|
كيف يمكنني تكوين صداقات جديدة ؟
السلام عليكم ........ مبارك عليكم الشهر والله يبلغنا بقدرته الباقي منه ويجعلنا عتقاء من النار قولوا امين
انا ابغي اكون صداقات جديدة ......... انا من النوع اللي ما عندها اصحاب وايد عندي صديقتين .......بس كل واحدة التهت في مشاغل حياتها .. صحيح عندي في الدوام بنات اعرفهم واسولف معاهم بس علاقتي معاهم مش قوية ... ابي اتصاحب مع الناس ويكون عندي جمعة من الصاحبات اطلع معاهم واسولف معاهم .... بس ما اعرف انا خجولة جدا ومش اجتماعية مع الناس اللي ما اعرفهم ... بس اذا اتعرف على الناس ويحبوني ... بس انا الاحظ نفسي علاقاتي في الناس ما تستمر ممكن يكلموني فترة وبعدين يملون ما ادري ليش مع اني ما اشوف نفسي مملة ........ وموبايلي ما يرن الا فين وفين .......... وما اعرف الطريقة المناسبة للتعرف على الناس ساعدوني وجزاكم الله الجنة |
اختي العزيزة
من ضروريات الحياة الصديق ولكي تختاري صديقاً يجب ان يكون ذو اخلاق ومتفهم ويفهمك وقريب عنك وعن مشاكلك يمكن اختيار صديقة من بنات الجار او في الجامعة او في العمل |
هلا اخيتى فعلا الصداقه شئ جميل يسرى عن الانسان فى مشوار حياته
فى طرق كثيره يمكن تحقق لك شله الصداقه مثل ما تتمنين منها باختصار فن الاصغاء والمحادثه حاولى ما تبحثى فى خصوصيات الشخص اول ما تشوفينه كونى مهتمه بكلام الشخص وناقشيه اذا فى مجال بينى للشخص اللى تحادثينه اهتمامك بموضوعه وحاولى تبحثى له حل او استفسرى بلطف اذا فى مجال اسالى انتى عنها فى غيابك حتى تسال عنك ومن هذه التصرفات اللطيفه واللبقه مو لازم تكووونى جدا اجتماعيه علشان يكون عندك صديقات اهم شئ تكونى لطيفه مراعيه وحاولى ما تثقلى على الشخص بالحديث الله يوفقك ويسدد خطاك الى الخير |
اعتبرينا جميعا ااصدقائك
|
واعتبريني انا بعد صديقتك واختك
شوفي حبيبتي كثر التعارف على الناس كثير ماتجيب لك الا صداع الراس مااقولك تكوني انطوائية بس اختاري لك صديقة او اثنين اولا يكون فيهم خلق ودين ولا تحسي انك مملة عشان ماتصدقها جوارحك اذا احد مادق عليك او ما سال عنك فهموم الدنيا كثرت وكلن لاهي بهمه الله يحبب خلقه فيك |
احس الصداقه احسن من الاهل اعتبريني صديقه لك
|
مرحبا حبيبتي
انا عندي صديقه مـــــــــــره قريبه مني بشكل مره كبير صديقتي واختي وحبيبتي ورفيقه دربي ولكن فرقنا الشي الي محديقدر يوقف بوجه (الموت) الله يرحمها ويغفر لها السنه هذي لها سبع سنوات من توفت لكن الى الان اكتب لها واسولف بيني وبين نفسي عنها احس انها موجوده وماغابت عن الدنيا احسها مسافره وراح ترجع لكن للامانه ماقدرت اكون صداقه بعدها كل صديقاتي من البنات الي من سنوات كبيره اعرفهم الصداقه شي جميل ماينوصف ..... الله لايفرق احد عن الناس الي يحبونهم يااارب .......... |
ياقلبي انا يسعدني ويشرفني اكون صديقتك لاني اجتماعيه مره انا اتزوجت وجيت الرياض اهلي وصديقاتي كلهم في مكه
مالي احد وودي اتعرف على بنات من الرياض ونجي لبعض وكذا00انتظرك ياعسل |
اقرئي عن كيفية اكتساب الصديق
وحاولي تكثري طلعاتك مع اهلك لقرايبك يعني الجمعات والزوارات اللي فيها بنات مثل عمرك وتبادلوا رقم الهواتف وتمي على اتصال معاهم بس خلج بالبداية ثقيلة والصداقة تجي من الله لان الارواح جنود جندة انتي شوفي اي انسانة حواليك تكوني مرتاحة لها وتحسين براحة لما تكلمنيها حاولي تتقربين منها واسالي الله ان ييسر لج الصديقة الصدوقة |
انا عندي صديقتي دكتورة ... تعرفت عليها ايام دراستي في الجامعة في السكن .... اعتبرها نعمة عظيمة من الله ... اني تعرفت على انسانة بهذي الروعة .... والحين مكفيتني عن العاااااااالم كله ... صرت ماأبالي بالناس كلهم ... اكلمها كل ماحسيت بالطفش .. كل ماحسيت بالوحده ..... اغليها كثر مااغلي نفسي .... وبصراحة انا دايمأً أعزل نفسي عن كثرة المناسبات والاجتماعات والزيارات ... لانها تشويش وضياع وقت وقيل وقال ... احب اروح للمناسبات الضرورية بس او الملاهي ... يعني باختصار : حبيت اوضح لك ان صديقة واحدة مخلصة وعاقلة .... تكفي وماله داعي تسوين شلة صديقات .. |
| الساعة الآن 10:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©