|
ساعدوني..فجأه أحس قلبي تزيد نبضاته...
السلام عليكم ورحمه الله وبركاته
بادخل فموضوعي على طول واتمنى اي احد مر في مثل اللي امر فيه يرد علي.. قبل قتره صرت احس بقلبي نبضاته تزيد فجأه يعني لما انا في وضع عادي فجأه احس قلبي تزيد نبضاته لبضع دقائق وبعدين يرجع عادي ومرات تتكرر هذي الحاله عندي اكثر من مره طبعا كلكم تعرفون كيف تكون دقات القلب في الوضع العادي انا بعض المرات قبل انام تجيني الحاله هذي قلبي يدق بسرعه مرره وبعدين يرجع عادي والله اني صرت اخاف الحين لانها زادت معي طبعا مااحس باي الم بس احس بالنبضات لما تسرع وماعلمت احد من أهلي لاني احس الوضع عادي الله يسعدكم اللي عنده خبره يفيدني انتظركم ...... |
اذا كنتي تاخذي ادوية ريجيم اوقفيها حالا
انا كنت اخذ دوا يسد الشهية و كان يعمللي كذا و وقفته و الحمد لله رجع طبيعي روحي لدكتور لا تسكتي عن نفسك و الله يشفيكي و يرفع عنك |
راجعي طبيب يشوفون النبض عندك لاتسكتي على الموضوع
|
حبيبتي سلامتك من كل شر
مثل ما قالت دبدوبي ادوية الرجيم وانا ازيدك عليها كل المشروبات الغازيه والقهوه والشاي والهيل يا الله شو كنت احب نكهة الهيل بالاكل تجنن انحرمت منه كلو لازم يكون ديكاف يعني من غير كافيين حتى الشوكولا ايضا لازم يخف اكلو كتيررر اعملي مثل ما قلت لك وراقبي نفسك وشوفي وطبعا راجعي الطبيب يكون افضل تذكري بعد شرب الشاي او القهوه او المشروبات الغازيه تزيد سلامتك يا قمر من كل شر ويمكن قلبك تزيد دقاتو لانك تحبيني وتفكري فيني ههههه اضحكي |
اقتباس:
انا نحيفه ولا عمري اخذت أدويه رجيم .. |
اقتباس:
مشكلتي ما اقدر اروح المستشفى خايفه يطلع شيء كبير قلت اشوف بالمنتدى .... واهلي اصلا ماعندهم خبر ..ما اقدر اقول لهم ... |
اقتباس:
المشروبات الغازيه نادراً مااشربها .. الله يسلمك GREEN222 أن شاء الله مايكون فيني شي... ههههه شوفوني ضحكت ...ههههه:) |
طيب هل عندك ضغط نفسي او معقول من كثر الحر عندكم
راقبي الضغط ومن ثم نصيحه لوجه الله اذا تكلمتي وانتبهتي على صحتك الآن افضل مليون مره من الوسواس وتتراكم الحاله نكون بشي بسيط وصغير يصير كبير لا سمح الله بتعرفي تاخذي النبض عندك وعدي واذا وصلت النبض 100 او 120 لازم تلحقي نفسك سلامتك يا قمر من كل شر |
اقتباس:
الضغط موجود بس والله أحاول اسلي نفسي والحمد لله مع الدعاء والاستغفار وقراءه القران احس بتحسن . بس مافهمت كيف آخذ النبض ؟؟ مشكوره ياقلبي الله يسعد ايامك بإذن الله... |
اختي هذي الحالة دايما تجيني ... الى درجة اني اسمع الخفقان باذني ... واحس قلبي يضرب ضرب ... كانه يبغى يطلع من صدري .... وبعدها احس بالبرد .... والتعب الشديد .... واتغطى بالبطانية ... وامي تقرا علي من القرآن .... ويستمر الوضع معي ... نصف ساعة واحيانا ساعة ..... وبعدها يروح ..
ورحت للمستشفى مئات المرات ... ويقولو لي هذي من التفكير انتي عندك مشكلة نفسية !! وعملت تخطيط قلب 12 مرة في حياتي ....... وكلها نتايجها سليمة ..... والى الآن انا مو عارفة السبب .... بس ماعاد اخاف منه زي اول لانه صار شبه روتين في حياتي .. |
| الساعة الآن 12:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©