما يطلع معاك وما يقولك كلمات حلوه وتحسيه شويه بخيل ويمزح كثير وما جابك هدية.. خافي الله في بناتك ، تبغي تفرقي عيلة لأنك تحب حياة اكثر رومانسية ..

يا اختي الطلاق ما لازم الوحدة تفكر فيه إلا إذا كانت مصيبة جايدة ، رجال صاحب مخدرات خمر زنا ضرب حرام ..

يا اختي شوفي مصيبة غيرك تهون عليك مصيبتك ، ولا تخلي حساسيتك تدمر عليك حياتك ، ما اقول ما عندك مشكلة ، لكن مشكلتك حلها ليس بالطلاق والخصام

انت اولا مشكلتك هي بسبب فراقكم عن بعض بسبب العمل ، وهذا صعب عليك بسبب شخصيتك الرومانسية ، حاولي تبحثي عن حل لهالمشكلة يخليك تعيشي مع زوجك في مكان واحد

حتى ذلك الوقت حاولي إيجاد السعادة بنفسك بهوايات او إهتمامات او صديقات
مو لازم زوجك يكون هو مصدر السعادة الوحيد فلي حياتك

انت انسانة حساسة ومثقفة واكيد راح تحصلي على الحل ولكن ابعد تفكيرك عن الطلاق والفراق

تحياتي

جزيتم خيرا على كلماتكم الرقيقه والله كلماتكم خففت عني بعض همومي وفقني الله واياكم لمايحبه ويرضاه

شوفي يا أختي الكريمة


أنتي تشوفين هالمشاكل كبيرة وهو يراها صغيره لأن يدور في باله أشياء أكبر مثل تأمين مستقبلكم ...الخ

اليك التالي

1- انظري الى الجانب الايجابي فيه

2- احترامه لأهله يدل على انه محترم يحترمك

3- مشكلة السكن والطلعات مشكلة مؤقتة تنتهي إذا نقلت عملك لنفس منطقته

4- إذا قررتي الانفصال ماهو السبب الذي سيقنعك ضميريا ويقنع مجتمعك الخاص؟

5- من تتوقعين الرجل الذي سيتزوجك من بعده ؟؟؟ شاب أعزب رومنسي جذاب ووسيم مثلا!!!!!!!!




عموما أنصحك بكتاب اسمه

(رجال من المريخ ونساء من الزهرة ) ممتاااااااااااااز جدا لك

تريدين تنهين العلاقه عشان ماقال كلمه حلوه وعشان ماجاب هديه وعشان ماتمشيتوا لوحدكم حراااام عليك

انتي متعلمه ومربية اجيال مو معقوله انتي يطلع منك هاالكلام..

حاولي تتأقلمين مع شخصية زوجك..هوطبعه كذا ..احمدي ربك انه مايضربك او يخونك وياخذ فلوسك

انشاء الله بيجي يوم ويتم نقلك عنده وتستقرون في بيت لوحدكم..

وباالنسبه للتمشيات لوحدكم لاتنتظرين يجي يقول هيانطلع انتي بادري وقوليله نبي نطلع لوحدناطبعا باسلوب حلو