زوجي جرح قلبي
 

السلام عليكم احب اسالكم هل الزوج اذا عصب وزعل وقال لزوجته لمي اغراضك وروحي لاهلك يقصد الكلمه هذي والا لا؟
علما بانه يقول انها كلمه قالها وقت الزعل وماقصدها؟
هل الزوج اذا قال الكلمه هذي يكون كره زوجته ويقدر يتخلى عنها فاي لحظه؟
هل لوحصل وجات مشكله بينهم حيطلق زوجته؟
احس قلبي مجروح وماني قادره انسى هذي الكلمه ارجوكم ساعدوني وردوا على اسئلتي مالي غيركم
يارب ساعدني واجبر بخاطري يارب

زوجي قالها لي مرة و السبب كانوا اهله ، يبغى يطبق علي اللي يطبقوه في زوجة ولدهم الكبير

يوم قالها لي ، قلت له طيب وديني بيت اهلي و كنت جادة مررررررررررررررررة

وقتها هو صحي من غفلته و انتبه لنفسه و صار يبكي و يقولي ما كنت قاصد و اخر مرة وووو إلخ

و ما قلت لأحد من اهلي و سامحته و دحين متزوجين من 6 سنوات و ماشاء الله ما عمره عادها

لو قالها لا سمح الله بيوم من الأيام ، و الغلط يكون منه ، ما راح اجلس عنده


و مرة بأمزح معاه ، قلت له لو بيوم لا سمح الله تزاعلنا ، إنت اللي تطلع برة ..

أنا بيتي هنا :D

لإنه أصلا عندي مبدأ ، إني مستحيل إذا زعلت أروح بيت اهلي ..لكن إذا هو اللي قالها مرة تانية ما حأجلس ثانية

زوجك إذا ندم ، سامحيه يمكن من جد ما يقصد و خاصة يوم شاف ردة فعلك ، فما راح يكررها إن شاء الله

طبعا لا يقصدها .. لو يقصدها لأخرجك فعلا من البيت ..

وإذا قصدها خليه يوصلك لبيت أهلك بنفسه .. أخذك من عندهم يعيدك إليهم ....


لا تخرجي من بيتك أبدا ..

الله يهديه ياارب ..

إن شااء الله ما يكررها ..

لاجرح الله قلبك أبدا .. أختي ..

لا تخرجي من بيتك بنفسك أبداً ..

وإذا هديتوا تفاهموا على رواقة وضبطوا أموركم وحلوا مشاكلكم بهدوء ...ففي حالة الانفعال النقاش يعقد المشكلة أكثر واكثر ...


الكلمة إن شاء الله ما يقصدها يا أختي .


تحياتي .

سواء كان زوجك يقصد وقت الغضب او لا يقصد فلا تخرجي من البيت ابدا ..

بعدين ليش توصل بينكم المشاكل لحد ان يقول لك اخرجي من البيت ؟؟؟

هل زوجك عصبي ؟؟

هل هو دايما يقول لك هذه الكلمه ؟؟

وعليكم السلام ورحمة الله وبركاته

اختي هو قالها وقت زعل..وما كان يقصدها بمعناها الحقيقي
الحياة الزوجية لابد يكون فيها اختلافات ومناوشات وكثييير من الازواج قالوا لزوجاتهم هذي الكلمة
زوجج لو كان يقصدها كان ماكلف نفسه حتى يراضيييج..وانتي وضحي له مدى تأثرج وحزنج من كلامه

الله يجبر بخاطرج ويبعد الهم عنج

فارس الكلمات ورزان انا انصدمت لما قلي زوجي هذي الكلمه لكن لوعادها بسوي زي ماقلتم وجزاكم الله خير
ابوعبدالله والاخلاق انا عمري مافكرت اخرج من بيتي اواهدم حياتي بس قلبي انجرح من كلمته ماني قادره اصدق كيف قدر يقولي هذا الكلام
الله كريم شكرا اختي لمرورك
اميرات زوجي انسان هادئ وعمرو ماقال هذي الكلمه والمشكله كانت تافه ماكان يستاهل يقولي هذي الكلمه وانا انصدمت لما سمعتها لانه قال كمان انه ندمان من الزواج بي الله يسامحه بس كسر خاطري وجرحني
مش مجرد كلام وحلم وتحقق جزاكم الله خير على المرور