|
ايش القصد اذا الزوج قال هالكلام لزوجته ؟
السلام عليكم ..
ترددت كثير بعرض مشكلتي .. بس أبغا حد يطمني وينقذني من الشكوك اللي في بالي يوم السبت هذا صارت بيني وبين زوجي مشكلة والحمدلله تصالحنا بس زوجي قال كلام وقت ما كنا متزاعلين الحين قمت أعيد الكلام اللي قاله فسرته على كيفي ومدري اللي في بالي صحيح والا لأ ؟ القصة ومافيها تزاعلنا يوم السبت على موضوع جدااا تافه ما تتصورون بس زوجي هالايام زايد عليه العمل وصاير مضغوط ويعصب بكثرة ونا بطبيعي باردة وماحب النكد والحمدلله المشاكل قليلة بس هالمرة انا مدري شفيني بالصراحة انا السبب وغلطت عليه وهوا بعدين كبر السالفة وقام يغلط كثير علي ونا ساكتة لحد ماخلاني أبكي ومن بين الكلام اللي قاله لي ( قال لي غيري أسلوبك معي والا بالمستقبل ببهدلك ) أنا سكت وصرت أبكي طول الليل وكنت بروح له أصالحه بس حسيته بعده معصب وما بتقبل مني شي ونام بدري ونا مانمت الا الساعة 4 الفجر المهم هو الصبح حس انه غلطان وجا عندي ونا نايمة يصالحني ويترجاني أسامحه قبل ما يطلع الشغل .. واتصل لي من الشغل ومارديت عليه وجا من الشغل وحاول يصالحني وحاول كثير الصراحه بس انا ماعطيته وجه معني كنت بسامحه بس مدري كنت بدلع عليه .. قام عصب كثييييير ولأول مرة قال لي تبين تروحين بيت أهلك ؟ أنا رديت عليه ياريت من قهري قال لي اي روحي وشوفي لك حد غيري !!! استغربت من الكلام أول مرة اسمع منه هالكلام .. بعدين صار بينا كلام وعتاب وتفاهمنا وخلاص تصالحنا ... ونا حسيت بغلطتي زين وهو بعد قام يتأسف على الكلام اللي قاله لي وهو معصب ... بس بعدين فكرت في الكلام اللي قاله وخصوصا هو هالأيام متعرف على أصحاب جدد واسلوبه متغير وسوست وقمت أشك من كلامه وخصوصا يوم يقول غيري أسلوبك والا ببهدلك بالمستقبل !!! قولو لي ايش كان يقصد ؟ انا كنت بسأله بعد ما تصالحنا ايش يقصد بالضبط بس قلت أكيد بيقول ولا شي ويوم يقول لي روحي بيت أهلك وشوفي لك حد غيري ... فسرتها أنا كنه يقول لي عن نفسه أنا بشوف حد غيرك ... مدري شفيني معني واثقة من نفسي كثير وعمري ما فكرت هالتفكير هذا بس قولو لي هل شكوكي في محلها وهل الكلام اللي يطلع من الرجال وقت العصبية فعلا مهو صحيح والا يكون العكس هو الصحيح ويطلع اللي في قلبه كله ؟ وللعلم انا عاتبته على كلامه اللي طلع منه قال لي ولا كلمة من اللي قالها صحيحة وذا كله من زود ماكان معصب ومن الضغوط اللي عليه بالعمل وبس .. ياريت تردون علي .. |
ماحد رد علي ؟!؟!
