ابي الطلاق بس مابي اذكر عيوب زوجتي
 

الي فهمته انك تبي تطلق بس ماتبي تقول لابوهااولها على عيوبها

اذا انك فعلا حاسس انك منت مقتنع فيهاصدقني حتكون طول عمرك كذاماراح تقتنع المفروض من ايام الملكه تتخذقرارك...الحب الي يجي بعدالزواج يااخي له شروط وشرطه انه يكون فيه قبول مبدئ واقتناع من البدايه بعدهايجي الحب مع العشره والايام

لكن انت ماتقبلتهامن اول نظره ولااقتنعت فيها المفروض ماتحط امل انك راح تحبها..هداك الله تجي الحين بعدمافات الاوان تتخذقرارالطلاق

عموماانتبه من موضوع الحمل لانه حرام يكون بينكم طفل وانتوا كذا واذا سويت الي في بالك وطلقت اتمنى انك تذكرهابالخيرقدام الناس والي يسال قله( مااتفقنا)

الله يألف بينكم

يااخي بما انو الغدة عندها كسل طبيعي جدااااا كل تصرفاتها الغدة كسلها يسبب خمول وتاثيرات نفسية اخرى
وتسبب السمنة ايضا...
يعني 5 اشهر غير كافية
لان تحدد
واغلب البنات صراحة اول الزواج يكون في من ناحيتهم شوية اهمال في الطبخ والكوي

ومع نصح الزوج والايام بتحملو المسؤولية وبتغيرو صدقني كلنا كنا فينا كسل او تقصير في بعض النواحي والان مافي احلا منا

عالجها الاول من الغدة بعدين انصحها
وانا حسيت من كلامك انو اسلوبك معها لسة ماتبعت كل الممكن من نصح وارشاد وحب وحنان

مسكينة يعني بدها مين يوجهها

والاهم مبدئيا تاجيل الحمل لحين تتضح الصورة معك وتتفاهمو وتتحسن اموركو

الله يجزاك خير يا Beta2

المشكله انا شايفها مرتين مو مره بس في اشيا داخليه ماتبينت معي الا بعد الزواج يعني زي ترهلات اتوقع صعب علاجها وما اشوف انها مستعده لهشي حتى بالجماع اواجه مشاكل معها مع اني انا وزني كبير شوي
تصدقون بعد الزواج اكتشفت انه موقفه عن العلاج من مده مادري كيف اهلها رضو انه تبطل واحساسي انهم مدلعينها
والي يضيق صدري كل ماجيت من الدوام مافي اي اهتمام لازم انا امرها تسوي الغدا واذا سوت الغدا ما اقدر اكل زين تسد نفسي ماتشجع علا الاكل تلمس مجامله استغرب منها عكسي تماما بالاكل انا من النوع الي يحب المشاركه وبذات بالاكل تنفتح نفسي والله ما اتهنا بالاكل الا مع اهلي والا مع الشباب حماس


ودمتم بحفظ الله

يا أخوي لا تطلق الله يحفظك .. ولا تفكر في الطلاق ..

موضوع الطبخ والكوي .. اصبر ..

بنات الزمن هذا إلا من رحم ربي .. يبيلها سنة أو سنتين .. علشان تتعود على أمور البيت وتحمل المسؤولية ..

أول شيء رووح للمستشفى وشوف مشكلة الغده .. وهل لها علاج .. وعالجها ..

ويوم يكتب لها ربي الشفاء وأسأل الله أن يشفيها عاجلا... ابدأ انصحها ..

وممكن تعمل جدول للأكل الصحي .. لك ولها وتعمل جدول للتخسيس والرياضه لك ولها ..

أنت الآن تزوجت .. لو كان قبل الزواج علموك بالعيوب اللي فيها كان أفضل ..

بس الحين أنت في وسط المشكلة والأمر راجع لك .. مع أني أرى أولاً : أن تساعدها .. بالأمور اللي ذكرتها لك ..

الطلاق ليس حلا للمشكلة .. ..

اغلب بناتنا إلا من رحم الله فيهم الأمور اللي ذكرتها بموضوعك ..

بس يبيلك تصبر وتوجه وتدعي ربك ..



الله يحفظكم لبعض ويسخركم لبعض ..

تسلمون علا الردود

ما اتخذت القرار ايام الملكه لا اسباب الا وهي قلت مو مشكله هاذا مرض وقدر من الله وقلت في نفسي لو اتركها ايام الملكه وش بيقلون الناس عنها تركها بعد الملكه هاذي مشكله للبنت ومشيت بعض الامور بس بعض تصرفاتها تقهرني تستغفلني وتكذب علي احيانا والوازع الديني عندها مش والا بد مهمله تصدقون سافرنا يوم دينا لمكه قالت مابي اعتمر تعبانه وانا اكتشفت انه مابفيها الا العافيه انصدمت الصراحه من هالموقف والا جبرتها

بحثت بالانترنت عن سلبيات هاذا المرض واتضح انه مزمن الا من رحم ربي ويسبب بعض المشاكل الي عندها بس ما اتوقع انه ينزل وزنها لانه السمنه الي تسببها الغده تورم فقط مع استخدام العلاج تروح بس فيه ترهولات من الوزن السابق لها لانه كانت اسمن من الحين وبالنسبه للكل حاولت مها بس تقول ما احبه وما تقدر تجبر احد علا شي مايحبه احس انه صعبه شوي

تبي الجد يابو لسع في حاجه هي الي اتوقع ما تعالج مثل يوم تغسل الدجاجه وتقرفت منها عقبها كرهت الدجاج ومره جت علا اصبعها نقطت زيت من القلي وهاذا شي طبيعي يحصل مع الحريم تنكدت وما كملت شغلها تركته عشان نقطه يعني شغل دلع

ياخوك شوف .. أنت حطيت براسك الطلاق .. ومن موضوعك .. إنك تبي تعرف الطريقة .. كيف ترجع البنت لأهلها من غير ما تقولهم وش فيها من عيوب ,,

الأعضاء يعطونك حلولهم وآرائهم والقرار لك ياغالي..

بإمكانك تتأكد أولا من انها ليست حامل .. ثم تستخير ربك والخيرة فيما اختاره الله عز وجل ..

أنا اللي أشوفه إنك في مشكلة وأنت جزء منها .. وتبغى تتخلص من المشكلة هذه ..طيب شوف.....

بإمكانك ترجعها لبيت أهلها وتقول البنت ما ناسبتني .. ليش قلهم ماناسبنا بعض .. وخلاص انتهينا وهذا الأصلح لكلينا ,,

والرسول صلى الله عليه وسلم قال فيما معناه ولا يُسأل الرجل فيما طلق زوجته ,,

لكن وأنا أخوك .. أنا أرى إن مشكلتك لها حل بس أنت استهدي بالله عز وجل ..ولا تكون ضعيف قدام العقبات التي تواجهك في زواجك ..

كل إنسان متزوج تواجهه مشاكل .. ويمكن تكون أقوى من مشكلتك بمليون مرة ..

الدلع .. ما هي أدلع من زوجتي والله لو تقول ما تقول ..!!!

بس الله عز وجل منحنا عقل نفكر فيه ..وأنت أدرى بنفسك وأعلم بحالك .. مني

القرار لك ..