|
كيف تصنفون زواجي تعيس ام سعيد
السلام عليكم ورحمه الله وبركاته
قبل كل شي رمضان كريم والله يكتب لنا الاجر ويعينا على صيامه وقيامه انا امراه متزوجه منذاكثرمن 10 سنوات ومحتاره في امر زوجي ولا اعرف اذا كان اهلا لثقتي تزوجته وانا صغيره بسني وهو ابن عمي وتحملت منه الامرين تعبت كثيرا لاغير حياتنا ساعته في استيعاب الحياه الزوجيه وانني زوجه ولست خادمه له كما كان يقول لي كنت اعذره بسبب علاقه ابيه (رحمه الله)بامه فقد كانت غير مستقره وكنت احس فيه بشيء من الطيبه وبعد 4 سنوات اتغيرت حياتي للاحسن ورغم جروحاتي منه وذكرياتي المريره قررت نسيان الماضي لاعيش حياه هادئه نسيت ان اقول ان زوجي متدين ويحافظ على صلاته وحج واعتمر وهذا سسبب زواجي منه لانه يخاف الله ولكن بعد انجاب بنتي الاوله اكتشفت انه يغازل بالتلفون وتاكدت وعرف انني عرفت وادعى انها زوجه صديقه وانه يحاول الصلح بينهما لم اصدقه وهو يعرف ذالك ولكن ماذا افعل ابنتي عمرها سنتان وحامل وهو يعمل ويدرس وطوال الوقت انا لوحدي وهلي بمدينه اخرى وبعد ما انجبت ابنتي الثالثه قرر ان يكمل دراسه بالخارج وبالفعل سافر وتركتي عند اهلي ومصروفنا كان قليل جدا 800 ريال كنت احسه مصروف للبنات فقط وكنت اطلبه اذا صارت مناسبه احيانا يرسل لي مع اخيه بما انه الغى حسابي واحيانا لا ادعى انه طالب اجازه بدون راتب واكتشفت انه مستقيل ومستلم كل حقوقه وعندما واجهته انكر ذالك بعد 10 شهور انظم الى البعثه وبعد سنه اتى وسافرنا معه حالتها ما ادري ايش اقول مرفه نفسه على الاخر السياره غاليه وكل يوم والثاني يشتري ملابس وطلعات والله دلابه ما ادري كيف ارتب الملابس من كثرها وانا والبنات شبه فااضيه ااااااااه والي قاهرني وموتني قهر انه ويودينا الاسواق الملابس المستعمله وكل ما اقوله بع سيارتك وخذ سياره رخيصه ونعيش بكرامنتنا يقول انا احب الزين ورغم انه هو بعد ملابسه مستعمله انقهر لما اسمع الحريم الي هنا يسولفون ععن انفسهم ولما يقولون استرينا من المحل الفلاني روحيله فيه اشياء حلوه لبناتك اقول ان شاء الله والحين طالع لي بنزله للسعوديه وانا ما ابغى لانه مو مستعد ومدرسه بتنتي الاسبوع الجاي وقال الا وننزل طبعا نزلتنا على قد الحال على حد قوله وما ادري قد ايش اصلا حالنا شوي الميزانيه عال العال ولما اطلبه شيء يقول ليه ما هو بظروري حتى طلبته بطاقه اكلم اهلي بعشره دولار قال ليه خلي اهلك هم يكلمونك والحين انا على وجه نزله واهلي ما قصروا معي لما كنت عندهم ونفسي اهديه وهو رافض قال بس عيديه لامك بس وقبل فتره تشاجرت معه بسبب اسلوبه معي قدام البنات وقالي كلمه اخاف حتى افكر في مقصده فيها ولا هي بس لانه كان معصب قال لما نرجع السعوديه بنلاقي حل معك قلت ايش تقصد قال نطلق صرت ابكي ومنصدمه وخايفه يرميني رميه الكلاب رغم انه يقول انه يموت فيني وانا مرضيته و وبناتي معلمتهم احترامه واذا ابيكم موجود الادب وخلوه يرتاح واحاول اني اكون اكبر قدر