|
مستجدات طلاقي
http://www.66n.com/forums/showthread.php?t=194251
http://www.66n.com/forums/showthread...D3%E6%CF%C7%C1 سلامي للجميع .... مر على طلاقي الحين 9 شهور .. صارت فيهم أحداث كثيره -- - بعد ما خلصت العده صحا ضميره الميت .. ويبي يرجعني ما خلا أحد ما وسطه عند أبوي امام المسجد اللي يصلي فيه ابوي و واحد من أخوانه و زوج اخته كلهم اتصلو على أبوي بس أنا راي من راي ابوي اني ماراح أرجع له إلا لو أثبت انه تغير ... طبعا و الواضح انه ما تغير بشي .. بس أنا من داخلي مبسوطه لأنه يبيني و أنا و أهلي مو معطينه وجه زبدةالكلام الحين أنه قام يختلق مشاكل بكل طريقه جرجر عمي للشرطة بعد ما تبلا عليه وبعدها الضابط (صديقه) قال له أن أنا أمشي و فاضحتنه بكل الديره و إن جيتو للحق مو أنا اللي فضحت بس طليقي من النوع اللي ما يسكت و لا عنده سر ... صارت امور رشاوي و غيرها و انتشرت بالبلد وبدت سمعة الضابط تنتهي ... فحطوها فيني أنا ... و قام الضابط يبي يسوي مشكله مع عمي و يقول لعمي أني أنا اتصلت عليه وهددته و و تحديته (وهذا ما صار ) عمي كان قريب يصدق لكن بعد ما فهمته بأن هذي مو أول مره يسووها ويتبلون على الخلق صدقني عمي بعد ما ذكرت له أكثر من سالفه من قبل أيام ما كنت كتزوجه و اسمع بإذني كيف يسوون مشاكل و لناس مالهم ذنب وبكيفهم لاعبين بالقانون و السلطه ... الموهم بعد ما كان طليقي شوي يبني و شوي يبيني عشان لعيال و شوي يرسل لي مسجات عالإيميل .. و شوي يحسسني انه ما يبيني ... ألحين بعد سالفة الضابط وبعد ما عمي و صل السالفه للإمارة ... جا ولدي الأمس و قال لي ان ابوه يقول له أنه بيجيب حرمه للبيت و جالس يقنع الولد .. أنا سألت الولد وش رايك مسكين عمره 5 سنين ويتحمل ذا كله ... قال لي إذا بابا بيجيب مره ثانيه بالبيت أنا ماابغا اجلس معااه ابيك انتي ماما ...وماابغا اروح عنده ابد ... خلاني ابكي وضميته لصدري وهو فيه يبي يبكي بس ولدي ما يبكي بسهوله ... جلست الصبح و اتصلت على بنت أخت طليقي وهي صديقتي للآن قلت لها ان ولدي يقول كذا كذا قالت لي انها سمعت بعض الكلام انه بيخطب و ان أهلها ما يقولو لها شي لأنها صديقتي بعدين توصل لي الكلام ألحين يووم هي قالت لي 70% ان جد شكله طليقي خطب ... حسيت اني كأني توي متطلقه و تعبت مرره رحت كلمت أستاذة السلوك الي اتابع عندها وحاولت تهديني شوي . وقالت لازم تحطين العيال عنده وتشوفين حياااتك .... لأنك هتصيري شغاله له و انتي ببيت ابوك وقت ما يبي عياله يجي و قت ما يتعب منهم يردهم لك (هي أساسا من قبل سالفة الخطبه دي كانت تحاول تخليني اترك العيال عند ابوهم )لأسباب كثيره بعدين بذكرها ألحين انا جدا تعبانه لأنه يفكر بخطوبه أو انه خطب؟ كيف أتصرف مع ولدي و كيف أريح نفسي شوي وهل لو أحتاجني عمي بالشهاده ضد طليقي و سوالف الضباط اللي يعرفهم أروح أشهد ؟؟ أنا عارفه ان اسلوبي مررره ركيك بالكتباه بس أنا ماأكتب إلا لما أكوون مرره منهاره .... |
[QUOTE=الأرملةالسوداء;
ألحين انا جدا تعبانه لأنه يفكر بخطوبه أو انه خطب؟ كيف أتصرف مع ولدي و كيف أريح نفسي شوي وهل لو أحتاجني عمي بالشهاده ضد طليقي و سوالف الضباط اللي يعرفهم أروح أشهد ؟؟ QUOTE] السؤااال؟ انتي شرااايج تبين ترجعين له ولا لاء؟ اذا تبين ترجعين له..راح ينسى الخطبة والزوجة الثانية ان شاء الله اما اذا ما تبين توقعي انه اكييييد بيتزوج وبيلقى وحدة تقبل فيه..وبتكون مرة اب لعيالج لفت نظري الاستاذة اللي تروحيلها..1 شلون تقو لج انج بتكونين شغالة له شلون شغالة..وهل كل ام مطلقة حرمت نفسها من الزواج لأجل فلذات كبدها تسمى شغالة..!! بصراحة هذي الاستاذة يبيلها استاذة تعلمها تعريف كلمة التضحية |
سلامي للجميع
