محتــااآرة .. ممكن نصايحكم ،،
 

السلام عليكم و رحمة الله و بركاته ،،

كيف حالكم ، ان شاء الله كويزين ،،

المهم ، انا شفت المواضيع بهالقسم و التفاعل وكل واحد عم يساعد الثاني ، وحبيت اشارك معكم لاني بحيرة بموضوع ارتباط و ما اعرف شلون اتاخذ قراري و حايرة جد كثير ،
انا متقدم الي واحد و كل المواصفات الي فيه ابيها يعني مالي حاجة ارفض كالعادة اطلع حجج، بس الي متخوفة منه ان مثلا ممكن ما نكون نناسب بعض او شي بعدين نشوف ان ما نناسب بعض<< تفكيرها سلبي كثير
و صاحباتي بيجننوني يقولو لي الزواج التقليدي مهوب زين ولاهو ناجح ولا شي ، يقولولي اصبري اتزوجي عن حب ، و انا مو مالت هالسوالف و هالامور
و بيتنا يبغوني اوافق على هالشخص لانه ما يعيبه شي و انا الافكار توديني و تجيبني لكل صوب و ما اعرف شلون أتخذ قراري ،
و هوه من كلام ابويا عنه ان شاب ملتزم و كويس واحسه واثق منه لانه يعرفه زين ويعرف اخلاقه و تعامله مع الناس ،
فانا ابغى مشووورتكم يا اهل الخير ما اعرف ، اخاف اتخذ قرار و اندم عليه ، وصاحباتي يقولولي لسه توك صغيرة انا ما ابغى اخذ رايهن لنه يشوشون افكاري و ماعرف افكر صح احس انا عمري 21 والي متقدم الي 25 سنة انا شفت انو لفارق السني مناسب مهو بكبير بس هم محتارة :24:
و مسامحة عالاطالة بس حسيت ابغا افضفض :_: لانه لي كم يوم اماعرف انام من كثر التفكير وبالي مشغوول

مدام ابوك يعرفه ويمدح فيه اقولك استخيري وتوكلي على الله..

من رأيي توكلي على الله ووافقي
مب كل يوم بتلقين ريل فيه المواصفات اللي تبينه وملتزم وذو اخلاق
وبالتوفيق خيتووو

وعليكم السلام والرحمة

الزواج التقليدي هو تزوج يا سعيد ويا سعيدة ولا تشوفو بعض الا ليلة الدخلة
هذا هو الزواج التقليدي ,,
اما الحب الي تقصده صديقاتك هو يا البنت المصونة اطلعي مع الشباب وروحي المطاعم وبيعي شرفك لمرض الحب

اختي عمرك 21 وتقولي صغيرة
اجل متى بتصيري كبيرة اذا جاء عمرك 30
عمرك هذا هو انسب عمر للزواج
ونصيحة يا اختي اتركي كلام صديقاتك انا شاك انو صديقاتك هم الي مخلينك محتارة من ها الكلام الي يقولونه لك

ابوكي واخوانك ما يعيبون الرجال ,, والرجال جاء ودخل البيت من بابه ,,
وفي فترة يسمونها خطوبة ,, وهذه الفترة عشان الزوجين يتعرفو على بعض اكثر وكل واحد يشوف الثاني بعينه
مو بعين اهله ولو تخلو فترة الخطوبة سنة بتكون كافية انك تعرفي الرجال زين وتشوفي اسلوبه

وبعدين ترى هذه الحيرة والخوف الي عندك عادي وشي طبيعي
استخيري وتوكلي على الله ,, وان شاء الله بيكون الرجل المناسب لك

الله يوفقك اختي

تسلمي اختي ،،
و ان شاء الله خير ..
ااييه مهو هذا الي مخليني بحيرة ان ابويا مقتنع بيه و من كلامه حسيته مرتاح اله ،، و يباني اافكر بهدوء و بعقل اكثر ،،
انا فكرت بالموضوع كثييير ، يعني هوه ابويا وهو ادرىى بمصلحتي بس الخوف من المستقبل هوه الي مخوفني شوي كونها مرحلة جديدة ،

ان شاء الله خير هوه اكيد ما هو النا الا الطرق الشرعية وهذا اهو الي حاصل بس التخوف والخوف الي يقتلني هوه الي يخليني بين الف فكرة و فكرة ، مع انو امايه جلست معايا و كلمتني و بينت الي مصلحتي و انو هي حياتي و انو لازم انا لحالي اقرر ان ابغى او لا ، و مراح يجبروني انا الي محيرني انهم مخليني على راحتي و يبغوني افكر بهدوء و يقولو الي قدامي طول رمضان وبعد رمضان مباشرة اذا شاء الله راح يكون الي النظرة الشرعية و انا ما اعرف وش راح اقرر بعدها هالشي مخليني بحيرة وتردد و خوف و الله المستعان يعني خوف من مستقبل

ما اشوف الخوف واقلق له داعي يا عسل

توكلي ع الله استخيري والله يسر امورج

ونصيحه لا تسمعين كلام بنات ابدأ


يقولن لج جذي باجر تكبيرين يجيج مطلق ارمل ع شنو


ابدأ لا تسمعين كلام احدخلج قد الثقه بنفسجوالمستقبل لا بد منه مر حلو ويارب حلو لج


المستقبل شئ بيد الله كل شئ قسمه ونصيب


نصيحه مني لج

خلج واقفه بنفسج والخوف والقلق صوب الحياة قصيره وتعتبر تجربه

والله يسر امورج لا تخلين نفسج ضعيفه قدام الناس وقدام رفيجاتي ولا تسمعين رايهن سواء ناصح ولا الا بعد ما تدرسين النصايح عدل


تحياتي