|
شغالتي والتلفزيون
السلااااام عليكم ورحمه الله وبركاته
كيف حالكم ادخل في الموضوع اليوم صحيت قبل الظهر مو على العاده ادور الشغاله ماحصلتها ادخل المجلس احصلها تتفرج على التلفزيون ناظرت فيها وطلعت وسكرت هي التلفزيون وطلعت وانا ماقلت لها اي شي ماادري عاادي تتفرج والا اقول لها لاتسوي هذا مره ثانيه عاد انا شخصيتي مو قويه عليها ابدا وهي للامانه مااظلمها طيبه عندي وعند عيالي ياليت تردون علي عادي الموضوع؟؟؟؟ بس اللي قاهرها الظاهر ماكملت الفلم الهندي |
طيب إذا تفرجت تلفزيون وش فيها :confused:
و لا ماهي آدمية مثلكم أشوفك مررررررررة مكبرة الموضوع :p |
عندي شغالة وعاااااااادي لو بتتفرج التلفزيون ..
مو مثلنا ادمية ???? :) على فكرة شغالتي بتسافر ان شاء الله نهائي وباعمل لها عزيمة في مطعم علشان سفرها وباجيب لها هدية ان شاء الله احتسبي اي شئ لله :) |
اقتباس:
بس اشوف بعض الحريم عندهم الشي هذا مصيبه وشي كبير قلت اشوف رايكم ماادري انا الصح والا هم اسعدني مرورك وردك |
اقتباس:
شوفي حبيبتي انا معاملتي لشغالتي ماتتخيلي مرره زينه لدرجه انها سافرت ل اهلها عشان تتزوج وانا وديتها للمشغل تقص شعرها وتصبغه وشاريه لها هديا لاني اخاف الله فيهم جدا بس سالفه التلفزيون شويه ضايقتني لان اخاف تشوف افلام مش كويسه لان القنوات عندنا مفتوحه خصوصا بالمجلس اسعدني مرورك |
شوفي ياقلبي
خلي تعاملك معها رسمييييي علشان ترتاحي وهي ترتاح مثلا البيت نظيف شفتيه وكل شئ تمام خلاص مو مشكلة خليها يعني امي واختي مرررررة طيبين مع الشغالات لدرجة شغالة اختي تتميع على زوج اختي لانها تستهين باختي اختي الثانية تقسي عالشغالات لدرجة تكرفهههههم ويشردوا منها ويكرهوها ويخافوا منها .. صح بيتها يلمممممع بس تظلمهم وتهينهم وانا في النص الحمد لله :D لا سمعت لذا لا لذا تعاملي محترم ورسمي معها .. مااظلمها واعطيها حقوقها واقول بداخلي انا اتعامل مع ربنا وهو ان شاء يرحمني بسبب رحمتي لها ودحين بتسافر ورحت اختارلها هدية ولولدها .. ولخالتها واختها وامها اشياء بسيطة منشفة مطرزة او طرحة حلوة مهما كان انسانة عاشت معنا سنتين اقل شئ ولو عندها عيوب فمافيش احد ماعنده عيب اختي اذا شافت شغالتها مكشرة تقوم تشتمها وتهينها وتقولها انت شغاااالة وتخليها تمسح الجدران من جديد انا عكسها صح اتضايق يوم اشوفها مكشرة مراااات ومالها نفس تشتغل بس اعذرها واقول يمكن الهرمونات مؤثرة فيها زي مانحن ننكد على ازواجنا في الشهر مرة :D او يمكن مشتاقة لاهلها مسكينة |
اقتباس:
اذا كذا ليه ماتشفروا القنوات مثلنا ???? خلاص انت لاتقوليلها شئ بس بنظراتك هي راح تفهم وتخجل وتقوم علشان لاتتتعود كمان لان اختي اللي قلتلك طيبة معهم شغالتها تجلس قدام التلفزيون واختي تشتغل هههه:d:29: شغالتي تتفرج فيلم كرتون يوم تكون جالسة مع ولدي في الصالة تاكله وتعلق عالكرتون وتضحك ولدي:27: حتى انها عارفة ارقام قنوات افلام الكرتون وانا اسالها كم رقم القناة وحافظة الشخصيات الكرتونية بس هي اصلا لوومافيش احد في الصالة بتقفل التلفزيون |
اقتباس:
والله انك عسل وجبتي لي فكرة حلوة من جددددددد :22: راح اخدها للكوافيرة ان شاء الله هذا الويك اند :17::17::17::17::17: باعمله لها مفاجئة :14: |
اقتباس:
انا معاملتي مثلك احترام واعطيها حقوقها وزياااده وعلى مساله المشغل هي استانست وتقول الفلبينيه اللي في المشغل اول مره تجينا شغاله وقالت لشغالتي مدام انتي واجد كويس وهذا اللي خلها ترجع لي مره ثانيه اعاملها مثل الصديقه |
عادي حبيبتي امي حاطه تلفزيون بغرفة الشغاله يصير كل ماخلصت شغلها تجلس تتفرج وماتطفش بس تعالي شوفي المسلسلات التركيه حافظتها وتعرف كل الشخصيات بس الحق لله ماهي مقصره في شغلها البيت نظيف وكل شي مرتب واذا كانت مكشره واخلاقها بخشمها وتشتغل غصب اكلمها رسمي لا امزح ولا اضحك معاها لان بعد حرام غربه وخدمه وبعد تشتاق لولدها
|
| الساعة الآن 05:55 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©