خرج له ابوي قبل يومين و قال له ياولد الناس لازم تلتزم بوقت معين عشان تجي تاخذ الاولاد فيه و ترجعهم البيت(طبعا صار لنا 8 شهور على هالحال و احنا نقول له لازم تلتزم بوقت لكنه ما يحط لكلام اي احد اعتبار ) الموهم انه جا اخذ العيال على الوقت اللي قال فيه ابوي لكنه جابهم بكير اكثر و الليله اللي بعدها اخذهم عالوقت و جايب الصغير بكير اكثر ومحد كان بالبيت غير ابوي طلع ابوي للولد وقال له محد فيه وراح قال لطليقي انا مو قلت لك تاخذهم 8 ونص وترجعهم 11 وصارت كبيره و كل واحد ظل يتلفظ عالثاني و ولدي اللي عمره 5 سنوات دخل البيت منهار يبكي و انا حزتها جيت مو فاهمه السالفه بس لقيت ولدي وجهه مخطووف و حالته حاله وقال انا بروح مع بابا وطلع بسرعه ما امداني اوقفه ... و الصغير صار عندي و الكبير عند ابوه .. حلف ابوي ان لازم الصغير يلحق اخوه ... وبيني وبينكم ابوهم يحبهم من جد و ما بيقصر عليهم و يخاف مره عليهم ... لكن الله يهديه يارب وتفك عقده الموهم انه في الصبح جهزت اغراضهم و أخذ اخوي الصغير و الأغراض لأبوهم .. بوم اخوي وصل بيت طليقي و اعطاه الصغير نزلت عليه السكينه وقال يبي يتفاهم وترجا اخوي يجلس للتفاهم .. قال له اخوي احنا من زمان نبي نتفاهم معك بس الحين ضاع الوقت تفاهمك يصير مع ابوي ... بعدها بساعه اتصل علي مرتين و في الثالثه رديت عليه قال لي الصغير يحتاجك قلت عارفه و الكبير بعد يحتاجني و انت ما بتقصر عليهم و ابوي يرفضهم لأنك كل يوم جايب لنا مشكله .. آسفه خلي كلامك مع ابوي وقفلت جوالي لاني ماابي اضعف تحته ولا تحت خواته ..... فيني خوف فيني الم متشتته خايفه يجيب لهم مرت ابو ..او يتهور ويسوي شي فيهم .. وفي نفسه مدري ساعدوني.. ابي ارتاح بس دمي يغلي و اعصابي تعبانه كيف ارتاح ؟؟ |
لا ماتخفيش مافيش واحدة هتتجوز واحد معاه طفلين
ابدا وحتى لو فيه فمش بالسرعة دي بتاتا لو الاولاد معاكي فأنا اقولك من بكره هيتجوز بس طالما معاه طبعا اي واحدة عارفة انها هتتجوزه هتشتغله هو وعياله حطي في بطنك بطيخة صيفي واهدي واسمعي كلام المستشارة اللي انتي معاها وكلام ابوكي كمان اوعي تكسريه وتصغريه الرجالة سبيها تتفاهم وسبيه ياخدلك حقك معلش هو شوية تعب كدا عشان ترتاحي بعدين الحركة دي كدا بتكون اخر شئ زي الكي كدا وطبعا لو اطلبتي في شهادة حق لازم تروحي حرام تكتميها وربنا يعينك |
سؤالي ليش ما تبين ترجعين له
واعتقد سالفة الزوجة الثانية مسويها تمثيلية بس عشان ترجعين له والا هو يبيج وميت عليج |
أنا ابي ارجع له بس يثبت لي انه تغير وهو ابد ما تغير همجي ابو مشاكل سوالفناو مشاكلنا بالديره كلها على كل لسان
ابدا ابدا ما تغير فيه شي وخايفه من الرجووع و العيال عنده صحيح و قلبي يتقطع و مو قادره انام ولا اكل و لا افكر حتى لكن اتوقع ان هالخطوه بتحسسه بالألم و يمكن اللي يتقدم لها تفكر مليون مره في العيال و مشاكلهم .. ادعو لي ادعو لي جزاكم خير |
عسى الله ييسر امرج
وزين ما سويتي خليتي العيال عنده سؤال عيالج في منهم يروح المدرسة؟؟ لان اذا يروحون المدرسة فالدوامات قربت وراح يتوهق عدل مع المدارس خليهم عنده اسبوعين صدقيني بيتغير عدل وبيصير مثل اللي تبين واحسن ولا تنسين الدعاء لنفسج |
موهبة الكويت شكرا
ما عندي بالمدارس بس عندي اللي يروح الروضه .. تسلمين قلبي و ما قصرتي... يوفقك رب العالمين |
رحت كلمت أستاذة السلوك الي اتابع عندها وحاولت تهديني شوي . وقالت لازم تحطين العيال عنده وتشوفين حياااتك .... لأنك هتصيري شغاله له و انتي ببيت ابوك وقت ما يبي عياله يجي و قت ما يتعب منهم يردهم لك (هي أساسا من قبل سالفة الخطبه دي كانت تحاول تخليني اترك العيال عند ابوهم
في البدايه عيالج مب سلعه تحطينهم عنده ولا تردينهم وكيف وحده تصير شغاله عند عياله مب معقوله ولا تخلينه يضغط عليج بعيالج فكري واشرطي عليه رجعتك والله يقدم لك الخير |
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©