زوجي عنيييييييد
 

السلام عليكم

يا اخواني انا مالي غير الله ثم انتم أتمنى تعطوني حل لمشكلتي


انا امراة متزوجة وصار لي سنتين عندي بنت وولد وزوجي على رغم كل الصفات الحلوه اللي فيه فيه طبع ماني قادرة اتعايش معه وبعض التصرفات اللي تخليني اعصب وانفعل والحين انا حيل متضايقه منه


الموضوع ومافيه ان زوجي من النوع اللي ما يحب احد يتناقش معه يعني اللي يبيه دااااااااااااااااااائما ولازم هو اللي يمشي حتى اذا انا مو موافقه عليه او مو عاجبني اهم شي رايه وحااااااااااااااولت بكل الطرق سواء بالمناقشة او الحوار والانصات ما اقدر اقنعه ودائم هو اللي يسكتني وانا اسمعه وبقولكم كذا موقف صار مثلا لمن انجبت بنتي الاولى عقب8 شهور ظل يزن انه يبي ولد قلت اصبر على الاقل سنتين ما رضى وظليت احاول وقنعه واهو مو راضي لين عقب محاولات واحداث رضى انو عقب سنة احمل هو اللي وافق وعاجبه وقرر وراضي وانا مو راضيه مابي احمل كنت ابي بنتي تكبر ع الاقل المهم تناجرت معه وعصب وقال والله اذا ما حملتي اتزوج عليك والله ياربي افهمني انا راضية بس ابيك تصبر شوي عارفه انو من حقه بس هم لازم يكون فيه اتفاق بينا بكيت كثير وعقبها حملت الحمدالله يارب وجبت ولد والحين انا عند اهلي ما خلصت الاربعين وقاعده بهذي الفترة اطلب منه شغلات مثلا ابيه يجيب لي شغاله من جنسية معينة وابيها تسكن عندي في شقتي مارضى يا انه يجيب الشغاله اللي من الجنسية اللي هو يبيها ومصر عليها وتسكن عند أمـــه !! بس انه الصبح تجي عندي الشقة كانه دوااااااااااااام انا مارضيت وعصبت وتناجرنا كثير ع هالموضوع والشغالة اللي قبل كانت كذا وانا مو عاجبني الوضع واهو عاجبه وراضي مع انه امه عندها شغالة طيب واهو عذره انه ما يحب شغالة عنده بالبيت !! طيب شسوي انا تعبت تعبت مانيي قادرة ياربي ما يقتنع ودائما كلامه هو اللي يمشي الا اذا

انا دخلت احد بالسالفة مثلا ابوي او امي اي احد او اني اكبر الموضوع يا انك تسوي اللي ابيه ولا تطلقني والله جد تعبت تعبت استغفر الله ما احب اقول هالكلمة لكن هو يحدني اني اقولها
او اقوله ان مارضيت والله لاروح عند اهلي من صدق اهو هنا بكذا مره غير رايه لكن مووووووو بكل مره

بس انا ماني عارفه كيف اتعامل معه عنيد جداا ورايه هو اللي يمشي ان شاء الله لو اموت لا تقولون لي ابكي مااااااااااااا اكسر خاطره لو بكيت ينقرف مني اصلا هو مايحبني لمن ابكي يعصب ويطلع

والحين طالع لي بطلعه جديده ما أبيك تاخذين شي لمنع الحمل :( ياربي طيب ليه بس كذا مو زين خلينا كذا بعد سنتين ان شاء الله أبغى انا هنا انقهرت لا تكمل مااااااااااااااابي مابي وعصبت شسوي حتى والله سألت فيها ما يجوز اخذ حبوب من غير علم زوجي طيييييييييييييب شسوي والله ما ينفع معه الاقناع والكلام :30: على هواه !!

ساعدوني الله يخليكم

الزوج العنيد ما ينفع معه بكي ونواح وصراخ لأنه يعند اكثر يحس انك بتحطيه بالمر الواقع وهو ما يحب هذه الطريقة, لازمه حوار هادئ جدا ولما يكون مزاجه رايق عالاااااخر توضحيله السبب وتقنعيه اما انك تقولي ما ابي ومن هالكلام يحس انك تتحدي رح يرفض ويمشي كلامه
قولي له كلامك نافذ وكل شي وانت الرجال وامدحي فيه وبعدين قولي وجهة نظرك بطريقة تخلي يسمعك للاخر وما يحس بالتحدي يعني لا تجيبي سيرت اهلك وتحردي خذي بالحنية
اذا كان حنون عليك بيني له ان جسمك ضعيف الان وتعبتي من الحمل ولازم ترتاحي يعني تحننيه عليك من دون بكاء وصراخ بالكلمة الطيبة ينفع معه
الله يسخره ويرده لك

كان الله في عونك ..
زوجك ليس عنيد فقط بل اناني جدا ..
و تنظيم الحمل جائز شرعا و الله اعلم .. و لكن تحديد النسل هو ما قال فيه العلماء ..
اقنعي زوجك الا يحملك فوق طاقتك .. فالمسافة بين الاطفال تجعل الحياة مريحة .. و تجعل عددهم قليلا ايضا فيكون الاهتمام اكثر تركيزا
الله يهديه ..

عليكم السلام
حياكِ الله أختي ملامح وجوه ..
مرور سريع على الطاير ..
حبيت أوضح إنه الجملة اللي قلتيها خطأ وهي جملة ..
والصحيح ..
أنا مالي غير الله ثم أنتم ..

تحياتي .

احسن حل للزوج العنيد هو الحقران

بمعنى قالك ابيج تحملين

قوليله يصير خير لا اي ولا لا

قالك باجيب خدامه من الجنسية الفلانة

اوكي ما تفرق معاي

ومرة عن مرة راح يسوي اللي انتي تبينه

لا تناجرينه ولا تسوين من الحبه قبة

خلي الامور متيسرة ومشيها

عندنا مثل بالكويت يقول

الحقران يقطع المصران

وانتي بنفس الوقت توددي له وخليه يحبج

خلي لسانج ينقط عسل

وهالله هالله بالتزين والتكشخ

وعسى ربي يوفقج وييسر امرج

يمكن لان انتي ساكته عنه وكل مرة توافقين بالي يبيه قام يتمادى لازم تكون عندج شخصية حاولي عامليه مثل ما يعاملج اذا اهو الشغلة عنده عناد انتي بعد عاندي عشان يحس الله يهديه ان شاء الله :11:

الله يعينك حبيبتي ويهديه