|
ما أقدر أنسى محاولة أهل زوجي لفرض سيطرتهم..
السلام عليكم و رحمة الله و بركاته
أخواني و أخواتي في المنتدى .. فيه شئ في قلبي من سنوات و ماني قادرة أسامح و أنسى .. رجاءً ،، اللي يدخل يرمي كلام فقط ، فأنا ما جيت إلا لإيجاد حل أو توجيه عالأقل و فضفضة كذلك لأرتاح .. قبل كل شئ ، فأنا انسانة قلبي أبيض مثل قلب الطفل و أسامح بسرعة مجرد ما ألقى اللي أمامي متندم أحب الخير و أخاف الله و أراقبه في كل فعل ،، حنونة و زوجي يحبني و أهلي و زميلاتي و طموحة و مثقفة .. و كريمة مع الاخرين و أحب أساعد الضعفاء و الأطفال .. و دايما أعطي فرص عديدة .. ما أتحمل أشيل في قلبي على أحد ، نفسيتي تتعب من جد .. و صادقة و صريحة .. في نفس الوقت ، عصبية و عنيدة إذا أحد دعس لي على طرف ،، ما أرضى بالذل أبدا و لا بالإستغلال و ما أسامح اللي يظلمني إلا إذا حسيت بندمه و حسن معاملته معي.. أعطي فرص للي يظلمني و في الأخير اسحب حالي و ما التفت للخلف .. الموضوع متعلق بزوجي و أهله .. لكن بشكل رئيسي في أهل زوجي .. ماني قادرة أحبهم ، كل ما أعطيتهم فرصة ،، استغلوها أسوأ استغلال .. يبحثوا عن طريقة لإهانتي .. و إذا زاد الأمر ، أنا ما راح أقدر أتحملهم و مستعدة انفصل عن زوجي و لا أعيش معهم و أعاشرهم .. لإنهم ناس ما يتعاشروا ،. حتى زوجي مو متحمل أهله و مع كذا ، أذكره إنه يسأل عن أمه و أبوه و ما يقصر معهم .. و ما يظلمني عشان أهله .. يا جماعة ما أقدر أحبهم و لا أبغى أسمع أي شئ عنهم .. ظلموني كثييييير .. عمري ما شفت و لا سمعت شئ حلو منهم .. يا دق بالكلام ، يا حركات نص كم ، يا مدري إيش ..؟؟؟؟؟ أحاول أنسى و ما أقدر .. مع العلم ، إنه دايما يوم أحد يغلط علي من أهلي حتى لو أخوي الصغير .. أسامحه و أنسى .. ما أشيل في قلبي و أمي تحبني علشان دايم إذا شتمتني أمزح معها و أنسى و ما أرد .. و عمي إذا أخواني زعلوا منه ، أبادر أنا بالإتصال على عمي و السؤال عنه مع إنه هو اللي ظالمنا يكون ؟ |
صحيح انه بعدني مب متزوجه بس بشارك بناء على سماحك ، شكلهم يحسون انه هم اقل عنك او بالدونيه عشان كذا يستغلون اي فرصه عشان يهينوك،،،،يمكن يا اختي انتي محسستنهم انهم اقل عنك بدون لا تشعرين،،،،،انتي دوري شو السبب عشان تحلينه،،،،،،،لانه في زوجات لما تتزوج خلاص تبي زوجها كل حقها وحق اهلها اكييييد مب قصدها بس لازم اتراعي،،،،،وهذا يخلي اهله يكرهونها،،،،،،،اما اذا ما في سبب وانتي تمام التمام في التعامل معهم فهذا اكيد طبع وتعودوا عليه.،وحاولي انتي ما تخلينهم يستغلونك يعني ما تعطيهم فرصه،،،،اذا في موضوع مثلا انتي متيقنه من انه رح يفترون عليكي لا تبينه حقهم،،،،،وحاولي تطلعون اني وزوجك من البيت بس كلا ولا الانفصال بعيد الشر لاتفكرين فيه مدام انتي وزوجك متفاهمين ليه الطلاق،،،،إن شاء الله اكون افدتك |
أختي وصلت حدي
