|
أعاني من تدخلات أهل زوجي
السلام عليكم و رحمة الله و بركاته
انا امرأه حامل في بداية الشهر السادس و لله الحمد عانيت في فترة حملي الأولى و اللي مرت على خير بحمد الله تعالى و بتحفيز من اهلي و خصوصاً امي الله يحفظها و يطول عمرها انا تزوجت من فترة مو ببعيده يعني من 9 شهور و حملت علطول بعدها بشهر و اسلبت و حملت برضو بعد الأسلاب علطول و لله الحمد انا اعيش فبلد مو بلدي يعني اتزوجت و سافرت علطول بعدها بأسبوع انا و زوجي و اهله و اعيش حالياً فبيت اهل زوجي زوجي و الحمدلله طيب و حنون و ما يقصر بشي و هو واحد من ثلاثة اخوه احدهم مشلول و الثاني فبلده زوجي اللي يتحمل مشوار الطلبات لأن ابوه متزوج وحده ثانيه و معاه منها اربعه اطفال احد مشاكلي الأن هيا اهله لما نبغى نخرج اي مكان امه علطول تقول انها تبغى تخرج معانا مو مشكله انها تخرج معانا بس المشكله انها اصبحت تقريباً بشكل دائم يعني مكان ما نروح تجي معانا هذا الى جانب انه عليه يخرجهم كلهم كل خميس و جمعه احياناً مشوار مكان ما يحبوا و نرتبط بموعد معهم حتى لو نفكر نسافر مكان قريب من المدينه يفكروا يسووها معانا الحين انا مسافره لبلدي بعد العيد ان شاء الله و اخته رح تسبقنا و تبقى معانا لين ما نرجع من السفر و زوجي يفكر يخرجها معانا فخرجاتنا اللي نخطط نسويها شي ثاني اني افكر ما ارجع معاه لأني ابغى اولد فبلدي عند امي عشان تنتبه لي لأنه و الله تعبت في ايام الوحام و ما عرفت ايش اكل و لما طلبت منه اني اروح لعند امي رح يقول لأبوه و ابوه قال ما في داعي طبعاً انقهرت لما راح و قال لأبوه لأنه هالشي بيني و بينه و ما يدخل ابوه ابداً افكر اقوله عن هالشي لما ارجع لبلدي شي ثاني انه قبل الزواج لم اتقدم زوجي لخطبتي كان عارف مسبقاً اني رح ارفضه لرفضي للغربه و هو قال انه ناوي يستقر فبلدنا يعني يرجع و يشتغل فبلدنا بس اللي اكتشفته بعد الزواج انه مو ناوي لأني كل ما افتحه هالسيره يسكت او يقول ما تدري يمكن ما نرتاح هناك و ما يلاقي عمل طيب ليش يقول قبل الزواج انه ناوي يستقر فبلدنا؟؟؟؟ و انا الحين مررررررره مقهوره و كل يوم افكر اني اتركه لأني اعتبره كذب عليا اللي احتاجه منكم الحين مشورتكم و نصحكم لأني بصراحه تعبت ملاحظه: انا و زوجي من نفس البلد و اعيش فبلد ما يبعد عن بلدي بساعه ونص عذراً لأني كتبت الموضوع على عجله ا |
اولا اختي مبرووك الزواج والله يتمملك على خير
حبيت اكون اول من يرد مع انو مو متزوجة بس يمكن عشان انا قريبا بتزوج وبعيش مع زوجي ببلد مو بلدي اولا انصحك تعتبري والدتو متل امك مااتوقع انك ماتحبي امك تكون معاكي وعامليها بما يرضي الله وصدقيني مع الفترة هي رح تعرف انك طيبة وتعتبرك مثل بنتها وان شاء الله تنصلح الامور وبالنسبه انو زوجك قال شي وبعد الزواج غير كلامو هي انا اعتبرها كذب وممكن تقولي انو عمل كذا عشان يحبك ويبغاكي بايا طريقة بس طبعا هذا مو مبرر وحاولي تجلسي معاه وتفهمي لي تبغي تروحي تولدي عند امك وانك ماتبغي تلبكي اهلو وانك بتكوني تعبانه وماتبغي تتعبي احد من عندهم وانو تكون فترهع تشتاقو لبعض فيها ان شاء الله تستفيدي من رأيي والله يوفقك ان شاء الله حبيبتي |
الف مبروك علحمل .. ربي يتمم لك على خير و يرزقك احلي بيبي معافي