يمكن انتو تشوفون المشكلة عادية بس انا لنه أول مرة أتزاعل مع زوجي لهالدرجة وأول مرة أسمع منه هالكلام وأحسه قوي مرررة ! أبغا رد على الأقل قبل ما أنام ... |
السلام عليكم أولا هدي من نفسيتك ثانيا أتمنى منك بأن لا تستعيدي ما حدث أثناء غضب زوجك ويجب أن تعلمي أن الحياة الزوجية كا دفتر ((كراسة)) مهما كانت صفحة اليوم الأول مشخبطه ومملؤه بالسواد فيجب أن تكون صفحة اليوم التالي بيضاء لأنها صفحه جديدة أن منتي تحسين أن هذه الكلمة قد تكون وقعا في المستقبل فا تفكيرك خطاء لأن زوجك قالها بحالة غضب وإنما الشيطان هو الذي يعيدها لأنهوا اغتاظ بتصالحكما وفق الله الجميع واسعد كي بزوجكِ |
اختي شقرا السعوديه انا مريت بنفس مشكلتك واليوم تصالحت مع زوجي الحمدلله وكنت كاتبه موضوعي بالمنتدي بس شكلك ماقريتيه انا حاسه باحساسك زوجي قالي لمي اغراضك وروحي بيت اهلك وبعدين قال انا ندمان اني تزوجتك انا ماقدرت اتحمل هذي الكلمه وانجرح قلبي من زوجي وصرت خايفه لايجي يوم يتخلى عني زوجي صرت احس بعدم الامان رغم ان زوجي قال انه ماقصد الكلمه وانه مستحيل يتخلى عني بس احسه يبغى يسكتني بس
الله يجبر بخاطرنا ويسعدنا يارب |
لا تكبري الموضوع اختي واضح ان زوجك طيب وحريص علي رضاكي
مادام اعتذرلك واتصالحتم خلاص هو كان غضبان والصراحه ممكن يكون برودك زايد عن اللزوم صحيح الواحده لازم تكون هاديه جدا وحكيمه و خاصه لما يكون زوجها غضبان بس مو لدرجه البرود الزايد ممكن تساليه وتعرفي منه الفصد من كلامه ( لا انصحك بكدا ) او لا تعيدي الكلام بس تعرفيه ان هالكلام يضايقك ولو يخاف علي مشاعرك ما يعيده تاني |
شكراااااااا البعد قتال على الرد ..
يعني ذا رايك تقولين انه مجرد أنفعال وقت ماكان معصب .. والله أنا كتبت مشكلتي من زود ماأفكر بالكلام وتمنيت حد يوضح لي ايش المقصود منه لانه بالي متشوش كثييير والله طمنتيني الله يسعدك ياااارب |
شقرا
حبيبتي هذا من الشيطان يحاول يذكرك بكلام زوجك عشان تحقدين عليه كل ما جاك طاري كلامه تعوذي من ابليس .. واذكري الله واستغفري ... اطلبي من زوجك اي طلب تدرين انه يقدر عليه .. قولي مثلا ببالي عطر ليت تتشريه لي او مطعم او فستان اي شي تحبينه .. وخليه يشتريه لك عشان يصفى خاطرك عليه اكثر تذكري .. كثرة التفكير بالاخطاء القديمة = دمار شاااااامل لحياتك لازم تتعلمين تنسين .. دمتي بود |
ياما سمعنا كلام من أزواجنا وقت الزعل والعصبيه وكان كلام جارح لكن نعطيهم أعذار حتى لو كان هالكلام جرح قلوبنا !!
وفيه من تنسى هالكلام الجارح وفيه من يظل هالكلام بقلبها جرح ينزف! لكن مع ذلك تستمر الحياه فحاولي قدر أستطاعتك ماتدققين بالكلام الصادر وقت الزعل لأنك بتتعبين كثير الله يسعد كل زوجين ويحببهم ببعض ويبعد عنهم كل شر |
اقتباس:
السلام عليكم اعذريني اخيتي شوكة على تطفلى ولكني افتكر في ساعة غظب اني قلت لزوجتي اني لست سعيد معها ولم اكن اقصد هذا حقا ولكن احس ان هذه الكلمه وللدت لديها احساس جعلني احبها اكثر فهي عادتها علي فوق الخمس مرات بعد ان تصالحنا وقد جعلتني اشعر بأنها تحبني جدا ولأول مرة اتمنى الا تستعجلو في الحكم على ازواجكم فهم بشر ومحال ساعة الغضب ان يقصد كل ما يقولة |
شوكة بين الورد بلا حبيبتي شفت موضوعك ورديت عليك هناك :d ...
وأهم شي أزاوجنا صالحونا وعساهم ما يكرروها مرة ثانية ؛) زي القمر زي .. ايه انا فعلا باااردة وماحب المشاكل بالمرة باردة يعني ما أكبر المشاكل وكل شي أشوفه هين ومشاكلي مع زوجي نااادرة وهو بنفسه يقول لي احسن شي فيك انك تسكتين وتبتسمين وقت لا زعلت بس هالمرة مدري شفيني ماقدرت أتحمل وبالصراحة الغلط بالأول مني المهم أنا من غير ما سأله تأسف لي كثير على الكلام اللي قاله وقال انه ما يقصده بس أنا مو عارفة انساه لنه أول مرة يقول لي هالكلام وكلمة اي روحي بيت أهلك وشوفي لك حد غيري ! غريبة شوي وقوية وكنه ما يبغاني او انه يبي يشوف غيري فاهميني ؟ |
| الساعة الآن 02:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©