|
محد غيركم بيســاعدني . . . .
السلام عليكم ورحمة الله وبركاته بدخل في الموضوع على طول انا مخطوبه من سنه وكم شهر من ولد عمي وكنت اقنع نفسي فيه ووافقت ...... اصلا وافقت تحت ضغوط نفسيه مني يعني كان امي لسه متوفيه ربي يرحمها الشئ الثاني \ كان اخوي مسبب قلق يعني ممكن تقولون انه السبب الرئيسي لقبولي بالزواج هي انه الهروب من الضغط البحث عن العاااطفة امممممممم البحث عن الاستقرار المهم ماعلينا انا ياجماعه اممممم مدري اذا جا طاري الزواج جتني ضيييقة مو طبيعيه كاني مو مرتاحه مو مقتنعه احس اني مو قد المسؤوليه للحين امممممم مدري شلون ..... انا ودي اقول لابوي هالكلام بس ابوي ماراح يكون الكلام بيني وبينه بيدخل اخواني وبيبدون سين وجيم معاي اممممممممممممم مادري شسوي انا مو مرتاحه مو مرتاحه ابببدا وحتى صعبه اقول انه مابي غيرت رايي والخطبه لها سنه وشوي الحين ........... علما انه للحين ماتحدد الزواج ولا سوينا تحلييييل ولااا شئ ...!!!! يعني ابوي مااثق فيه عارفه انه بيكبر الموضوع وماراح يتفاهم ومستحيييل اقول لاحد من اخواني لانه بيقولون اختيارك والحين جاية تقولين غيرت رايي ؟؟ بس انا مادري فيني ضيقه حتى اني احيانا ادعي ربي انه التحليل ما يكون مطابق مدري ليش من غير شعور اقول كذا وانا اعترف ماانكر انه السبب الرئيسي لقبولي بالزوااج هي الهرووب الهروووب من الواقع اللي انا عايشه فيييه انا خايفه من ردة فعل ابوي بس مدري شسوي مابي اظلم ولد الحلال معي !! ومابي العب على نفسي واقول اتزوج وبعدين اتغير لا مدري شلون يعني ........ تكفووون ردووا علي ساعدوني شسوي ودي احاكي ابوي ودي ارتاح ........... صح نسيت اقولكم انه تمت الشوفه وبوقتها ارتحت وارررتحت مده طويله بس مادري صارت تجيني ضييقه مو طبيعيه من اول ماتجي سيرة الزواج امممممم مدري كنت احب استكشف اجررب ممكن مادري!! انتظركم.... |
القرار قرارك انتي
اذا كان كفؤ خذيه واذا كان العكس افسخي الخطبه قبل ان يطيح الفاس بالراس |
اهو الرجال ماعليه كلام بس انا مو مرتاااااااااحه
واللي يصعبها علي انه قريبي الشئ الثاني الخطبة لها سنه وشوي مادري صعبببه علي صعععبه |
خلينا خطوه خطوه
انتي تقولي انو تمت الشوفه وارتحتي لمده طويله والحمد لله على ذلك وانتي تريدين الهروب من الواقع اللي عايشه فيه طيب انا افسر شعورك على انو فترة الخطوبه طولت ولازم يكون في خطوه تانيه وهي التحليل وهل تغير وضع البيت قصدي هل اصبحتي تشعرين بالاستقرار اكتر من قبل انا مكانك اكثر من الاستغفار وسورة البقره كل يوم وادعو الله ان يقدم لي الخير حيث كان انتي محتاجه للعاطفه والاستقرار ونصيحه مني لك قومي تعلمي شوية طبخ وحلويات وتثقفي عن الحياة الزوجيه وكيفية التعامل مع الزوج عند وصوله من العمل ووقت الاجازات وغيرو وغير وغيرو موفقه يا قلبي |
اي الحمد لله شبه استقريت بس انا لو برجع شريط حياتي بفترة الخطوبه كان ودي اتزووج وبس الشئ الثاني مثل الاسباب اللي ذكرتها لكم من قبل يعني انا من اول ماقالوا انه ولد عمك خطبك وانا افكر بس مااقتنعت اتم الاقتناع فييه مع انه ما يعيبه شئ بس مادري كان عندي تردد تردد فضيع وكنت اضيعه باي شئ بس اهم شئ ابي اتزوج ابي اجرب ونفس الشئ ابي انحـــــــــاش انحــــــــاش ووبس وشكرا على ردودكم |
استهدي بالله
فجأه تريدين الزواج وفجأه تريدين ان تفسخي الخطبه الحياة ليست سهله ابدااااا ومن ثم انتي تقولي انو ما يعيبو شي وبهذا الزمن والله اللي اخلاقو منيحه صعب الوجود لذلك استهدي بالله وطولي بالك وممكن سؤال صغيرر هل تعرفتي على غيره او في قلبك دخل حد ثاني مجرد سؤال لنقدر نساعدك |
تصدقي
عدم الراحه هذا دليل على ان المستقبل قد يحصل به شئ لن يرضيك !! انا مثلاً: لم اكن مرتاحه لكن الشاب لايوجد به عيب واحد عندما تقدم لخطبتي فمواصفاته راقت لي لكن والله انني لم اكن مرتاحه وكنت قلقه من ان افسخ الخطوبه واهلي بيزعلوا مني !! وقلت لايوجد خطاب وافقي يابنت خصوصا انو ابغى اسكن بجد ه جنب اهلي و غير كده انو مساعد كابتن طيار يعني مجال عمله قريب من مجال عملي لاني اعمل في حجوزات الطيران ولسى متخرجه وهو مابوه شئ لكن انا لم ارتاح لم ارتاح لم ارتاح وللاسف تمت الملكه وعلى طول المشاكل بدت وفسخت ملكتي بس بعد ايش؟ بعد ماطاح الفاس بالراس زي مايقولوا الحين لما احد يبغى يتقدم اخاف كتير انو مايقبل بوحده انكتب كتابها قبل ونصيحتي لك ياقمر الراحه هي دليل السعاده والرضا والعكس واضح فكري ألف مره قبل ماينكتب كتابك وتتوهقي معوه .. |
| الساعة الآن 07:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©