اولا تعالي نمسك المشكلة من النهااية :) موضوع العيش في بلاد غير بلادك... حبيبتي .. لنفترض انك عشتي مع زوجك في بلدك و انجبتو و كان حياتكم من احلى مايكون ثم اضطر لاي سبب يتغرب و ياخذك معاه .. هل كنتي بتقولي خدعني وتطلبي الطلاق ؟؟؟ لا ياقلبي الوحدة مع زوجها باي مكان .. حاسة بشعوك لاني مثلك ببلد غير بلد و بلد ماعندي فيه لا اهل و لا اصحاب و لا جير ان على الاقل انتي عندك اهل زوجك .. يسلوك و يونسوك ثانيا ... موضوع اهله .. ياقلبي اهله ماعندهم الا هو يقدر يطلعهم وزي ماانتي تملي هم برضو يملوا و يبغوا من يوديهم و يرجعهم احتسبي الاجر..و خلي ببالك انك مثل ما بتعاملي امه و ابوه .. اولادك بيعاملوك ... فعملي خي فيهم عشان ربي يبارك باولادك صح الوحدة تحب تطلع لحالها .. مو مشكلة .. اطلعوا كلكم سوى و انبسطوا مافي احلى من اللمة وبعدين روحوهم البيت و انتو كملوا سهرة مع بعض و كملوا الطلعة او اطلعو من بدري و كونوا مع بعض لحالكم و بعدين اجعوا خذوهم و اطلعوا .... لا تحطي ببالك انهم بيكونو حمل ثقيل و ووو .. لانه الانسان يتاثر بافكاره وانما خذيها من ناحية الوناسة .. اللمة حلوة و انتي بعيدة من اهلك .. اعتبريهم اهلك و صدقييني كلما كنت طيبةمع حماتك وحماك ربي بييسر لامك و ابوك من يعاملهم كويس من حريم اخوانك اخيرا .. كلمي زوجك بهدوء بينك و بينه و بشكل لطيف .. بموضوع اخبار ابوه باي شي قولي له انت زوجي و شوري منك .. و ابي يكون لنا خصوصيتنا بكل امورنا بس زي ماقلت لك بشكل لطيييييييييييييييف جدا جدا ... و بيني له انه الوحدة محتاجة امها وقت النفاس تهتم فيها و انكما تقدري تتامري على حماتك و تتعبيها .. بعكس امك اللي تقدري تطلبي منها اي شي بدون خجل و ان شاء الله بيتفهم وتولدي عند اهلك حبيبتي .. اعرفي انه جزء كبيير من الضيق اللي انتي فيه سببه الحمل ... لانه يسبب تغغير بالمزاج و ضييق شديد في اغلب الاحيان ... و يخلي الوحدة تكبر من الامور البسيطة و تهولها ان شاء الله اول ماتولدي و تشوفي البيبي بتشوفي كل شي سهل و يسير الله يقومك بالسلامة يارب |
اهلا نردين
الف مبروك على الحمل والله يتمم حملك على خير حبيبتي اعرف ان كل وحدة تحب تعيش مع زوجها في بيت مستقل لوحدهم بعيد اهل زوجها بس للاسف معظم المجتمعات العربية بتعيش فيها الزوجة بداية حياتها مع اهل زوجها ثم بعد سنوات تستقل بسكن خاص.. وانتِ إن شاء الله زيك زي الكثيرات الي كانوا بنفسوضعك رح تستقلي وتعيشين ببيت يجمعك انتي وزوجك واولادك بعيدا اهل زوجك .. المسالة مسألة وقت و تحتاج صبر وقلب كبير .. بس اشوف ان اهم شي انك تبداي تمهدي هذا الموضوع لزوجك واظن بما انكم عايشين مع اهل زوجك انكم ما اشتريتو ثلاجة او بوتو غاز او مطبخ يعني اول ما يستلم الراتب تروحين انت واياه لمحل بيع المطابخ وتقولين ليش ما نشتري ثلاجة بالتقسيط علشان لما نسكن ببيت بروحنا .. وحاجات زي كذا اهم شي تجلسي ترددي هذا الكلام على مسامعه بين فترة واخرى وحماك وان كان متزوج بوحده ثانية فهذا لايلغي دوره ومسؤوليته تجاه زوجته الاولى و اولاده منها .. هو المسؤول عليهم بس لو كان ظالم مش معقول تقولي لزوجك ما علينا منهم او انك تحرضيه على عدم مساندتهم في وقت حماك تخلى عنهم .. بره بأمه خير لك وله و ربي بيوفقكم من وراء هذا الشيء .. وما اظن ان استقلالكم بسكن خاص فيكم رح يؤثر سلبا على اهتمامه بمتطلباتهم اهم شي يكون دائم التواصل معاهم يتصل عليهم .. يمر عليهم .. بالنسبة حق مشواريهم يجيبون سواق وخلاص.. واذا فيه شي مضايقك فضفضي حق زوجك بهدوء .. وبالنسبة للغربة تدرين الناس بتتغرب علشان لقمة العيش ظروف بعض الدول العربية مش ولابد .. علشان كذا وجهي لنفسك هذا السؤال : هل انتي قادرة على الاستمرار مع زوجك في الغربة ؟ وهل استقلالكم بسكن خاص بكم في بلاد الغربة سيجعل حياتك معه سعيدة مريحة ؟ حددي اين المشكلة بالضبط بيني وبين حالك .. ومثل ما قالت الاخت نورا الوحام مؤثر على نفسيتك في الوقت الحاضر وبالراحة كلمي زوجك برغبتك بأن تلدي عند ماما علشان ترعاك فترة الولاد وتتنبه للطفل وتعلمك شلون تلبسينه وتغسلينه وترضعينه .. خلي الهموم والتفكير وراء ظهرك انت حامل انتبهي لنفسك و لاتكونين زي كثير من الحوامل تهمل حالها فترة الحمل خليكي على سنجة 10 ......ماشي تروحين بالسلامة ولا تنسين الدعاء في جوف الليل وربي بوفقك ويفرج همك اختي الغالية |
اقتباس:
بالنسبة لأمه احنا مع بعض تمام التمااام يعني ما في شي بيناتنا و الحمدلله و ولامره حصلت بيناتنا مشكله بس تصرفاتها العفويه او ما ادري ايش ممكن حد يسميها هيا اللي مو تمام يعني مثلاً في فتره كنا ننام في المجلس بسبب المكيف تعطل في الغرفه و باب المجلس ما كان له مفتاح فلما تجي تصحينا عصلاة الفجر تدق الباب و تفتح الباب هذي احد المواقف اللي كانت تصير و هالشي كان يتكرر حتى لما ينسى زوجي يقفل باب غرفتنا بالمفتاح ما اعرف اذا كانت تعتبر هالشي عادي عندها بس احنا متزوجييييييييين و اكيد لنا خصوصياتنا واي واحد يعرف هالشي بالنسبة لكلامه قبل الزواج شي و بعد الزواج شي ثاني هو تقدم لي قبل ثلاث سنوات و رفضته بسبب حكاية الغربة و تزوج وحده ثانيه قعدوا سنتين وطلقها و تقدم لي مره ثانيه بس و طبعاً ابويا قلهم اني رافضه بسبب الغربه كمان و هما قالوا انه ناوي يستقر فبلدناو ياليتني ما صدقت و عالعموم انا كلمت ابويا و هو قال رح يتصرف لأنه هذا كان شرط اساسي لأني بصراحه لليوم مو مرتاحه في البلد اللي انا عايشه فيه حالياًٍ اما بالنسبه لموضوع الولاد راح يتجج لي انه رح يتعب في المعاملات لما يدخل البيبي "سبحان الله المعاملات اهم من راحت زوجته و صحتها" بس ان شاء الله خير قررت اني اولد عند امي و يسوي اللي يسويه بس اكيد بتكلم معاه بأسلوب في هالشي و ان شاء الله يعدي الأمر على خير |
اقتباس:
|
اقتباس:
اما بالنسبة للغربه هو قال انه يعرف واحد ممكن يساعده على انه يتوظف بشركه بمرتب يعادل مرتبنا الحالي و طبعاً العيشه فبلادنا مو اغلى من مكاننا الحالي يعني ممكن نوفر احسن من هنا لأنه ما بيبقى ولا شي من المرتب هنا الى جانب رح نكون قادرين نستقل بسكن خاص و بالنسبة لموضوع السكن الخاص دايماً اقوله انه اكيد رح نستقل بسكن خاص و كل ما اشوف ادوات المطبخ دايماً ما اكرر ان شاء الله لما نفتح بيتنا و مقابل كلامي يرد عليا بالسكوت حسسني انه مو ناوي يترك اهله و نعيش لوحدنا |
اخواني و اخواتي
انا فكرت انه خلال زيارتي لبلدنا رح افتح موضوع انه يستقر فبلدنا و اني ما رح ارجع معاه لين ما يرجع هو من نفسه يعني احطه امام الأمر الواقع و اذا كان مهتم بي و بالبيبي يشوف حل لأني بصراحه مو متحمله اعيش في الغربه و وسط اهله و هذا الشي من حقي لأنه كان شرط اساسي لما تقدم لي و هو وافق عليه |
| الساعة الآن 05:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©