ليه مافيه قانون واضح للحضانه .. !!
 

بسم الله الرحمن الرحيم

السلام عليكم ورحمة الله وبركاته

ادري متأخره بس مبروك عليكم الشهر وعساكم من صوامه وقوامه يارب

الحمدلله على كل حال انا مطلقه وباكمل سنه وعندي 3 بنات ( 9 سنوات - 7 سنوات - 4 سنوات ) الله يحفظهم ويرزقني برهم

انا ذبحني التفكير ياعالم .. كل يوم نسمع سالفه ان الاب جاء عند الباب ومعه امر من المحكمه واخذ بناته :11:

طليقي كان بياخذ بناتي بس انا رفضت وقلت جب لي ورقه من المحكمه وتاخذهم .. انا قلت هالكلام لاني كنت واثقه انه ماراح يحكمون له بس انا ماراح وترك لي البنات :17:

انا كنت مكلمه مختصين ومحاميين وقالوا البنات من حقك وريحوني بكلام كثير

لدرجه قالوا البنت لامها حتى لو تزوجت تاخذها جدتها ( أم الأم ) ولا فيه قانون انه بعد سبع سنوات البنات لابوهم .. لكن الواقع الي حوالي كل بعد فترة اسمع ان اب اخذ بنته لما كملت سبع !!

شلوووووووووووون ..!!

لحد يجي تجرح بالكلام .. انا اقصد الاباء المهملين الي مادروا عن عيالهم قبل الطلاق يدرون عنهم بعد الطلاق !!!

بعدين مافيه مثل الأم حتى لو كانت مهمله تكون اهون من الغريب

ياناس ريحوني كل زيارة لابوهم اكون حاطه يدي على قلبي وادعي لاني مريت بتجربه اخذهم شهرين مدري كيف عشت هذيك الفترة الله لايعيدها

ابي اعرف في حكم واضح للحضانه ؟ عندي كتاب لقاضي مبين احكام الحضانه وهي لصالح الام بس هل هي مطبقه في المحاكم ؟؟ وين اسئل ؟؟ من اسئل ؟؟ لو ابوهم جاب ورقه من المحكمه كيف اتأكد انه جد راح المحكمه ؟ هل يحكمون له بدون حضوري او تبليغ لي ؟

الله يطمن قلوبكم على ذريتكم طمنوني


جزاكم الله خير.

اللي اعرفه ان البنات يررحون لابوهم بعد تمام سع سنين

هذا اللي اعرفه

اذا كنتي تبي تعرفي الجواب الشافي ادخلي على الجمعيه الالكترونيه للطلاق في المملكه العربيه السعوديه وسوف تعرفين الجواب الشافي ...

هلا اختي موهبة الكويت

ايه هالقانون يقولون كان اول الحين فيه توجه ان البنت تكون مع الاصلح .. والارجح تكون مع امها الا اذا شاف الشيخ غير ذلك
لكن كل هالكلام اقراه واسمعه لكن مااعرف احد شخصي مر بتجربه تبين هالشي
شاكره مرورك

اميرات
هلا حبيبتي ايه دخلت وناقشت وكلامهم كله ان الام احق بالبنت ثم ام الام ثم ام الاب ثم الاب
لكن فيه امهات يكتبون بالمنتديات ان الاب مايدري عن بنته سنين بس تكمل 7 سنوات حكموا لهم
بالمحاكم .. ان بس ودي اعرف مافيه قانون ثابت كاساس ويختلف حسب الحالات؟؟
وانا خوفي لاكملت بنتي الصغيره 7 سنين بياخذهم كلهم .. والله اني عايشه برعب مايعلم فيه
الا رب العالمين
تخيلي كل يوم يمر وكل ساعه وكل لحظه تفكرين وش مصير بناتك وكيف حالك من بعدهم
بنهار من التفكير كيف لو صار واقع
الله يستر

قد تكون حركة ضغط من طليقك لكي ترجعين له انتي وبناتك .

تدرين ليش بعض الامهات بناتهم تؤخذ من عندهم عن طريق المحكمه لان الام اساسا جاهله بالقوانين

لو الام تعرف ان امها تستطيع ان تكون الحاضنه لبناتها من بعدها كان ما احد قدر ياخذ البنات لكن

المشكله ان حنا الحريم جاهلات بحقوقنا ..

ان كنت خايفه فالاستاذه هيفاء خالد في جمعية الطلاق الالكتروني تعرف تاخذ لك حقك و تخلي بناتك

في حضنك ..

كاني مرة سمعت ان اذا ما المراة ا تبي عيالها يروحون عند ابوهم

قبل ما تتزوج تكتب تنازل حق امها عن الاطفال

هذا بحالة الزواج

اما في حالة اكمالهم لسبع سنين الصراحة ما عندي اي علم

بس انصحج تدقين على محامي وتسالينه

احسن

اختي موهبة الكويت مو تتنازل عن اولادها انما تكون الحضانه لامها ...

الله يفرج همك ويبرد قلبك