|
تأثرت بزوجي
بسم الله الرحمن الرحيم
مساء \صباح \الخير مبارك عليكم الشهر الله يتقبل منا ومنكم صالح الأعمال ابدخل بسؤالي انا احب اتجمل لزوجي واحرص مايشووفني الا مرتبه ونظيفه بس هو مايشجع على الصامت لدرجتي اني اغير لون شعري والبس لبس جديد واهدي له هدايا بسيطه بس عنده كلو نفس بعض وتفاجأت بنفسي اني بديت مأهتم بنفسي اانظف البيت وانشغل مع العيال وهو صار عادي عندي مأتجمل له مثل اول بس دايم اكون نظيفه واذا حبيت اغير او البس اتذكر بروده وماتحمس شجعوني اوقول ليش زوجي كذا واذا تاخرت مارديت عليكم اعذروني لاني مو كل يوم على النت بس اذا فضيت والله يجزاكم خير |
اختي الحبيبة الرجل احيانا بعض الفتور انتي خليكي مثل ماانتي يمكن في اشياء شاغلته دين او ضغط عمل بس انتي ابتغي الاجر في لبسك في اي شي وربي ماراح يضيع اجرك دعواتك لي بتفريج همي
|
بعض الازواج مايحرصون على التعليق على زوجاتهم شنو لابسه او شنو حاطه ...
يمكن عشانه تعود عليك من تزوجتي وانتي تكشخي عنده او فيه شي مشغل باله .. خلك مثل منتي عليه يمكن معجبه هالشي |
حبيبتي .. البسي لنفسك قبل لا تلبسي له .. بهالطريقه ما راح تملين أو تنحطمين .. لانك مو منتظره مديح منه ..
ان الله جميل يحب الجمال .. خليكي دوم كاشخه .. النظافه اكيد مهمه .. لكن مو النظافه بس اللي راح تجذب , الزين و الحلو اهو اللي يجذب .. |
يمكن بعض الرجال ما يعرفون يمدحون اذا الزوجة لبست وكشخت
بس انتبهي الزوج اذا شاف برا البنات المتكشخات وزوجته مهملة بنفسها راح تزوغ عينه ويقارن ويحط له عذر ليه زوجتي ما تتعدل وتتزين لي ؟ نصيحة خلك على طول متأنقة ومتزينة لزوجك مثل لول وحتى لو ما قال شي أهم شي انتي سويتي اللي عليكي .. |
اذا بغيتي منه شي اعطيه مثله ! اذا بغيتي غزل ومديح امدحيه اذا لبس لاتيأسي مره وثنتين وثلاث بتلقينه يرد لك نفس الكلام وبعدين ليش ماتكشخين الا البسي وانبسطي وعيشي حياتك اذا مالبستي بتتعودين شوي شوي على الاهمال وبعدها على عدم النظافه هذا يجر هذا وبكره مابيقتنع انه هو السبب وبينقدك كوني جميلة الروح قبل الشكل هذي الانثى اللي تأسر الرجل الى الابد وكثير رجال اعجابهم ع الصامت :d |
ونعم الرأي
اشكركم فرد فرد انا مأبيه يمدحني عالطول ابي بس يحسسني انه يشوفني هو كل شي عنده عاااااااااااااااااااااااااااااااااااااااااااااادي رحتي وجيتي مثل مارحتي جيتي ههههههههههههههههههههههههه الله يعين بس عليه وانا راح اتزين لنفسي ماعلي منه وهو بالعكس انا امدحه اذا لبس او تعطر او حتى غير الكبك حقه المشكله مايشوف كشختي وزيني الى اذا جونا ضيوف مع لبسي هولبسي عنده وزينتي هي نفسه بس احسه يتفحصني اعجب الي يجونا او لا الله يوفقكم ويسعدكم |
اعرف وحده متزوجه كل ماسوت شي او غيرت شعرها او لبست له يقول لها زوحجها مسويتلي فيها تفهمين روحي روحي تروشي بس
تقول ادخل الحمام واتحمم وابكي من كل قلبي والبس جلابيه عاديه قلت لها هذا حتى الجلابيه خساره فيه البسي كرته وتخب عليه بعد |
الدنيا دنيتي والله هالدنيا غريبه والحياه الزوجيه مليانه بالغرايب زوجات يكشخون وازواجهم ماجابو خبر والعكس صحيح ازواج يتمنون زوجاتهم يهتمو فيهم ويكشخون لجلهم وزوجاتهم مايعرفو الكشخه الا اذا كانو ماشين لزواج او مناسبه شي بقوه يحير ازواج يشكون اهمال زوجاتهم للعلاقه الحميمه وزوجات يشكون ازواجهم بعدم رغبتهم في العلاقه تصدقين واحد من الزملاء يقول لي خمس سنوات متزوج اتمنى في يوم اجي البيت احصل المدام منومه العيال ومجهزه غرفة النوم وكاشخه ومتهياه للعلاقه الحميميه بس والله ماحصل ولا اضن يحصل مع اني المح لها واقول لها اني اتمنى هذا الشي لكن بالنسبه لكي اكشخي والبسي ولاتهتمي بما يقول قد ياتي يوم ويتحدث بعد هذه المده فاعان الله الجميع ودعواتنا للجميع بالتوفيق |
| الساعة الآن 04:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©