|
معاناتي مع زوج مدمن نساء
السلام عليكم
بذكر قصتي لكم واتمنى ترشدوني معاناتي مع زوج مدمن حريم وسنتين انا وياه ع ذا الحال من شاتات لا ايميلات خاصه وفيس بوك واخيرا نت لوق اللي طايح فيه مدري وش فيه كم مره زعلت ورحت لا اهلي ابيه يتادب وقالولي ناس احقريه وحقرته بس ماقدرت اشوف واسكت ولما ابكي من القهر مايطيب خاطري يقعد يتحمد علي ويقول متخلفه ومجنونه وعقلي عقل بزر وش اسوي غصب وربي غصب عني واذا جيت جلست عنده وهو ع النت يضربني ويصفقني بوجهي لما اطلع من المكان اللي هو فيه وجواله ع السايلنت دايم ودايم يراسلهم ويطقطق بجواله واذا جت مكالمه طلع برا والمحادثات يحذفها والمحفوظات يحذفها انا خلااااااااااااااااص ما اقدر اتحمل فيني الضغط وامس قسم بغت تجيني جلطه منه يضربني علشانهم ويوم طلبت الطلاق قال انا ابيك واذا ماتبيني وكارهتني طسي لا اهلك وكل شوي يهددني والله لا اقطك عند اهلك اخليهم يكرفونك لانه يعرف تعامل اهلي معي وامي مهددتني تقول لو جيتي مره ثانيه راح اخذ جوالك وابيعه واخليك خدامه لي ولا اخوانك تعبت محد راحمني وقبل رحت لا اهلي ابي اخليه يتادب امي تضربني وتاخذ مني مصروف ولدي وابوي يضايقني يقولي انتي مطلقه واخواني يجوني ويذبون علي كلام محد يتحمله والحين اذا رحت لهم محد يسلم علي مع اني اختهم الكبيره تعبت ياناس وين اروح زوجي يقول انا كذا عاجبك اهلا وسهلا مو عاجبك طقي براسك الجدار كاني خدامه عنده والله ياناس حتى رمضان ماصام الا يومين والباقي مفطر يقول تعبان ما اقدر اصوم ولما اصحى الظهر الاقيه ع النت مواصل وينام واذا صلو المغرب صحا وقال جيبي لي اكل ولا غسلي ملابسي ولا نظفي البيت ولا عازم ربعي ع الفطور قسم اني اكر كر مو طبيعي مع هذا مو مبين بعيونه وقبل اسبوع جايبه لها هديه طقم رجالي ساعه وخاتم وسبحه واشياء حلوه ابي اتقرب منه مع اني وربي متسلفتهم من اختي بس قهرني وربي كل يوم ابكي قهر وين اروح دلوني تكفون واذا زعلت ما كلمته قال امشي اوديك السوق يحسب السوق اكبر همي مع ان زواج اختي قريب وماسويت شي تكفون ارشدوني وش اسوي تكفوووووووووووووون |
عليك بالدعاء ياأختي أحنا الحين بشهر فضيل تقربي الى الله أكثري من النوافل تصدقي ولو بالقليل
قلب زوجك بيد الله هو القادر على تسخيره لك الله يهديه ويعينك ويعطيك الصبر الله يفرج همك يالغالية |
صلحي اللي بينك و بين الله ،. و ربي راح يصلح لك حياتك مع أهلك و زوجك
قلت لك كذا ، لإني حاسة بك ضايعة و تايه و حاطة الأمل في زوجك اتركيه ، ربي يحاسبه .. و اشغلي وقتك لأشياء تفيدك البكاء و الصياح بتقصر عمرك و ما تفيدك |
الله يكون بعونك يارب قصتك تقطع القلب
بدعيلك ليل نهار |
انصحك تنزلين موضوع بقسم الاستشارت
ويردون عليك استشاريات خاصه روحي لقسمهم وما راح يقصرون معك تلاقين قسمهم بهل الرابط http://www.66n.com/forums/forumdisplay.php?f=70 او روحي قسم المشاكل المحلوله ولا تنسين كبريها تكبر صغريها تصغر لا تصيرين حساسه مره وتشيلين هم ترا ماحد بيلتفت لك خليك قويه |
جزاكم الله الف خير
ويعطيك العافيه مدام ايمان |
اقتباس:
أختي الفاضله .. تحيه طيبه .. أولا.. في هذه الساعه الاخيره من الليل أدعو الله بأن يفرج همك ويزيل كربك .. وعليك بالصلاه والدعاء أثناء السجود وكثرة الاستغفار .. ثانياً .. جربي مره اقعدي مع امك وابوك اشرحيلهم وضعك بهدوء وقوليلهم عن تقصيره مع الله فكيف إذا بتقصيره معك وانك تحاولين تصلحينه لكنك محتاجه وقفتهم معك ..وانو اذا هم ماوقفوا معاك وحس هو بقوتهم فهذا بيزيده اهمال وتسلط .. ثالثاً .. أنا معك بالدعاء وبانتظارك لاخباري بالتغيير الايجابي .. تحياتي .. (((أنثى بس غير ))):o |
الله يعينك اختي
وكلي امرك لله وصلي قيام الليل والله يفرج همك المهم انتي حاولي تتقريبن من الولده وتعرفين ليش تعاملك كذا اما من ناحية زوجك خلي الوضع عادي لما تشوفينه قاعد على انت او يكلم بالجوال لا تجلسين معاه ولا تناقشينه ماله داعي تنكدين على حالك عشان خاطره وهو ولا همه انتبهي تطلبين الطلاق وبعدين وين تروحين اذا علاقتك مع اهلك مو زينه فخليك ببيتك احسن لك الله يفرج همك بها الشهر الفضيل |
أعانك الله وفرج همك يُنقل إلى القسم الأنسب.. |
كان الله في عونك
حبيبتي ما عليكي الا الدعاء ان شاء الله يلاقي لحظه اجابه طنشي زوجك شوي وركزي بعلاقتك مع الله هو سبحانه من سيصلح حالك وحال زوجك |
| الساعة الآن 09:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©