أنا متواضعة لأبعد درجة و أكره الظلم و التكبر، و هم كانوا يحسبوا إنه تواضعي و طيبتي معهم ( ضعف ) .. و عمري ما حسستهم إني أحسن منهم ،، و زوجي أنا اللي أنصحه دايما يوصل أهله .. هو يحب أهلي و يموووووووت فيهم و حتى أمي كانت تقول خليه يروح عند أهله و تحسبني أمي إني أنا ماسكته ؟ كنت أستغرب من زوجي ليش يبعد عنهم ؟ ما كنت فاهمة شئ في البداية أول ما تزوجت بس يوم شفت تعاملهم معاه ، عذرته .. حتى أقرب لك الصورة أختي ، زوجة أخوهم ( تنظلم منهم ) و تنضرب و يظلموها ،، لإنها طيبة معهم و أهلها فقراء فهم يستغلوا ضعفها و يضربوها و يذلوها .. حسبوني احترمهم و أتعامل بأدب و أخلاق معهم علشان ( ضعف و خوف ) الحمد لله إني متعلمة و فاهمة ، فكنت أشوف تصرفاتهم و تعاملهم .. فما أعطيتهم مجال إنهم يستعبدوني .. هم بنفسهم يقولوا لزوجي حرمتك ما عمرها قصرت معنا و نحبها .. بس أنا من كثر ما أعطيتهم فرص كثيرة و كل شوي يحسبوه غباء مني و يحاولوا يقلبوني على زوجي أو يقلبوا زوجي علي بطرق خبيثة .. خلاص قلبي مو قادر يسامح .. يعني بإختصار ، كان ممكن حياتي تصير مثل حياة ولدهم ، لكن ما أعطيتهم فرصة و لا حتى زوجي ما أعطاهم فرصة احكي لك موقف من المواقف ، أول ما تزوجت و من أول أسبوع .. سلفتي - زوجة اخو زوجي - تخدمهم ، تكنس لهم ، تطبخ لهم و تشتغل في بيتها و بيت حماتها و إذا ما عجبهم شئ ، يشتكوا لولدهم علشان يضربها و ينبسطوا ، و إذا يبغوها تسمع كلامهم ، يهددوها إنهم يشتكوا لولدهم علشان يضربها ( بالله ، هذولا ناس يتعاشروا ؟؟؟ ) كنت أزعل علشانها و أكلم زوجي ، أقول له حرام ليش كذا تعاملوها ؟ مو اانسان هي ؟ ترى ربي ما يرضى بالظلم سلفتي تحبني مرررررة و نفس الوقت يوم تشوف أهل زوجي يعاملوني مو نفس معاملتهم لها وجهها يتغير ،، بس أعذرها و أقول مسكينة غصب عنها ،، و أراعي مشاعرها ،، يحاولوا أاهل زوجي يسببوا فتن ما بيننا أنا و هي ،، ( أنا عموما بعدت نفسي عنها و عنهم في الأخير ) أهل زوجي بإختصار ( همج ، كذابين ، ما عندهم ذوق في التعامل ، ما عندهم أمانة ، مرائيين ، منافقين ، يكرهوا الضعيف و يستعبدوه ، و يحبوا اللي عنده فلوس و يذلوا نفسهم علشانه ، نكديين ، يحبوا ينتقدوا بس أي أحد و يسخروا منه ، و لسانهم وسخ ، يتكلموا كلام وسخ قدام زوجي ، وحدة توصف الشئ الخاص بزوجها لأخوها ؟ ما عندهم حياء و لا مبدأ ) هذا مو رأيي بس أنا ، زوجة أخوهم مرررررة طيبة و على نياتها .. أول اسبوع كنت عروسة ، جات حماتي تقول ( نحن نحبك مانحبها ) و زوجي يقول لي ( هذه سلفتك تراها كذا كذا في سروال ) <- كلام وسسسسسسخ سمعه من أمه و أخواته ؟؟؟؟؟ قلت له ، مو عيب عليكم تتكلموا عنها كذا و هي خدمتكم سنواااااااااااااااااااات ؟؟ هذا جزاتها ؟ إذا أنا من أول أسبوع تقولوا كذا من وراها ،، أنا إيش راح تقولوا عني بعد كم شهر ..؟؟؟؟ و من أول شهر تزوجت فيه ، حماتي تجلس معاي تحكي لي حكاية .. و أنا كنت معهم محترمة جدا و أصلا أمي مربيتنا ما نرد على الكبير .. بس حماتي شافت علاقتي مع أبو زوجي كويسة لإني احترمه بس ما أخاف منه زي ما الكل يخاف منه .. أنا مبدأيي إني أخاف من الله و بس ، ليه أخاف من بشر مثلي و ربي خلقني ( حرة ) ..؟؟؟ تقول لي ، سيدنا ابراهيم يوم أمر ولده يطلق حرمته .. طلقها الأب إذا بيوم غضب من زوجة ولده و قال لولده طلقها ، غصب عنه يطلقها .. هبلة كنت و ما فهمت و عادي اتكلم معها وو مبتسمةة .. رجعت تاني شهر تقولي نفس الحكاية ،، و ثالث مرة كمان .. و كنت خلاص فهمتها من تعاملهم مع سلفتي و محاولتهم لزرع فتن بيني و بين زوجي و هبلة كنت .. اخر شئ قلت هذه ايش تقصد يوم كل شوي تقولي نفس الحكاية ..؟؟؟؟ و أنا زي الهبلة ابتسم لها ..؟؟؟ بتخوفني من أبو زوجي ، و تخوفني من الطلاق ..؟؟؟ زي ما سلفتي ترتعد من أبو زوجها و كل شوي يهددوها أهل زوج ترى ولدنا يطلقك ،، جلست حماتي تحاول تخوفني بالطريقة هذه وقتها قلت لزوجي ،، لا تحسبني خايفة من الطلاق ،، إذا بتطلق ، طلق من دحين .. لإن زوجي يخاف من أبوه و شخصيته ضعيفة عند أهله مرررررررة ، لدرجة أخته تخاصمه و يجلس يبكي ( قبل زواجنا طبعا ) إذا بتهددوا بالطلاق ، فمع السلامة .. و هو شايف تعاملي كيف مع أهله و توددي لهم بس هم يبغوا يستعبدوني ..؟؟؟؟؟ و مو عاجبهم تعاملي معهم كأني وحدة من بناتهم ؟؟؟؟؟؟ أنا ليش كاتبة موضوعي ؟ لإنه هذه المرة المليون اللي تتكرر معاي نفس الشئ .. أعاملهم بحب و احترام و أنسى و أسامح كل شئ .. و اكتشف بعدين إنهم يعاملوني كويس و يتقربوا مني علشان ( غرض دنيئ بداخلهم ) و تصير مشاكل كبيرة بيني و بين زوجي بسببهم و توصل للطلاق يقوم يتخاصم معاي و يقولي تستاااااااااااااااااااااااهلي ، ماحد قال لك تصيري طيبة معهم و تكلميهم تستاااااااااااااااااهلي ، جبتيها على راسك ،، أقول له علشان أفرحك و إنهم أهلك ، هذا جزاتي ؟؟؟ يقولي ، أنا ماطلبت منك ،، قلت له مو لازم تطلب مني ،، بس ما أحب أشيل في قلبي على أحد .. يقولي تستاهلي اللي جاك ،، و مرة تانية تسمعي كلامي يوم أقول لك بعدي عنهم ؟؟؟ دحين قطعت علاقتي فيهم تماماااااااااااااااااااااااااااا من كثر ما كل شوي أعاملهم كويس ، يقوموا يحاولوا يحفروا يحاولوا يسببوا فتن بيني و بين زوجي .. يعني لو قلت كلمة ( عادية بحسن نية ) أخدوا الكلمة هذه وو عملوا منها حكاية يعني ماني غبية ما أعرف أتعامل مع الناس علشان على كل كلمة يستقعدولي فيها و يفسروها من راسهم ؟ اجتماعية و الحمد لله و لي مركز مرموق في المجتمع و الحمد لله بس ما عمري حسستهم باالشئ هذا ؟؟؟؟ بإختصار .. حتى أختي إذا كل شوي تتصيد أي غلطة ليا ، راح اتجنبها .. |
اختي موضوعك جميل لكن للاسف مع احترامي لك اني مو متزنة
اختي انتي قلتي انا مستعدة انفصل عن زوجي وزوجك مو راضي بحركات اهلة صحيح كيف امراة عاقلة تقول كذا اكيد زوجك يدلعك قدام امة صح الام تقول في قلبها انا اربي وباخر شي تجي هذي تاخذه مني طبعا الام راح تقول كذا وهذا قلب الام والعجايز الكبار انتي حاولي انك تروحين قليل لهم او فية حل احسن من كذا اذا اصبحتي الصباح ارفعي التيلفون وكلمي امة وقولي لها بس حبيت اسلم عليك واسمع صوتك انتي تحملي ولا تتعصبين اذا سوو لك حركة مو حلوة اقلبيها ضحك لا تشيلين بخاطرك على احد مو تقولين انك قلبك ابيض خلي العناد عنك وخليها ضحك وهذا الي تمرين فية اغلب الحريم تمر فية بعني مو اول وحد ولا اخر وحدة وحكم عقلك قبل عواطفك تقبلي تحياتي واسف اخوك صالح |
اخوي صالح
باقول شئ .. انا باتكلم هنا من موضع قوة مو ضعف.. انا ماباشتكي مو سوء معاملتهم امامي.. هم قدامي دايما يقولوا نحبك وكذابيييين يبغوا يتمسكنوا لحد مايتمكنوا مثل ماعملوا مع حريم اولادهم ياخوي انا باترك زوجي علشان يشبعوا منه و ارتاح منهم هو تزوجته لانهم كذبوا على اهلي و كانت امه حاطة عينها على راتبي سمعت اني توظفت و جريت تحسبني راح اصرف عليها و على ولدها تجي قدامي تشتم هي و ابو زوجي يشتموا زوجي انه وانه وانه .. و قدامه يحرضوه عليا انا محترمة قدام امه و اراعي مشاعرهم كلهم انا متضايقة من نفسي اني على قد ماحاولت اسامح بس ماقدرت لانه مو اول مرة اعطي فرصة واسامح و يرجعوا لنفس حركاتهم زوجي كذا مرتاح لعلمك .. هو اللي من زمان كان يخاصمني اذا تكلمت معهم اصحاب زوجي و اهله كمان كانوا يقولوله حرمتك تحطها فوق راسك من اللي تحملته.. بس زوجي سامحته لانه شاريني اهله مو شايفين فيا عيب و يحاولوا باي طريقة يطلعوا عيب فيا انا مابالتفت لخلفي لاني مؤمنة بالله و واثقة من حالي بس يحاولوا يعملوا اي مصيبة وانا فاهمتهم تعرف احساس اللي ينافقك (بغباء) ويحسب حاله ذكي ???? ناس نكديييين حياتهم كلها مشاكل و نكد و صراخ و سب و شتم وضرب |
