زوجتي تصر على الامتناع عن الفراش .
 

السلام عليكم ورحمة الله وبركاته ....

يا إخوان والله ما عرفت كيف أبدأ ، كل ما أكتب أرجع أمسح وأحيانا أكتب أكثر من 20 سطر وأمسحها كل هذا لأن موضوعي متشابك جداً وملخبط وما عرفت كيف أصيغه وبصراحة أحتاج إني أكتب قصة كاااااااااااااااملة عشان تتصورا معي المشكلة لأني بصراحة ما عرفت إلى الحين هي تحبني أو تكرهني في تصرفات تصدر منها أقول تحبني حب أكبر من الجبال الراسيات وأحياناً تصدر منها تصرفات أقول هذي تكرهني أكثر مما تكره شارون .
والله إني في أزمة نفسية كبيرة بسبب هذي المشاكل وأنا بصراحة والحق يقال قدامها ضعيف الشخصية ودائما أقول هذي تنفع تكون قائد عسكري مو زوجه بسبب صرامة أوامرها وعنادها .

المهم يا إخوان أنا بس هنا رح أذكر مشكلة واحدة من المشاكل وهي أكبرها ووالله إن هذي المشكلة كانت سبب في انحرافي وابتعادي عن الله.
المشكلة هي إنها تمتنع مني في الفراش ولفترات طويلة حاولت أوضح لها وحاولت استفسر منها إذا في شيء ضايقها مني تحلف وتقول لا بس أنا ما أحب هذا الشيء لدرجة إنها تهجر الفراش بالشهر والشهرين والثلاثة ووالله إني أحيانا كثيرة ما أعرف أن عليها الدورة إلا لما تترك الصلاة .

خوفتها بالله تقول ما لك صلاح أنا وربي تختلص أذكر لها أحاديث تقول إنتم يالمطاوعة ما تعرفون إلا هذي الأحاديث أقول لها يابنت الحلال لا تحسبيني مطوع أنا خلاص انحرفت وانجرفت ، حاولت أبحث في نفسي عن عيوبي لكني ولله الحمد ما عندي ضعف جنسي مثلا واستخدم الفرشاه والمعجون باستمرار لدرجة إني سألتها بالله إن كانت تشم مني رائحة مزعجة أن تخبرني أو حتى تلمح لي لكنها أقسمت إن مافي شيء من هذا .
وللعلم أنا كنت أعمل في توصيل المدارس يعني أوصل بنات الناس طالبات متوسطة وثانوية وكليات وكنت أقول لها والله إني صرت ما أقدر أغض بصري واليوم اللي تعطيني فيه حقي في الفراش أشعر بقوة إيماني وبكل سهولة أغض بصري ووالله ذكرت لها هذا اكلام كثيراً لكنها رمت بهذا الكلام عرض الحائط. خلاصة القول إني انحرفت وما كنت أتوقع هذا .
هي إلى الآن تعاند ومع كل مشكلة تمتنع لفترات وتقول هذا الشي مو بيدها لكنها هي أحيانا لما تحس إن لها رغبة تجي وتبدأ وهذا نادر جدا جدا جدا.

أنا والله قلبي محروق إني وصلت إلى هذا الحد من العصيان والتهاون في الواجبات وخاصة صلاة الجماعة ، مع إني كان لما يأذن أصح من عز نومي وأول ما أفتح عيوني ما يجي على بالي إلا طاري الصلاة لكن للأسف الوضع الحين اتبدل ربما أسمع الصلاة تقام وأنا لسا في الفراش وطبعا زوجتي أحس إنها تفرح لما تمسك علي مثل هذا الشيء وتبدأ بالتهزيء والتجريح . أخخخخخخخخخخخخخخخخخخخخخ على حالي.



يا إخوان والله إني ما أدري إيش اكتب أو أيش أقول الموضوع متشابك جدا لأن في أحداث كبيرة حصلت وكان لها أثر كبير جدا على حياتنا الزوجية ، لكن بحاول أكتب قصتي كاملة لأني لو ما كتبتها كاملة مارح تتصوروها وبالتالي ما رح يكون في حل مقنع . وإذا في أحد عنده توجيه أو رأي سديد ياليت يفيدني فيه فأنا بصراحة ما سجلت في هذا المنتدى إلا لأبحث عن حل .

الله يوفقني وإياكم لكل خير.

الاخ الفاضل المحتار

حسب ظني والله اعلم
زوجتك عنيده وصارمه ومتبلدة الشعور ولديها شيئ من الكبرياء والغرور
مزاجيه ولا تقدر عواقب الامور وتعاني من الحماقه وتنقصها مخافة الله
ولديها ثقه عاليه بنفسها وأظن انها جميله
هذا بعض من صفات زوجتك ولن اطيل عليك اكثر من ذلك

لن اقول لك فتش في نفسك ربما التقصير منك , لأني افترض ان كل ما قلته صحيح
ومن عادتي لا استعجل باطلاق الأحكام

ولكن موضوعك واضح جدا بالنسبة لي
زوجتك بحاجه الى تصرف صارم منك يجابه صرامتها لتصحو من غفلتها وكبرياءها الكاذب

تزوج بثانيه وتوكل على الله وعندها ستعض زوجتك اصابع الندم
حيث لا ينفع الندم

قد يأتي من يعقب على ردي ويقول بأني استعجلت بمشورتي
ولكني كأني ارى السيناريو امامي بأنك ستصل الى قناعه تامه بعد الردود بما اشرت عليك هنا

!!!!!!؟؟!!!!!!؟؟!!!!!!؟؟!!!؟؟!!!!!

تزوووووج وعف نفسك هذي يامسحوره ياشايفه نفسها تزوج قبل يصير مالا تحمد عقباه ..
ولما تتزوج بتقعد تركض وراك من الغيره
بس إنتبه تظلمها أو تظلم الثآنيه خلك عااادل وبيحبوووونك مررره

من كلامك عملك توصيل طالبات يعني دخلك محدود وغير ثابت زبدة الكلام انذرها ثم طلقها ثم اخيرا اعرس .

اكرررررررررررررررره الحريم اللي كذا
تقول لك انا و رببي ووووو الخ ؟؟؟؟؟؟؟؟؟

تبغى تخسر دنيتك و اخرتك علشانها ؟؟؟؟؟؟؟؟؟؟؟؟؟
ايش تبغى حلول معها ؟ مرات هناك حلول للمشكلة لكن حل مشكلتك و بما انها ما تعفك عن الحرام
تسمع كلام الاخوان

لا حول ولا قوة الا بالله ..

ليه الإنجرااااف ؟؟؟!!! وربي أعطانا الحلول في مثل وضعك ..

مثل ماقال الأخ good man2000 اولاً الموعظة ثم الهجر ثم الضرب الغير المبرح

ثم الشكوى لأهلها واذا لم تنفع كل هذي الأساليب والطرق معها فتزوج بغيرها

وعف نفسك بالحلاااااال ..

لكن سؤال لماذا عملك توصيل طالبات أليس لك عمل حكومي وأجر ثاااابت ام انت

كبير سن ومتقااااعد لذلك تعمل لتوصيل الطاااالبات ؟؟!!

ثانيا : لا تؤذي او تفكر في الطالبااات اللواتي تنقلهم لأنهم أمااانة عندك ومسؤؤل عنهم

أمام الله ثم أهلهم ومالهم ذنب في مشاكلك انت وزوجتك فأستعجل بحل أمورك حتى لايقع

مالا يحمد عقباه ..

وأسأل الله ان يصلح أحوالكم ..