|
افيدوني باسم مطعم يجهز بوفيه وتجهيزات كاملة في الرياض
السلام عليكم الشهر عليكم مباركـ والله يتقبل منا ومنكم صالح الاعمال .. باذن الله زوجتي بتجي من السفر وابي مطعم يجهز لي حفلة في البيت العشاء + يزين البيت بالورود واشياء حلوووه . ابي احد يفيدني الله يخليكم |
في اي منطقه انت حتى الاعضاء يفيدوك ان شاء الله
والحمد لله على سلامت زوجتك |
المكان الانسب ×× بالتوفيق ؛
|
أنا في منطقة الرياض
وشكراً |
يعني بوفيه لك ولها بس ؟!
فيه سعد الدين وفيه بالسليمانية دار الأطعمة بوفيهاته حلوة من ناحية الأكل بس ماأدري إذا بيفيدك في طريقة التزيين اتصل بالشيراتون والأنتر عندهم تنظيم حفلات خارجية يمكن يفيدونك .. بالتوفيق .. |
اتوقع محلات الورد تسوي لك زينه مثل زهره الربيع ..<<ماتاكدت بس اتوقع انو يسوى مثل هالامور
واذا انت وهي بس وماحصلت احد يسوى سوى الترتيبات الاساسيه انت واذا تبي مساعده بافكار حاضرين |
مشكورين على الردود
وشكلي بسويها بنفسي بس ماراح نستغني عن افكاركم الجميله الله يخليكم وياليت بشرح مفصل واكون شاكر ومقدر لكم |
شوف اخوي اطلب من محلات تجهيز الحفلات طاوله على قدكم وكرسيين
واطلب منهم الكاسات والصحون تجيك الطاوله مفروشه وجاهزه وحط العشاء عالطاوله بشكل مرتب واذا فيه كيكه اطلب طاولتين طاوله للكيكه وحط حوليها شموع وخل الارضيه ورد مجفف وحوليها كاسين عصير او ملك شيك جيبه جاهز وحطه بالفريزر وانت قبل جيتها حطه بالكاسات وعالطاوله نفسها حط باقه الورد وبما انو عشاء فحلو تخليه رومنسي شوي واسهل لانو انت الي بتسويه يعني تطفي الانوار وتحط شموع في المدخل على شكل ممر وتشغل فواحه ومكان العشاء اضاءه خافته والشموع تكون كم حبه بس من النوع الكبير الي يصير عريض شوي يعني وحده في طاوله الكيكه ووثنتين في طاوله العشاء <<والافضل انو تكون الشموع بريحه حلوه ولو تسوي بطاقه دعوه على عشاء بدون ماتذكر المكان وتغير طريقك للبيت وقبل توصل البيت تقول بجيب بوكي مثلا كانك نسيت البوك وادخل سوى الترتيبات شغل الشموع حط العصير وبعدها اطلب منها تدخل :) وماادري اذا انت من النوع الي يحب البلونات او لا بس فيه حركه البلونات الي على شكل قوس <<سويتها بحفلة اختي مو مضبوطه مثل الجاهزه بس حلوه سوى خيطين من البلونات ولفهم مع بعض <<بتنحاس بس اه شي تصير طويله وعلقها على المدخل بشكل قوس والافضل توسها لون واحد عشان ماتبان الحوسه مثل حالتي انا كنت حاطه ابيض واسود <<تخرج الكيكه لو تكتب عليها الحمدلله عالسلامه بعد شي الحلو كيكات سعد الدين حلوه والقباني بعد روووعه امممممم ماادري بصراحه هل افدتك اولا بس اتمنى اني افدتك :) والله يوفقك |
بيض الله وجهك في الشهر الفضيل
ماقصرتي وعسى الوقت يسعدني اسويها |
ليش ماتحط بغرفة نومك ناموسيه هذا شكلها
http://seewar.com/lamoo/img/3052111.jpg تكون مره رايقة وتعطي فخامة للغرفة تحصلها موجودة بايكيا و سنتر بوينت هذي الفكرة جت في بالي |
| الساعة الآن 08:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©