من النظافه بس الحين انا خايفه منه وماني مرتاحه ولا تنسون انه سبق وخاني ورغم انه يحب البنات كثييير احس انه ما يهتم فيهم يعني علشان يحجز لهم عند دكتور اقعد يمكن شهر لحد ما يكلم والحين يبغاني احمل بس انا خايفه منه وكل ما يفاتحني بالموضوع اقول بنتي صغيره وابغى ادرس لغه استفيد وهو يقول نبغى الجنسيه رغم ان موضوع الجنسيه بالمره ما يهمني احسها موضه ايش تنصحوني فيه كيف اعامله تحسوني انسانه متنازله عن حقوقها ولا واقفه جنب زوجها واسفه طولت عليكم بس والله انا مسجله بس علشان ابغى نصايحكم |
انا اشوف انك ما قصرتي معاه واصبري عليه عسى الله يفرج همك وبالنسبه لتهديده لالك بالطلاق لا تحاولي انك تبينيله انك مهتمه بالموضوع تماما واذا فتح معاك الموضوع مره ثانيه قوليله سوي الي تبيه انا ما تفرق معي الي يبيعيني انا ابيعه ترى الرجال لمن يحس الزوجه انه تخاف من الطلا ق يزيده ولمن يحس انه بايعه يحاول يصلح وضعه معاه وبعدين موضوع الخلف اجليه لمن تستقر امور مع زوجك والله يفرجها عليك ويسخر زوجك لا الك
|
اقتباس:
|
من تنزلي لبلدكم كلمي عمك ويشوف لك حل معاه
|
اختي
اولا لاهي حياتك تعيسة ولا انها سعيدة بل انا اشوفها تحتمل وجوه جيدة للسعادة من عدة جوانب فكل بيت فيه من المشاكل المعتادة هذي وبصراحة طالما زوجك اتعدل واتصلح حاله عن اول زواجكم فمعناها ان هناك قابليةلاستمرار التحسن **غريبة انك شايفة مبلغ 800 ريال شهريا قليلة وماتسوى يعني انا اشوف انها ماهي بطالة منــه والشي التاني اللي احب اعلق عليه انه طالما اتجرأ وهدد بالطلاق يبغالك تكوني ثقيلة عليه ولو سالك اوفتح معاك الحوار قولي له مافي داعي للتهديدات والاسلوب الواطي دا كان الاجدر انك تتفاهم معاي على غلطي وانك اخر مرة تسمحي له يقولها وفهميه ان الكلمة هذي تفقد المرأة الامان مع زوجها واكبر غلط اختي انك تبكي وقت ماقال الكلمة بل خليكي زعلانة بس موكتيير عشان مايستخدمها سلاح تهديد واداة ضغط ويبدا يشوف نفسه ويقرض عليك اشياء كان من الممكن تجاوزها>>>لان عرف نقطة ضعفك لكن استمري بمحاولاتك معه والصبر والدعاء وحياتك للافضل كل ماكبروا بناتك ان شاء الله اتوقع زوجك يبي عاطفة وحركات غير شكل ممابدا لي الله يوفقك |
يااختي الزواج عاده ليس كله سعاده وليس كله حزن الحياه الزوجيه في جميع البيوت قد تمر بتغيرات كثيره انتي صبرت على زوجك والحمدلله تغير وزوجك لومايهتم فيك كان مااعطاك مصروف لاني اشوف رجال كثير يخلو زوجاتهم عند اهلهم ومايعطوهم شي نصيحتي لك اكثري من الدعاء والاستغفار وادعي ربك يصلح زوجك ويهديه وصدقيني بالاستغفار والدعاء حتشوفي حياتك تتغير للافضل ولاتحملي ذحين الين تتاكدي ان زوجك حاله استقر واتوظف وظيفه لها راتب يقدر منه يصرف عليك انتي وبناتك
|
اقتباس:
والله يعطيك العافيه للمشاركه |
اقتباس:
|
اقتباس:
|
أنتي في بلد عربي ولا اجنبي؟
|
| الساعة الآن 07:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©