|
شغالتي بتسافر
السلام عليكم و رحمة الله و بركاته
أخواتي و أخواني شغالتي بتسافر قريب إن شاء الله ، تنصحوني بشئ اكافئها فيه على تعبها معاي في فترة دراستي ؟؟؟؟ نحن مغتربين و حاليا مضغوطة مع مشروع التخرج و مصاريف الطباعة و كذا .. و النقل لمدينة ثانية و استئجار منزل اخر و شايلة مبلغ احتياطي ،، و تجديد الفيزا وو عيد الفطر إن شاء الله.. بأجيب لها سلسلة و حلق ذهب بقيمة بسيط ،، و أفكر أخذها للكوافيرة و أمي قالت ماله داعي يوم قلت لها حتى زوجي قالي كفاية قطعتي لها تذاكر من باب بيتنا لحد باب بيتها و هدايا بسيطة لأهلها .. قلت له التذاكر من حقها و الهدايا كل وحدة قيمتها 10 ريال يمكن أو أقل ؟ و بأشتري لها شنطة سفر اللي تنسحب بالعجلة زيادة قيمتها يمكن 120 ريال .. لإن شنطتها تعبت و عندها أغراض زيادة .. و بأجيب هدية لولدها ؟؟؟ أببغى أبري ذمتي تجاهها و ما أحس بتقصير بيوم لا سمح الله .. هل هناك شئ تاني و لا كذا كويس ؟؟؟ و اخر يوم بأعزمها للمطعم إن شاء الله أنا و هي و ولدي .. و أكتب لها كرت مني لها ، شكر .. تحية |
بصراحة ..
موقف أكثر من رائع منكِ .. والشهاده لله شيء مشرف أنه لازال هناك قلوب تحمل هذا الكم الكبير من الرحمة ,, في ظل ما نقرأ وما نسمع عن اضطهاد وظلم واستعباد للخدم ,, حقيقة أقف لكِ وقفة احترام على هذا الموقف الإنساني الذي يحمل الكثير من القيم الإسلامية ,, كفيتي ووفيتي ويكفيك منها رداً لكل ماصنعتيه أنها تبقى تدعو لكِ كثيراً ..والله هذا يكفي .. ولا أخفيك دعوة مثل هؤلاء الضعفاء لها الأثر الكبير في حياتك .. وشخصياً مجربة ذلك .. بارك الله لكِ فيما رزقك .. وأثابك كل الخير .. وبارك لك في ذريتك .. وحفظكم من كل سوء. |
وعليكم السلام ورحمة الله ممكن من ضمن الهدايا العينية أنك تعطيها هدية لوالدتها - إذا كانت على قيد الحياة - أو لزوجها وهي تهديه له وهكذا من هالنوع من الهدايا وإن كان فيه كتاب يفيدها في دينها إن كانت مسلمة أو كتاب لدعوتها للإسلام - لغير المسلمين طبعاً - وعشاء بمطعم وجلسة ودية لتوديعها والله يعطيك على قد نيتك عزوبي بس رجل |
أختي كيوت بيبي
الله يجزاك خير ، ياااااااااااااارب بس تدعيلنا ،. أبغى دعوات علشان أتخرج : ( و ألف شكر لك لدعواتك ،. بالفعل أحمل لها جميل إنها مسكت ولدي في فترة دراستي و اهتمت فيه كأنه ولدها .. قلت لها بأكتب لك شكر في مشروع تخرجي و فرحت مرة .. :D جالسة أتخيل كل شوي ، إذا أنا موظفة في شركة و اشتغلت لمدة سنتين .. إيش الشئ اللي أتمنى إنهم يكافئوني به، لو شهادة تقدير عالأقل ..؟؟؟ ---------------------------------------- أخوي عزوبي بس رجل هي مو متعلقة كثير في أمها و لا عندها زوج ، علشان كذا كنت أفكر أخدها للكوافيرة يمكن تلقى لها عريس :D هي متعلقة في ولدها أكثر علشان كذا قلت بأجيب هدية لولدها .. زوجي يقولي كفاية كذا ، و أبغى هدية ذهب أجيبه لها علشان ممكن تستفيد من سعره .. و قالولي فتشي شنطتها و كذا و كذا و كذا ،، بس وكلت أمري لله و هو الحافظ لي .. :) لو هناك شئ لااااااااااااااااااسمح الله مثل ما نسمع دايما .. فأنا محسنة الظن بربي إن شاء الله و ما راح يصيبنا إلا ما كتب الله .. أجيب لها طقم ملابس جديد و بسيط عشان تقابل أهلها فيه ؟ |
الله يسعدك اختي مثل ماراح تدخلي هالفرحة بقلبها
ترى القليل يصنع بفلوبهن الكثير .. :) اختى عندي استفسار .. افتقد عضوتين بالمنتدى ولدي شكوك بانك واحدة منهن هل انتي روح الطير :15: ولا مشكلتي اصدق :18:لانمشكلتي بكل صراحة توحشني ردودها وتواجدها وايضا روح لان لاسلوب نفسة لكن معقولة غيرتي اسمك ومالاحظت http://smilles.5d5l.com/smile_albums/love/21.gif كل ماجيت ابي اسال مالقيت موضوع مناسب ؟:25: :25: |
حبيبتي احساس عمري
في يوم قلت لزوجي خلاص ما راح ادخل المنتدى لحد ما أسلم المشروع اخر رمضان قلت له غير باسوردي و ايميلي و أحلف إنك ما تعطيني هو لحد ما أسلم مشروعي حتى لو ترجيتك :D بعد كم يوم قلت له اعطيني هو بس ارد على موضوع واحد .. بلييييييز بعدين دخلت ايميل لي قديم هنا و لقيت اليوزر هذا اللي كنت هاملته و يوم شافني ، قلت له أدخل بس ارد على الأخلاق بليييز :D بس موضوع الشغالة ما يتأجل لإنها مسافرة قريب إن شاء الله ههه ايه مشكلتي أصدق وحشتني و الله مادري فينها اختفت ؟ مشكورة احساس عمري :) |
عرفتك من كتابتك و يوم تردين على ( مش مجرد كلام )
وحشتيني حبيبتي أثاري إسمك رزان مررررررررررررة حلو الإسم على بنيتي أحيي الروح الحلوة فيك ما شاء الله تبارك الرحمن أنا أشوف الطقم حلو و هدية لولدها و ما قصرتِ الله يوفقك في مشروعك و دراستك |
هلا رازان هلا وغلا
بالنسبه للهداياء اشوفها كفايه انتي اساليها وش خاطرها فيها يمكن تتمنى شي انا قلت لشغالتي وش نفسك فيه قالت اقص شعري ووديتها قص وصبغه ومن ناحيه تفتيشها اقولك طريقه سويتها مع شغالتي بدون اجرح مشاعرها جبت شنطه جديده وجبت كل اغراضها وقلت يلا نرتب الشنطه وهي استانست اني ارتب معها اغراضها وبعد ماخلصنا قفلتها وحطيتها بغرفتي قلت عشان عيالي مايلعبون فيها وبس الله يعطيك على قد نياتك ويثيبك ربي على مافعلتي |
من أجمل الهدايا التي احرص على تقديمها للعاملة المنزلية قبل ذهابها هي المصحف كاملا مفسرا الى لغتها الأم
|
اقتباس:
إن شاء الله أروح بكرة و أجيبه لها ، رمضان هنا طوييييييييييييييييل و ما تحبي تخرجي برة و الله يحلي ايامك يارب |
| الساعة الآن 11:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©