انا ماني مثل اغلب الحريم اللي يخافوا من اهل ازواجهم
انا احتررررررم بس ما اخاف اذا شفت شئ غلط تكلمت بادب و احترام علشان كذا يخافوا و ينافقوا الشجاع يجي يتكلم قدامي مو ينافق يحاولوا يرموا عيوبهم و عيوب زوجي علي بس ما التفت لهم و اللي يغلط اواجهه ناس جبناء يذلوا نفسهم عند الناس علشان الفلوس و اذا عاملتهم بكرم ذلوك وكلها تعارض مبادئي زوجي بشهادتهم تحسن وصار افضل من زمان بمليون مرة وكلهم عارفين انه من يوم تزوج تحسنت اخلاقه دايما يقولوله يعني لو باخليه لنفسي فالفرص قدامي لانه هو اصلا طفشان منهم بس انا ماني انانية وعقلي مو صغير |
تم النقل إلى القسم الأنسب.. |
انا اوصي ولدي يوصل اهل ابوه لكن جدته قدامي تعمل نفسها تحبه بس هي
ماتحبه ماقلت لاحد بس التمثيل يبان ولاني اشوف ابوزوجي واخوه يحبوا ولدي بعدين جدته مو مثل باقي الحريم الكبار والعجايز .. وحدة تحب الدنيا كل شئ تشوفه تبغاه.. وتنافق انها ملتزمة قدام الناس و تقولي (انا وحدة اسبوووور) تخاصم اولاد اولادها وتدلع اولاد بناتها انا مو بحاجة لمحبتها لولدي بس الحمدلله ماعمري امنع ولدي من زيارة اهل ابوه واهلي مااسمح لهم يتكلموا عن اهل زوجي واقولهم هذولا في الاخير اقارب ولدي انا بداخلي قلبي ملياااااااااان جروح وادعي ربنا اني اسامح وانسى الاساءة بس كذاب اللي يقول انه ينسى الظلم انا عايشة حياتي مرتاحة والحمدلله وعلاقتي معهم برسمية وحدود واحترام مع كذا الا يتمنوا مصيبة تجي على راسي ويكرهوا الخير ليا هم اصلا ناس حسوديييين كل ماشافوا واحد متنعم قاموا ينقهروا ويحقدوا حتى اهلي احرجوهم وسط الناس واخجلوهم .. امهم تدق على اخوي تقوله اعطيني فلوس وتوسط لنا عند فلان .. تدق على زوج اختي تبغى الوفات وتكذب انه عليها ديون وتاخد الفلوس عشان تشتري اخر موديل من مدري ايييييش ???? ابغى اخلص منهم لانهم فضحوني بكرة تفضحني عند الموظفات هي تعرف العيب ومالعيب .. بس على قولة المثل وجههم مغسل بمرق انا بافضفض حبة حبة علشان يمكن وقتها خلاص ارتاح واسامح وانسى |
والله يا اختي ان حالتك صعبة وحاس فيك
لكن انا ماعندي الا راي واحد انك تتجنبينهم لا تروحين اذا كانت معاملتهم معك تهدد بعلاقة زوجك فيك لا تروحين اجلسي ببيتك اصرف لك اريح لك ون كان الرجال شاريك ان امتلكية ووش دخل الجدة بالراتب حقك مالها خص فيك ممكن قصدها على شان تريحين ولدها من مصاريف البيت لكن مالها خص فيك اتمنى لك التوفيق |
يجب أن تتعاملي مع والد ووالدة زوجك بإحترام وتقدير ولو من بعيد لبعيد فهم في النهاية والدا زوجك وبمقام أبوكِ وأمكِ ,,
وتعاملي معهم بحذر وقليل جداً وتواصل رسمي عبر رسائل الجوال والإتصالات والزيارة المحددة بالنسبة لكِ ,, ودوماً تظهرين أمامهم الإحترام والتقدير والإبتسامة والروح المرحة |
| الساعة الآن 12:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©